Улстөр / 2018/02/06 / 8

Г.Тэмүүлэн: Улстөржилт, намчирхал, талцал Монгол Улсын хөгжлийн замд чөдөр, тушаа болж байна



УИХ-ын гишүүн, Нийгмийн ардчилал Монголын залуучуудын холбооны ерөнхийлөгч Г.Тэмүүлэн Үндэсний эв нэгдлийг хангах тухай хуулийн төслийг боловсруулснаа өнөөдөр мэдээллээ. Анхан шатны нэгж баг, хороо, сум, дүүрэг болон аж ахуйн нэгж, байгууллагын салаа мөчир бүрт бий болсон улстөржилт, намчирхал, талцал Монгол Улсын хөгжлийн замд чөдөр, тушаа болсоор байна. Иймд иргэдийг намчирхал, талцал, улстөржилтөөс ангид байлгах, төр засаг, төрийн албыг бэхжүүлэх, төрийн үйл ажиллагаанд иргэдийн оролцоо, хяналтыг нэмэгдүүлэх, намчирхал, талцлыг зогсоох замаар үндэсний эв нэгдлийг хангах, шударга ёсыг тогтоох, хариуцлагатай төрийг бий болгоход энэхүү хуулийн төслийн зорилго чиглэгдэж байна.

Нийгмийн ардчилал Монголын залуучуудын холбоонд залуучууд оюутнууд, иргэд олон нийтээс ирүүлсэн олон санал хүсэлтийн нэг нь энэхүү улстөржилт, намчирхал, талцалтай холбоотой асуудал байсан. Тиймээс УИХ-ын гишүүн Г.Тэмүүлэн тус холбооноос санаачлан боловсруулсан Үндэсний эв нэгдлийг хангах тухай хуулийн төслийн талаар саналаа ирүүлж, Монголын ард түмний язгуур эрх ашиг, хөгжлийн бодлогын асуудлаар хамтарч ажиллан, ирээдүй, хойч үеийнхээ хөгжлийн төлөө хувь нэмрээ оруулахыг улс төрийн нам, иргэний нийгмийн байгууллагууд, ард иргэддээ хандан уриаллаа. Мөн ирэх 4 дүгээр сарын 5-нд Үндэсний зөвшилцийн чуулган, хэлэлцүүлгийг хийн, хуулийн төслөө УИХ-д өргөн барихаар төлөвлөж байна.

Үндэсний эв нэгдлийг хангах тухай хуулийн төсөлтэй холбогдуулан Улс төрийн намын тухай хууль, Сонгуулийн тухай хууль, Төрийн албаны тухай хууль, Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуульд оруулахаар зорьж байгаа нэмэлт, өөрчлөлтийн хүрээнд Монгол Улсын Үндсэн хуульд нийцүүлэн улс төрийн нам болон төрийн үйл ажиллагааны зохистой зааг, хүрээг тогтоож, дараах асуудлуудыг шийдвэрлэх боломжтой болно гэж үзэж байна.

Үүнд:

1.Баг, хороо, сум, дүүргийн иргэдийн төлөөлөгчид болон иргэдийн нийтийн хурлын түвшинд улс төрийн нам хүн дэвшүүлэхийг болиулж иргэд намын харьяалалгүй төлөөллийг сонгох, баг, хороо, сум дүүргийн засаг захиргааны нэгжид улс төрийн албан хаагчдыг төрийн жинхэнэ албан хаагч болгох замаар засаг захиргааны анхан шатны нэгж болон аж ахуйн нэгж, байгууллагын салаа нэгж бүрт бий болсон намчирхал, талцлыг зогсоох;

2.Монгол Улсын язгуур эрх ашиг, урт хугацааны хөгжлийн бодлого, эдийн засаг, үндэсний аюулгүй байдлын томоохон асуудлаар улс төрийн нам, эвсэл, иргэний нийгмийн байгууллагууд нэгдмэл байр суурьтай байж, тавьсан зорилтоо тууштай хэрэгжүүлэх үндэсний зөвшилцлийн эрх зүйн орчин, ил тод шийдвэр гаргах зөвшилцлийн тогтолцоог бий болгох.

3.Төрийг бэхжүүлж, төрийн жинхэнэ албыг аливаа улс төрийн намаас хараат бус, намчирхал, улс төржилтөөс бүрэн ангид байлгах зорилтын хүрээнд улс төрийн нам төрийн жинхэнэ албаны үйл ажиллагаа, томилгоонд шууд болон шууд бус байдлаар оролцох, улс төрийн намаар дамжиж төрийн жинхэнэ албанд орох, бэлтгэгдэх, тэдгээр нь намын ашиг сонирхлын төлөө нөлөөллийн үйл ажиллагаа явуулах зэргийг хатуу хориглох;

4. Төрийн үйл ажиллагаанд иргэдийн оролцоог нэмэгдүүлэх замаар улс төрийн намуудын оролцоо, нөлөөлөл, зарим үйл ажиллагааг хязгаарлах эрх зүйн орчныг боловсронгуй болгох боломжтой гэж үзэж байна.

 

Б.Анир



  • зочин · [183.177.98.238] · 2018/02/08

    Ерөөсөө одоогийн ерөнхийлөгчөө огцруулахгүй бол оффорчид, төрийн хөрөнгө идэгчид, Эрдэнэтийг хууль бусаар авсан асуудал хууль хяналтынхан шийдэж чадахгүй байна. АРТ ТҮМЭН МИНЬ еРӨНХИЙЛӨГЧӨӨ ОГЦРУУЛАХ АЯНД НЭГДЭЦГЭЭЕ.


  • tom · [202.21.106.153] · 2018/02/07

    Ehleed AAV Ganzorig tyynii dyy nariin hamt offshor t bairluuksan luivriin mongoo oruulj ir ee ho


  • Zochin · [182.160.35.156] · 2018/02/06

    Ene nuhriin AAV ni Erdenetiin mungiig guvchuulchihaad baigaa Batsuh mun uu???? Baliar yumnuud dandaa ur huuhdeeree hogoo tseverluuleh gej Uls tur luu chiheh yumaa, odoo yer ni MAN iin uls tur etsguudiin ur huuhdeer urgeljleheer bolchihood baih shig???


  • Зочин · [183.81.171.2] · 2018/02/06

    шудрага ярьдаг шигээ амьдрал дээр ийм байвал зүгээр тийм биш шүү. морь уралдуулах, хаанаас ийм их хөрөнгөтэй боллоо доо. эсвэл үнэхээр ард түмэн Монгол улсынхаа төлөө юм хийхээр хичээв үү


  • Тэмуулэн гишуунд · [66.181.190.61] · 2018/02/06

    Юуны емне аавтайгаа хамт ил шударгаар олон тумнээс уучлалт гуй, тгд оффшорт ах дуугийн нэр др нээсэн данс дахь менгее оруулж улсад тушаа за ингэвэл сая бутэн нойртой хонож евег дээдсийн чинь сунс амрах болно...!


  • irgen · [66.181.190.61] · 2018/02/06

    Ганзориг аав чинь Эрдэнэтийн херенгеер хууль бусаар оффшорт данс нээсэн, Элбэгийн сонгуульд авилга егсен гд мен ч олон баримтууд бн доо, Хуу минь чи юу гэж бодож бн даа???????


  • Otgonbat · [124.158.106.140] · 2018/02/06

    Aav chini tegeed shudarga hun uu. Chi ch bas turd baihad ichmeer damshig gedgee medeh uu?


  • Батсайхан · [122.201.31.50] · 2018/02/06

    Та эхлээд аавынхаа улсын хөрөнгө, эрдэнэтийг тоносон тухаы шудаогаар дэлгэчих .Тэгвэл дэмжье