УИХ-ын намрын чуулган хаалтаа хийлээ


УИХ-ын намрын чуулган өнөөдөр хаалтаа хийлээ. Чуулганы хаалтад зориулан УИХ-ын дарга М.Энхболд хэлсэн үгэндээ “Энэ намрын чуулганы анхаарлаа хандуулсан нэг чухал асуудал нь агаарын бохирдол байлаа. Үүний дагуу УИХ тодорхой шийдвэрүүдийг гаргасан. Цаашид шийдвэр гаргах бүх төвшинд идэвх санаачилгатай ажиллах шаардлагатай. Намрын чуулганаар хэлэлцэн баталсан бас нэг чухал хуулийн нэг нь Төрийн албаны тухай хуулийн шинэчилсэн найруулгын төсөл байлаа. Энэ дотроо олон шинчлэлийг багтаасан. Шинэчлэн баталсан Төрийн албаны тухай хэрэгжиж эхэлснээр 2019 оноос төрийн албан хаагчид чадхуйн зарчмаар дэвшин ажилладаг болно. Тухайлбал, яамны төрийн нарийн бичгийн дарга 16-аас доошгүй зүйл төрийн албанд ажилласан, ингэхдээ яамны газрын даргаар наймаас доошгүй жил ажилласан байхыг шаардаж байгаа. Ер нь УИХ үүргээ биелүүлэн ажиллаж байгаа гэж үзэж байна. Гэтэл сүүлийн үед зарим улс төрийн хүчин, Төрийн тэргүүний зүгээс УИХ-ыг тараах санаачилга гаргах тухай ярих боллоо. Үүнийг ажил сайжруулах гэсэн шаардлага гэж үзэж болох боловч ард түмний сонголтыг үгүйсгэсэн, парламентын үүргийг сулруулах гэсэн бодлого гэж үзэхээс өөр аргагүй байна.

Төрд түмнээ төлөөлөн суугаа гишүүдийн сахилга хариуцлага, ёс зүйтэй холбоотой асуудлыг хөндөлгүй орхиж болохгүй нь. Хуулиар олгосон эрх мэдэл их ч гэлээ хүлээх хариуцлага, улс төрийн соёл юу юунаас илүү чухал байна. Үүнийг улс төрийн намууд анхаарах шаардлагатай байгааг анхааруулъя. “Хэрэв өөр улсад байсан бол аль хэдийнэ огцорчихсон байгаа даа” гэх иргэдийн яриаг сонсоогүй мэт өнгөрч болохгүй. Ёс зүйн хариуцлага нь хувь хүнээс шалтгаалдаг” гэлээ.


Энэ мэдээ таалагдаж байвал:


  • Зочин · [66.181.165.36] · 2018/02/12

    М.Энхболд та маш зөв шийдвэрийг гаргах нь яамдын ТНБД нар нь төрд болон улсад 16 жил ажилласан бх ёстой гэдэг эсвэл яамандаа тодорхой жил мөн ажилласан бх ёстой гэдэг маш зөв шийдвэр гаргах нь гэтэл одоо ажиллаж бгаа ТНБД нар арай л балчир том албан тушаалд очиж яамныхаа ажилчдыг тоохгүй өөрийгөө тэнгэрээс унасан юм бодож туршлагатай хүмүүсээ түшиж ажиллахгүй зөвхөн өөрт ашигтай хүн буюу ганц нягтлангийн үгээр хов живээр ажлаа хийж бна шүү дээ


  • зочин · [202.179.27.40] · 2018/02/11

    энэ Дүр зургийг харахад Төрийн дуулал эгшиглэж байхад МАН-ын Гишүүд Мөнхбатаас бусад нь их л хайнга залхсан байдалтай зогсож харагдах юм даа, УИХ Тарсан дээр дөө, Авилга, Хулгай, Луйвар, Оффшор, Хүчингийн асуудалд орооцолдож зарим нь Хуралдаа огт суудаггүй, Хурлаасаа хоцорч дургүй шахам ирдэг, гаргаж Санаачилж Баталсан Хуулиуд нь Иргэдийнхээ эсрэг Журам тогтоол гаргасан ийм Гишүүдтэй УИХ байгаад яах юм, Иргэдийнхээ Жигшил Зэвүүцлыг төрүүлэн төрүүлэн Та бүгд тэнд Хорогдоод яадаг юм, Элдэв Хар хэл аманд өртөхийн нэмэр шүү дээ,


  • Olgiorhyyd aa!!!!tarbal barj?... · [148.60.92.227] · 2018/02/09

    ene ikhe hyral tarbal barj?...ta nar ig hereggyi ardyyd Mongold alga!zail!!!