О.Баасанхүү: Нөхцөл байдлыг нуусан, Монгол Улсыг өрөнд оруулж буй хууль бус этгээдүүдэд хариуцлага тооцох хэрэгтэй


УИХ-ын гишүүн О.Баасанхүү өнөөдөр “Эрдэнэт” үйлдвэрийн асуудлаар мэдээлэл хийлээ. Мэдээллийн эхэнд тэрээр “”Эрдэнэт” үйлдвэрийн “Стандарт” банкинд төлөх өр зөрүүтэй байдлаар хэвлэлүүдээр мэдээлэгдэж байгаа. "Жаст"-ын Ш.Батхүү “Стандарт” банкнаас таван удаагийн гэрээгээр нийт 172 сая ам.доллар зээлсэн байдаг. Тухайн үед “Эрдэнэт” үйлдвэрийн захирал Ч.Ганзориг, Төрийн өмчийн хорооны дарга асан Д.Сугар, тус үйлдвэрийн хуулийн хэлтсийн дарга Б.Мөнхжаргал тэргүүтэй таван хүн гарын үсэг зурсан байдаг.

Арбитрын шүүхээс “Эрдэнэт” үйлдвэрт хамаарах 51 сая ам.доллар дээр нэмээд хүү торгууль, шүүхийн зардлыг нэмээд 2017 оны арваннэгдүгээр сарын байдлаар 109 сая ам.доллар төлөх шийдвэр гаргасан. Тухайн үед Ш.Батхүүгийн зээлсэн 172 сая ам.доллараас 51-ийг нь хасахаар 121 сая ам.долларын өнөөгийн Төрийн банк төлөх нөхцөл байдал үүсээд байгаа. Тэр үед энэ банк чинь Хадгаламж нэртэй байсан” гэж тодотгов.

Мөн тэрээр “Шүүхээс 500 мянган ам.доллараас дээш үнэлгээ бүхий “Эрдэнэт” үйлдвэрийн хөрөнгүүдийн мэдээллийг авахыг хүссэн байдаг. Үүнийг нь өгөөгүй учраас “Эрдэнэт” үйлдвэрийн хөрөнгийг битүүмжлэх нь зөв гэсэн захирамж гаргачихаад байна. Монгол Улсыг ийм хүнд байдалд оруулсан хүмүүстэй хариуцлага тооцох хэрэгтэй. Ж.Алтан, Ш.Батхүү нарын жараахайнаас гадна өөр том хүмүүс ч байгаа.

Тухайн үед зээлийн шугамыг хэн нээв. Тодорхой хэмжээгээр нуун дарагдуулсан, Монгол Улсыг шүүх дээр ялагдуулахад хүргэсэн хүмүүстэй ч хариуцлага тооцох хэрэгтэй. “Стандарт” банк одоо Хятадын компанид зарагдсан. Төлөх мөнгө нь маш их. “Эрдэнэт” өнгөрсөн онд 300 орчим тэрбум төгрөгийн ашигтай ажилласан байна. Энэ мөнгөнөөс төлөлтийг хийх гэж байгаа нь маш буруу жишиг. Зээлийн хүү нь өдөр хоногоор өсч байгааг анхаарах хэрэгтэй” гэсэн юм.

Мэдээллийн үеэр тэрбээр сэтгүүлчдийн асуултад дараах хариултыг өглөө.

-“Эрдэнэт” үйлдвэрийн хөрөнгийн битүүмжлэлийг хэрхэн хийнэ гэсэн үг вэ?

-“Эрдэнэт” үйлдвэрийн гол өмч нь молибден. Өнөөдөр манай молибдены гэрээ Хятадад байгаа. Өөрөөр хэлбэл, шууд Хятадаас молибденийг авах эрхтэй гэсэн үг. Манай улс баяжмалаа тэдийг нийлүүлнэ гээд урьдчилаад мөнгөө авчихдаг. Энэ нийлүүлэлт зогсох эрсдэл үүсч, “Эрдэнэт” гэрээний үүргээ зөрчихөд хүрэх юм. Түүнээс биш Арбитр “Эрдэнэт” үйлдвэрийн байшин сав, ширээ сандлыг битүүмжлэхгүй.

-Та хуулийн байгууллагынхан энэ асуудал дээр хангалттай ажилласан гэж хэлж чадах уу?

-Би хуулийн байгууллагыг ажиллаагүй гэж хэлэхгүй. Гол нь нөхдүүд өмгөөллийн хуучин арга хэрэглэсэн. Гарын үсэг зурсан гэгдээд хүмүүс чинь бүгд хуурамч гэж мэдүүлэг өгсөн. Шүүхийн шатанд удааширсан, орхигдуулсан зүйлүүд бий. Гол нь тэр мөнгийг “Эрдэнэт”-ийн Эрсдэлийн сангаас төлөөд л өнгөрч болохгүй. Ийм байдалд оруулсан хүн нэг бүртэй хариуцлага тооцох хэрэгтэй.


Энэ мэдээ таалагдаж байвал:


  • Зочин · [64.119.19.28] · 2018/03/05

    НЭ ГАР УГ НЬ 49 ХУВЬД БАС ДУУГАРАХ ЁСТОЙ.


  • зочин · [49.0.219.109] · 2018/03/04

    ард иргэд бид үндсэн хуулинд заасан баялагын эзэн биш түүнээсээ хүртэх хувьгүй гуйлгачид боллоо эх орон тусгаар тогтнолоо алдахад хүрлээ. төрийг минь зайдагнасан новшнуудаас алах цаг болжээ


  • ёо ёог анагаах · [103.29.144.2] · 2018/03/03

    Иймэрхүү ард түмний өмчийг өөрийн мэт ойлгож зарцуулдаг нөхөдтэй маш хатуу хариуцлага тооцох хэрэгтэй. Аль эрт шийдвэрлэх боломжтой байтал нуусан, зүгээр өнгөрнө гэж бодсон тэр хугацаанд би үхчихнэ гэж бодож байсан нөхдийг бүгдийг нь ил цаазал. Нэг үхэр хулгайлсан хүн хэдэн жил хоригддог билээ


  • zochin · [66.181.176.74] · 2018/03/01

    Manai huulig changatgeh heregtei.Tsaazin huulig turgen sergeeh heregtei.Awilga heel hahuuli.Huchin.Huni ami burelgesen buh humuust deed hemjee uguh heregtei sh de. Yun hariutslaga tootsoh we.Shuud hurungig n huraaj hohirolig n baragduulj deed hemjee uguh heregtei.Huuli hun burt tegsh uilchildeg zarchim chin manaid bur aldagdaad duuslaa.Jirin irgen iim ih onts ih hemjeeni hohirol uchruulsan bol shuud shorond uhseen.


  • Зочин · [203.91.112.198] · 2018/03/01

    бааска хкн хуралыг хэдээр хийх вэ