Эрдэнэтийнхээ иргэдийн төлөө, хувьцаа эзэмшигчдийн эрх ашгийг хамгаална хэмээн цээжээ дэлдэж Ард түмний итгэлийг даана хэмээн явсан зэс Д.Алтанхуяг хамт тэмцэж явсан хувьцаа эзэмшигчидээ ч танихаа больтлоо өөрчлөгдөж " Чи хэн бэ энийг зайлуулаачээ" хэмээн омогдож байгаад ус цацуулж, нүүр лүүгээ хэд сайн алгадуулаад авсан. Энэхүү үйлдэлд нь олон нийт ихэд дургүйцсэн байдалтай байгаагаа ч илэрхийлээд амжсан. Энэ шуугиан хөрж ч амжаагүй байхад АН Д.Алтанхуягаар туг тахихаар шийдсэн тухай шуугиан залгаж байна. " Хувьцаа эзэмшигчдийн эрх ашгийг хамгаалах холбоо" -ныхон АН -ын даргад өргөх бичиг барин түүнийг үүрэгт ажилаас нь чөлөөлхийг хүссэн. Харин АН-ын удирдлагууд өргөх бичгийг хүлээн авч Орхоны АН-ыг Д.Алтанхуягаас салгахаар шийдвэрлэжээ. . Энэ 7 хоногт аймгийн АН-ын даргын түр орлон гүйцэтгэгчийг томилох бөгөөд маргааш АН-ын ерөнхий нарийн бичгийн дарга Орхон аймагт ирж цэнхэр ордны асуудлыг тохинуулах аж. Ийнхүү улс төрийн шатыг хэд хэд алгасаж гэрлийн хурдаар өсч дэвжин 2 өөр намаас хоёр ч удаа сонгуульд нэр дэвшиж, Орхон аймгийн АН-ын дарга хэмээх албан тушаалд хүрээд байсан зэс Д.Алтанхуяг нэлээд өндөрөөс нисч, Орхон аймгийн АН-ын шинэ дарга тодрон энэ хаврын улс төрийг АН-нхан иймэрхүү дуулианаар эхлүүлэх бололтой. Үүнтэй зэрэгцэн Орхон аймгийн АН-ын дараагийн дарга буюу ирэх сонгуульд нам нь ялвал аймгийн засаг дарга болох эрхэм хэн бэ гэдэг ширүүхэн сунгаа эхэлж байгаа хэрэг.
Эх сурвалж Шуурхай.мн
