Үндсэн хуулийн цэцийн гишүүн Д.Сугарын бүрэн эрхийн хугацаа дуусгавар болсонтой холбогдуулан Үндсэн хуулийн цэцийн гишүүнээс нь чөлөөллөө. Харин түүний оронд ЗГХЭГ-ын дэд дарга Ш.Солонгыг нэр дэвшүүлсэн юм. Уг томилгоог УИХ-ын өнөөдрийн чуулганаар хэлэлцэж байна.
Томилгоотой холбогдуулан гишүүд үг хэлж, асуулт асууж байна.
УИХ-ын гишүүн Д.Дамба-очир "Ш.Солонго бол төрийн албанд олон жил ажилласан туршлагатай хүн. Ш.Солонго бол гүйцэтгэх ажил хийдэг хүн. Харин одоо хуулийн ажил хийх юм байна. Ажилд нь амжилт хүсье"
УИХ-ын гишүүн Ж.Мөнхбат "Ш.Солонго даргыг цэцийн гишүүнээр томилж байгааг дэмжиж байна. Төрийн албанд 34 жил ажилласан маш туршлагатай хүн. ЗГХЭГ, СЕХ-нд ажиллаж байсан төрд маш чухал хүн. Төрийн албанд мэргэшсэн хүн. Энэ хугацаанд 18 Ерөнхий сайдтай ажилласан гэхээр туршлага нь ойлгомжтой. Гавъяат хуульч. Цэцийн ажлыг ёс зүйн хэм хэмжээнд ажиллана гэж бодож байна"
УИХ-ын гишүүн Д.Оюунхорол ""Монгол Улсын Үндсэн хуулийн цэцийн гишүүнээр ажиллах маш туршлагатай хүн. Монголын төрд та шударга ажилласан. Эмэгтэй улстөрчдийн нүүр царай болсон. Төрийн албанд 34 жил ажиллана гэдэг бол асар их туршлага. Цэцийн гишүүний нэр хүндийг хадгалж ажиллана гэж итгэж байна. Цэцийн улстөржсөн байдлыг хална гэж итгэж байна" гэлээ.