Улстөр / 2018/04/06 / 31

УИХ-ын гишүүн Х.Нямбаатар ШЕЗ-ийн дарга Н.Лүндэндоржид ил захидал илгээлээ



УИХ-ын гишүүн Х.Нямбаатар ШЕЗ-ийн дарга Н.Лүндэндоржид хандан ил захидал илгээлээ. Уг захидлыг бүрэн эхээр нь хүргэж байна.

МОНГОЛ УЛСЫН ШҮҮХИЙН ЕРӨНХИЙ ЗӨВЛӨЛИЙН ДАРГА Н.ЛҮНДЭНДОРЖ ТАНАА

 Задарсан дээдсийн завхралыг жаахан ч гэсэн засах гэж яваа залуу хүний хувиар танд хандаж байна. Юуны өмнө та бид хоёрын дунд ямар нэгэн хувийн чанартай зөрчил байхгүй бөгөөд эрдэм номын хүний тань хувьд хүндэтгэн явдагаа энэхүү захидлынхаа толгойд учиглах нь зүйн хэрэг билээ.

Төр оршин буй цагт хууль, хууль буй дор хүмүүний амьдрал оршино. Амьдралын эргүүлэгт, үхэх төрөхийн өчүүхэн заагт нар үздэг нь хүмүүн бид. Өөрт оноогдсон энэ өчүүхэн зааг, цаг хугацааг эх орон, Монгол Улсад минь нүүрлэсэн зах замбараагүй завхралыг өчүүхэн ч гэсэн засч залруулахад зориулъя хэмээн бодож, зориглон хөдөлсөн нь аалзны тор мэт сүлжилдсэн ашиг сонирхол нэгтэй хэсэг бүлэг хүмүүсийн эсэргүүцэлтэй тулгарлаа. Нийгэмд бугшаад байгаа хууль, шүүхийн байгууллагын завхрал, шүүгчдийн ёс зүйгүй, увайгүй үйлдлийг зориг гарган илчилсэнийг минь тааламжгүй, дурамжхан, эсэргүүцэн хүлээн авч буй хэсэг бүлэг этгээдийн тэргүүн эгнээнд та морилж яваа нь Монгол Улсын Шүүхийн Ерөнхий зөвлөлийн даргад байж боломгүй ёс зүйгүй үйлдэл юм. Өөрөө л амьдраад болчих юм шиг өчүүхэн бодолтой хүмүүстэй нэгдэн нийлж нийгэмд худал хуурмаг мэдээлэл түгээж байгаа үйлдлийг тань хэрхэвч хүлцэхгүй гэдгээ үүгээр илэрхийлж байна.

 Монгол улсын тусгаар тогтнол, ард түмний амь амьдралын баталгааг ханган, шударга ёсыг дээдлэн ажиллах учиртай хууль, шүүхийн байгууллагад бугшсан завхарлыг засах гарц нь хууль, шүүхийн байгууллагыг цэвэр ариун байлгах явдал. Эл зарчмыг үл гажуудуулахын тул би танд хандан мөн олон нийт бодит байдлыг эргэцүүлж, шүүн тунгаагаасай гэсэн үүднээс энэхүү ил захидлыг нээлттэй илгээж байна.

 Та 2013 оноос Шүүхийн Ерөнхий Зөвлөлийн даргаар ажиллаж эхэлснээс хойш 5 жил өнгөрч байна. Энэ бол хууль тогтоох байгууллагын нэг бүрэн эрхийн хугацаанаас урт  хугацаа. Энэ хугацаанд Монгол Улсын шүүх засаглалд ямар дэвшил шинэчлэл, ахиц  өөрчлөлт хийгдсэн бэ? Иргэдийнхээ дунд ямаршуухан үнэлэмж дүгнэлттэй байж, шударга ёсыг тогтооход ямар хувь нэмрээ оруулав гэдгээ Та ард түмэндээ хэзээ тайлагнах вэ?   Харамсалтай нь, иргэдийнхээ өмнө шударга байх учиртай Шүүх зоосны өмнө хүчин мөхөсдөж, шүүгчдийн хууль бусаар хөрөнгөжсөн, авлига авсан байж болзошгүй, гэмт хэргийн шинжтэй үйлдлүүдийн баримт нотолгоо, мэдээлийн эх сурвалжууд толгой дараалан олон нийтэд ил болж байна. Монгол Улсын шүүх, шүүхийн байгууллага, шүүгчид гаднын хөрөнгө оруулалттай ХААН банкны барьцаанд орж, ядарсан иргэдийнхээ эсрэг шийдвэр гаргаж байгаа, байсан нь илчлэгдлээ. Үүнийг Та Шүүхийн хараат бус байдлыг хангаж ажилласан гэх үү? Тухайлбал Монгол Улсын шүүхийн хараат бус байдал олон улсын байгууллагын судалгаагаар 137 орноос 110 дугаарт эрэмбэлэгдэж сүүл мушгилаа. Энэ бол инээдэм биш эмгэнэл.

 Та болон таныг тойрон хүрээлэгчид ярьж байгаа шигээ шударга уу? Хадгаламжин дахь нэг тэрбум төгрөг, автомашины ослын тухай гээд тантай холбоотой, холбогдолтой таагүй мэдээлэл хөвөрсөөр байна. Түүгээр ч зогсохгүй Таны тарьсан балгийг чимээгүйхэн баллуурдсан хоёр хүнээ Та тэнгэрт тултал тэтгэсэн чинь худал уу? Нэхэн сануулахад 2011 онд үйлдсэн авто тээврийн ослоор оюутан охиныг дайрч амь насыг нь хохироосон хэргийг чинь шалгасан Замын цагдаагийн газрын мөрдөн байцаагч /тухайн үеийн албан тушаалаар/, тээврийн прокурор нар Таныг Шүүхийн Ерөнхий зөвлөлийн даргын хэмжээгүй албанд томилогдсоны дараа шүүгч болон суга дэвшиж Таны ивээлд багтсан гэдгийг нэг бус хэвлэлээр дэлгэсэн. Үүнийгээ Та хэрхэн тайлбарлах вэ?

 Албан тушаал, эрх ямба ярилгүй эр улсууд шиг учраа олъё. Надад баримт, Танд “андууд” байна. Олон баримт цааш нь дэлгэж оюун бодлыг чинь чилээлгүй түр энд хүрээд завсарлая. Олон жил хөвөрсөн завхарлын утсыг ээрч чадалгүй алдсан учгийг бас тайлъя. Монгол Улсад Таны яриад байгаа шиг шударга шүүх байгаа л юм бол албан тушаал гэдэг гоёлоо тайлаад нэг шалгуулчих. Ямар ч “но”, нотолгоо илрэхгүй бол Таны хэлснээр би уучлал гуйя! Харин “но”, нотолгоо илрээд намаг балчигт унахын цагт надаас биш Монголын ард түмнээс “багаараа” уучлалт гуйгаарай!

 Монголын шүүхэд шударга ёс үгүйлэгдэх хамгийн том шалтгаан нь Та өөрөө юм.

 

 

 

 

Монгол Улсын иргэн,

УИХ-ын гишүүн                                                                    Х.НЯМБААТАР



  • бадмаа · [124.158.88.11] · 2018/06/28

    болжээ, сайн бичиж. Лүндэндоржтонгууд монголын шүүхээс нэг мөсөн зайл. гэхдээ эхлээд тарьсан балагийнхаа төлөөсийг төл


  • XAIDO · [112.72.14.0] · 2018/04/22

    IX surguuld baixdaal zaxiraliig dolgonij guisen amitan baisanshuudee.Er n shuugch nar denduu abilgagch gedgiig bi bajnzurx duurgiin shuuxiin [2006-2008 ued ] xurald oroltsohdoo olj medsen. Odoo bur gaarsan bainlee.


  • Зочин · [66.181.160.63] · 2018/04/10

    Лүндэндоржоо ингэж амьдрах хэрэг байна уу. Чамд ичих булчирхай ёс зүй гэж байна уу.


  • Зочин · [103.57.93.184] · 2018/04/09

    Нямдоржийн хүн дайрч алсан шүүгч гэдэг нь энэ лүндэн гэдэг пяхлуу баясан байх нээ.


  • zochin · [103.212.119.233] · 2018/04/08

    Mash zov ene lundendorj gej noxriig ATG mash sain shalgaj,edsen uusaniig n ard tumendee tailagnax yostoi.Geshuund amjilt Xusii.


  • od · [103.57.94.96] · 2018/04/08

    Elbegdorj Lundendorj,Hurtc metiin hamgiin ih shunaltai yu ch hiihees butcahgui nobshnuudiig toriin chuhal alband tomilj araa hamgaalj baisan ni todorhoi yum bish uu.Naad Lundendorj chin arhi uuj zabaarch yabaad 16-han nastai tsetseg shig ohiniig dairch alaad arhi uugaagui shud obdood spirteer amaa zailsan yum gej hudal meduuleg ogch argalaad hergees multarsan gedeg biz dee.Boloogui huuramch material burduulj argalj ogson tcagdaa,prokuroriin luibarchidaa odoo shuugch bolgoj debshuulsen gej baigaa.Iim il asuudliig odoo dahin shalgah heregtei


  • 1948 · [202.179.31.43] · 2018/04/08

    zaluu gishvvn chi vneheer eh oronch vzel sanaachlaga gej yu baidgiig hvmvvsd oilguullaa eh ornihoo tuluu buu selem barij temstehiin orond vzgee bariad ouyn sanaa medlegeere temtsej baigaa chin vneheer busad ve tengiin saihan zaluuchuudaa urialj ban amjilt hvsie temtseld chi yalnaa saihan setgel bol demjlegtei baidag yum bolgoomj heregtei


  • Зочин · [64.119.20.243] · 2018/04/08

    nyambaatart amjilt husiye.


  • Зочин · [112.72.14.206] · 2018/04/08

    Илэрүүлсэн хэргийг нь шүүх юу ч биш болгодог мөртлөө цагдаагийн байгууллага, авилгатай тэмцэх газраас хэрэг илрүүлэхийг шаардах нь утгагүй асуудал. Зүгээр л шүүх бол ялзарсан байгууллага болсон. Яана даа хөөрхий Монголд асуудлыг хуулиар биш мөнгөөр шийддэг болоод удаж байна.


  • Dornodoos · [202.131.250.130] · 2018/04/07

    Hsuuh bohor baihad, shudarga yos yariad yahav. Tseverlegeeg hsuuhees ehleh... Eh ni bulingartai bn shuudee. Lundeen ajlaa o'g shalguul. bid shudraga yosoo hadgalj uldeye


  • Зочин · [112.72.14.112] · 2018/04/07

    ix xurald xedxen saixan zaluus bga shv uul ni


  • shuulen · [103.57.94.206] · 2018/04/07

    ulsiin deed shuux xuuli tailbarlaxaa bolij neg mur oilgoltgui bolsonoos bolj xuuliig dur duraara shiiddeg bolson,,,,,,, ene zaaltiig xuulind oruulsan etgeediig tsaazal


  • ulsiin deed shuux xuuli talbarlaxaa bolis · [103.57.94.206] · 2018/04/07

    bi anxan shatnii shuux deer umguulugchgui orood nuguu tal umguulugchtei baisan ch bi yalsan yum,,,, getel ter umguulugch dabj zaaldax bolon ulsiin deed shuux deer bugd yalsan,,,, yagaad yalsan be gexeer ter umguulugch tedgeer shuugchidiin xuuliin surguulid baixad ni bagsh ni baisan yum gene ee mun chadaj baigaam shuu xunii amidraliig


  • зочин · [202.70.41.114] · 2018/04/06

    Лүндэндорж түүний эхнэр Орос 3-р сургуулийн захирал авгай, бас бус хүн тойрон хүрээлж, эд нарыг таньдаг, авилга өгч чадсан нь шүүгчээр томилогддог гэсэн яриа гараад их удсан. Энэ нь үнэн байх магадлалтай, ШЕЗ-ийн дарга хамт ажиллаж байсан багш нараа өөд нь татаж, заримаар нь хувийн санхүүгээ бариулж, асар х мөнгө хуримтлуулдаг гэж олон хүн ярих юм билээ. Тэгээд энэ бүгдээ нуун далдлах гэж орон нутгийн шүүхээр "Шүүхийн үинэтгэл" гэж хичнээн удаа тойрч худлаа ярьж явах юм бэ? ШЕЗ-ийн асар их бүтэц орон тоог цомхотгох цаг болсон.


  • зочин. · [202.179.27.46] · 2018/04/06

    Энэ Лүндэндорж гэдэг хүнийг сайн мэдэхгүй л дээ. Олон жилийн өмнө Боловсролын яамнаас 3-р сургуулийн захиралыг өөрчилсөн шийдвэр гаргахад энэ хүн "хууль"-ийг гууль болгож байгаад дахин томилуулж байхыг нь хараад энэ ёстой үл бүтэх нөхөр байна гэж бидний хэдэн хүмүүс гайхширч билээ. Иймэрхүү хүмүүсийг сайн мэдэхгүй хариуцлагатай албанд томилож байгаа нь манай төрийн хараа чих их л муудаж дээ.


  • зочин · [202.179.24.114] · 2018/04/06

    Лүндэндоржийн хэрэг үүгээр зогсохгүй шүүгчийн томилгооноос хичнээн юу авдагийг гадуур улаан цайм ярьцгааж байна. Улс төрийн захиалгаар хүн хэлмэгдүүлж шийтгэсэн хэд хэдэн шүүгчийг дээд шүүх болон ерөнхий зөвлөлд авсан нь саяын хэдхэн минутнын хугацаанд тавьсан хөрөнгө орлогын мэдүүлгээс нь харахад толгой баячууд болсон байна. Шүүх яаж дампуурсныг ганцхан энэ жишээнээс л тодорхой харагдаж байна. Улс төрийн захиалгаар ингэж ажиллаж байгаа юм чинь "мөнгө"-ний захиалгаар бол ойлгомтой. Шүүхийг ариун болгох ажлаа өөрөөсөө эхэл. Юу ч гэж хөхөө шиг донгодоод хэрггүй таныг олон түмэн үзэн ядаж байна. Нямбаатар гишүүнээ танд амаргүй байгаа ч ард түмэн бүрэн дэмжиж байна.


  • иргэн · [66.181.170.215] · 2018/04/06

    дээд шүүхээр хэргээ буруу шийдүүлсэн иргэд аж ахуй нэгж бүгд мэдээлэлээ нэгтгэх хэрэгтэй.


  • irgen · [66.181.170.215] · 2018/04/06

    иргэний хэргийн дээд шүүхийн шүүгч нарын алга эргүүлсэн юум шиг шийдвэриүүдийг шалгах хэрэгтэй. Анхан болон давах шатны шүүхээр 2-3 жил бүх хэрэг явдалаа бодит байдалаа хэлэлцэн маргалдаж шийдвэрлэсэн хэргийг АВЛИГА аваад шууд унагаж шийдсэн сүүлийн 3 жилийн хэргүүдийг л шалгахад тодорхой болно.


  • amjilt husii · [112.72.15.94] · 2018/04/06


  • Чи чадна · [202.131.238.18] · 2018/04/06

    Чам шиг 30 хан хүн байвал монгол жинхэнэ монгол боллоо Зоригтой болгоомжтой байгаарай Чамтай үчрах нэг өдөр бурхан хайрлах байгаа тэр үед тэмцлийн чинь нэг хэлтэрхий болъё


  • Баагии · [203.91.118.254] · 2018/04/06

    Хэрэг маргаан шийдвэрлэх доод ажлыг үнэнч шудрага хийж өгсөөр байхад шүүхэд очоод замхардаг нь худлаа биш. Иргэд бүгдийн мэдэж байгаа. Гаргаж шалгуулж жинхэнэ шүүхийг бүрдүүлэхийг шаардаж байна. Монгол Улсад 600 шүүгч байдаг гэсэн. Аймаар тоо шүү.


  • zochin · [103.229.121.124] · 2018/04/06

    ih hurald gants unen bodit medeeg olon niited zuv medeelsen ene gishuuniig demji bna Ta mashy hurdanh ajklaan ugch neree bod!!!! esvel ard tumend unenee heleed urgudluu bich.!!!!!


  • иргэн · [202.179.26.232] · 2018/04/06

    Лүндэндорж гэгч монголын шүүх засаглалыг дээд цэгт нь хүртэл завхруулж шүүх ямар шудрага бусыг хийсээр байгааг монголын ард иргэд хор уршигийг нь хүртсээр шүүгч нар цулаасаар хэвтэнэ. Нямбаатар гишүүнийг монголчууд өмгөөлөн хамгаалах болно.


  • Үнэн · [122.201.31.9] · 2018/04/06

    Лүндэндорж хөхөө шиг донгодоод хөхөө шиг үүрээ хаядаг новш.Шүүгчдийн томилгоог 5 хүн сууж байгаад 25-30 сая төгрөгийн хахууль болгож хувиргасан гэх яриа тархсан.Шүүгчдийн авилга цалин нэмсэн, Шүүхийн ерөнхий зөвлөл нэр дэвшүүлж, хүзүүгүй томилсноос хойш бүр гаарсан.


  • Баатар · [202.72.245.122] · 2018/04/06

    НЯмбааатр гишүүнийг дэмжиж байна. Шүүх үнэндээ ажлаа хийхээ байсан ....Хамгийн гол нь ШУДАРГА биш, Хулгайч, авилгач, алагчлагч ШҮҮХ л ажиллаж байна. Хүчиндүүлээд, зодуулаад амиа алдсан бүсгүйг АРХИ ХЭТРҮҮЛСЭН гэж, хөөрхий ИРВЭС нэрээр танил болсон Байгаль хамгаалагч залуугийн хэрэг, хүн дайрч алсан ШЕЗ дарга ....гээд ШҮҮХ, ПРОКУРОР, ЦАГДАА, ТАГНУУЛ, АРМИ үнэндээ бүгд худлаа хуурамч ажиллаж, МӨНГӨ МӨНГӨ МӨНГӨ болсон


  • НЯМБААТАР ГИШҮҮН GOOD GOOD · [180.149.78.99] · 2018/04/06

    НЯМБААТАР ГИШҮҮНИЙГ ДЭМЖИЖ БАЙНА. МАШ ЗӨВ, ЗҮЙТЭЙ ЯРЬЖ, ТЭМЦЭЖ БАЙНА. НИЙГЭМД БУГШСАН ЭРХ МЭДЭЛТНҮҮДИЙН БУЛХАЙ, ЛУЙВАР, ХУЛГАЙ, ДЭЭРМИЙГ САЙН ИЛЧИЛЖ БАЙГААД БАЯР ХҮРГИЕ. МОНГОЛЫН ШҮҮХ ДЭНДҮҮ ГУТАМШИГТАЙ БАЙНА. ХААН БАНК-Д ХУДАЛДАГДСАН БАЙНА. ОДОО НААДУУЛ ЧИНЬ ХУУВИЛДААД ТЭР ҮЕД ҮЙЛДСЭН 1% ХҮҮ ТӨЛӨХ ГЭРЭЭГЭЭ НУУЦЛААД 8% ХҮҮ ТӨЛӨХ ГЭРЭЭ ДАХИН ХИЙХ ГЭЖ БАЙГАА СУРАГТАЙ. ӨӨДГҮЙ МУУ ШҮҮГЧИД ЗАЙЛЦГАА. НЯМБААТАР САЙН ЗАЛУУ, МУНДАГ ТҮШЭЭ good good.


  • zochin · [122.201.17.254] · 2018/04/06

    ard tumen chini vvniig huleeej bna bvgd tani tald bga zorigtoi tuushtai temtseerei


  • zochin · [122.201.17.254] · 2018/04/06

    zuv sh de bugshsan buglaa hir burtagiig ni ugaagaad ug demjij bna


  • ИРГЭН · [124.158.111.6] · 2018/04/06

    Дүү хүү чамд үнэхээр их талархаж байна. Энэ улс орны тусгаар тогтнол, аюулгүй байдал, үр хойч хүүхдүүдийн амар тайван амьдралын баталгааг та бид л өнөөдөр хийх ёстой. Залуучууд та бүхний энэ хийж байгаа ариун үйл хэрэгт АРД ТҮМЭН хамт байдаг юм гэдгийг битгий март... Танд болон та бүгдийн цаашдийн ажилд өндөр амжилт хүсье.


  • er xun · [103.14.36.6] · 2018/04/06

    Zaluu saixan uls turch shantralgui nugaralgui temtseerei. ard tumen demjine. UIX dotor gerel gegee asaj exellee


  • zochin · [64.119.16.135] · 2018/04/06

    Tuushtai temzeh heregtei yum,ene huvalnuudiig n muulah ug alga.