Р.Содхүүгийн өрсөлдөгч нөхөрт захих үг


                Оюуны өмч, улсын бүртгэлийн газрын дарга Р.Содхүү юу хийсэн нь хамаа алга, гагцхүү энэ суудалд хэн санаархав гэдэг нь чухал байна. УИХ-ын гишүүний суудлаас буусан цагаас хойш агентлаг газрын даргын суудлаас буугаагүй энэ эрхэм гэнэт яагаад хэвлэлээр “нүдүүлэх” болов. Бидний тод санаж байгаагаар Үндэсний статистикийн ерөнхий хорооны дэд дарга, Хөрөнгийн биржийн захирал, Мэргэжлийн хяналтын ерөнхий газрын дарга гээд байнга даргын суудалд заларч байсан энэ нөхөр өнгөрөгч олон жилийн хугацаанд өнөөдрийнх шиг ийнхүү хэвлэлээр “нүдүүлж” байсангүй. Тэгэхээр Р.Содхүүг зохион байгуулалтайгаар нүдэж байгаа тэр эрхэм хэн бэ гэдэг нь яагаад ч сонирхол татна.

                МАН-ын угшилтай ахмад гишүүдийн нэг, төрд олон жил тогтвортой удирдах алба залгуулсан нөхрийг захын нэг хүүхэд хөөгөөд явуулчихгүй л дээ. Ойрын эх сурвалжийн хэлж байгаагаар бол түүнийг ажлаа өг хэмээн МАН-аас шахахаар “Битгий солиор” гээд салаавч өгдөг тийм л хүн гэнэ. Тэгэхээр Оюуны өмч, улсын бүртгэлийн газрыг сонирхож байгаа МАН-ын нэг залуу халаа байж таарна. Сонгуульд хүчин зүтгэсэн, магадгүй агентлаг газрын дарга болчих хэмжээний хандив өгсөн нэг нөхөр байж таарна. Нөгөө талаар саяхан хоёр талцаад үзэж байсан МАН-ын 33-ын бүлэгт хүчин зүтгэсэн ч нөхөр байж болно шүү дээ. Бүр эсвэл МАН-ын Их хуралд хоёр аймгийн гишүүд удирдаад У.Хүрэлсүхийн талд санал өгүүлсэн ч байж болох. Ийм хэмжээний хичээл зүтгэл гаргаж хөрөнгө хаясан хүнд агентлаг өгдөг нь бичигдээгүй хууль. Харин энэ нөхрийн ачийг хариулж Эрүүл мэндийн газар өгөх гэхээр мэргэжил харшилна, Мэргэжлийн хяналтын ерөнхий газар өгөх гэхээр томдоно. Энэ мэт шалтгааны үүднээс эрх мэдэлтэн “өөрөө агентлагаа сонгоод ороод ир” гэсэн байхыг үгүйсгэх арга алга. Мань нөхөрт тохирох агентлаг газар нь Р.Содхүүгийн эзлэн сууж байгаа газар байхаар нь эрх мэдэлтэн маань өөрөө зохицуулаад унагаах баримт дэлгэ, тэгэхээр нь болно гэсэн байхыг үгүйсгэх арга алга. 

                Гэтэл суудлаа тийм ч амар тавьж өгөхгүй егзөр өвгөн байгаа нь ийнхүү хэвлэлээр дамжуулан нүдэж байгаа хэрэг болов уу. Сэлэнгэ аймгаас ажлынхаа гарааг эхлүүлж байсан Р.Содхүүгийн хувьд ихэнхдээ удирдах алба залгуулсан учраас түүнээс баримт олж дэлгэнэ гэдэг амаргүй. Муу санаа нь арьсандаа багтахаа больсон тэр амьтныг холдуулна гэдэг амаргүй. Тэгэхээр юу хамаагүй зүйлээр нүдээ аниад шүршиж байгааг бид бэлээхэн харж байна. Уг нь Хөрөнгийн биржийг элгээр нь хэвтүүлсэн хүн бол яах аргагүй Р.Содхүү, Мэргэжлйин хяналтын газарт байхдаа бас л хэл ам дагуулж байсан нь хүн нь яах аргагүй Р.Содхүү. Газар тариалангийн бүс нутагт будилаан хутгаж байсан нь аанай л Р.Содхүү. Гэхдээ л түүнээс баримт олж дэлгэж чадаагүй байна. “Хэрэг мянган жил болсон ч хуучирдаггүй, хэрээ мянган жил болсон ч бууралтдаггүй” гэж үг байдаг сан. Хөрөнгийн биржээр дамжуулсан олон ажиллагааг нь шалгуулаач ээ. Цагдаад нөлөөл, АТГ-т нөлөөл, тэгэж байж наад өвгөнөө буулгана шүү. Түүнээс бус хэвлэл мэдээллээр чиг зүггүй “шүршээд” амжилт олохгүй гэж суудал горилогчид захих байна даа.  

Х.Баатар 

Шуурхай.мн

 


Энэ мэдээ таалагдаж байвал:


  • Зочин · [202.9.43.207] · 2017/12/14

    Цэвэр хятад угсааны хүн дээ. Хурдан зайлуулаачээ!


  • Зочин · [103.57.95.96] · 2017/12/09

    Sain hun bish olon hun uuniig ni medne. Ehner ni bol bur ichmeer shunaltai muu hun baidag. Hudlaa l gej bitgii heleerei


  • зочин · [27.123.212.143] · 2017/12/09

    өнгөрсөн зун гадаад паспорт авах гээд иргэний бүртгэл дээр очсон, 6-н сарын өмнө очиход зүв зүгээр, оочер дугааргүй байсан газрыг яаж ингэж 6-р сарын дотор будаа болгоод, бөөн оочер чирэгдэл болгочихдог байна аа гэж өөрийн эрхгүй дуу алдсан шүү, хэлтсийн даргад гомдлоо хэл гэхээр нь очсон чинь хаалгаа дотроосоо түгжчихсэн, тэгснээ дотор нь хүн дуугараад байдаг, тэгснээ хэд хэдэн залуу гарч ирээд, буцаж ороод л ёстой замбараагүй, улсад ингэж гай болж байхаар явсан нь дээрээ


  • зочин · [66.181.181.53] · 2017/12/08

    ккк жинхэнэ намыг муухай харагдуулж бгаа хүн дээ арга ч үгүй хөөрхий зөнөж дууслаа ш дээ ямар сайндаа хамаатнууд аа дагуулаад америк явах вэ дээ


  • g · [66.181.165.212] · 2017/12/08

    alaad ug


  • Зочин · [202.9.41.28] · 2017/12/08

    Энэ өвгөнийг хурдан зайлуулаачээ.


  • Зочин · [202.131.247.170] · 2017/12/07

    SAMRAA GAR SHUU DEE


  • aagii · [202.9.43.180] · 2017/12/06

    bidnii amidralaar 28-n jil togloson nohduudiin heg mon shuu dee


  • Иргэн. · [202.55.191.72] · 2017/12/06

    Содхүү чиний яриад бичээд байга шиг овоо хүн бишээ???...