“Эко”-гийн С.Нямдаваад энэ улсын хууль үйлчлэхгүй нь


Өнгөрсөн жилийн өдийд хорооллоороо, хотхоноороо талцан муудалцаж цахим орчноор хэрэлдэж эцэстээ цагдаа сэргийлэх  дуудаж бие биенээ бүсэлсэн цочирдом үйл явдал нийслэлд өрнөж байв.

Тодруулбал, “Эко констракшн”-ы бүтээн байгуулалт болох “Маршал таун”, “Kинг таун”-ы оршин суугчид, “Хурд” группийн бүтээн байгуулалт “Хүннү 2222” хорооллын оршин суугчдын хооронд газар нутгаа булаацалдсан нэлээд том хэмжээний “дайн” дэгдсэн. Хэдийгээр хотын хамгийн үзэсгэлэнт хэсэгт сүндэрлэсэн уг бүтээн байгуулалтууд элитүүдэд зориулагдсан гэгддэг ч нэдэр дээрээ үгүй бололтой. Байсгээд л барилгын чанар нь оршин суугчдадаа гологдож дүн өвлөөр ус алдаж айлуудаа зутрааж үе үе чих халууцуулдаг “Эко констракшн”-ы хувьд хэдийнэ хэвлэлийн баатар болсон компани юм. Үүнийгээ батлах гэсэн мэт “Маршал таун”, “Кинг таун”-ы оршин суугчид хөршүүдтэйгээ амралтын өдрүүдэд уралцаад авав. Өнгөцхөн харвал хоёр хотхоны оршин суугчдын дунд өрнөсөн үл ойлголцол юм шиг боловч цаад утгаар нь харвал “Эко констракшн” оршин суугчдынхаа эрх ашгийг бодоогүй, нийгмийн хариуцлагагүй, ямар ч таун хотхоны зураг төсөл, зохион байгуулалт маруухан яаран дааран хийсэн, ашиг олохын тулд гарц орцоо анхнаас нь хотхоны стандартад нийцүүлж гаргаагүй, зураг төсөлдөө тусгаагүй ашгийн төлөө үнэтэй барилга босгосон нь энэхүү хоёр хотхоны оршин суугчдын дунд өрнөсөн хэрүүл маргаанаас шууд харагдаж байв.

Тэгвэл ойн дээрээ гэлтэй “Эко констракшн” Дунд голын Сэлбэ үерийн хамгаалалтын даланд зөвшөөрөлгүй барилга барихаар ажлаа эхлүүлжээ. Ард нь асаалттай танк шиг зогсох УИХ-ын дарга М.Энхболд, Т.Бадамжунай нарт хэтэрхий бардсандаа ийм үйлдэл хийлээ гэх хүмүүс ч байгаа юм. Ямартай ч “Эко констракшн”-ы С.Нямдаваа энэ насандаа ихээхэн нүгэл үйлдэж яваа нэгэн гэхэд хилсдэхгүй биз. Барьж, ашиглалтад оруулсан барилгад нь амьдран суугаа оршин суугчид нэг удаа сайн үг унагасан нь цөөн. Ашиглалтад ороод удаагүй барилга нь жил бололгүй тараа таниулж, оршин суугчдынхаа ая тухыг алдагдуулдаг. Гэтэл өдгөө үерийн хамгаалалтын далан дотор барилга барьж ашиг олохоор санаархав.

Нийслэлийн өнгөтэй, өөдтэй газруудад “Эко”-гийн гэх тодотголтой атлаа чанарын шаардлага хангадаггүй, оршин суугчид нь ая тухгүй орон сууц, хороолол дэндүү олон. Тийн атал энэ оны хоёрдугаар сарын 1-ний өдөр иргэн С.Нямдаваа ГУББГ-т үерийн даланг өөрийн хөрөнгөөр ногоон байгууламжаар тохижуулж өгөх хүсэлт гаргаж, бараг л залилсан гэмээр үйлдэл гаргаж. Ажлын зурагт нь даланг дотогш нь нарийсгаж барихаар байсан тул тухайн газраас зөвшөөрөөгүй аж. Гэтэл өнгөрсөн сард барилгын ажлаа эхлүүлээд авлаа. Өөрөөр хэлбэл, ямар ч зөвшөөрөлгүйгээр хүрз, жоотуу бариад ухасхийсэн нь энэ. Үнэндээ газрын зөвшөөрөл, эсвэл барилгын зөвшөөрөл хүсээд өгөхгүй бол шууд ажлаа эхлүүлчихдэг. Барилга нь талдаа орсон хойно хэд арван төгрөгөөр зөвшөөрлөө авч гаршсан нэгэн гэх яриа бий. Тэр арга барилаараа ч энэ удаад хандсан бололтой юм.

Геодези, усны барилга байгууламжийн газраас гурван удаагийн албан шаардлага өгч ажлаа зогсоохыг шаарджээ. Мэдээж, ардаа том хүнтэй С.Нямдаваа нэг жижиг байгууллагын албан бичгийн дагуу ажлаа зогсоосонгүй. Гамшгийн эрсдлээс хамгаалах зорилгоор байгуулсан барилга байгууламжийг эвдэж гэмтээсэн, эсхүл зориулалтыг дур мэдэн өөрчлөх, бохир болон бусад шугам холбох нь хуулиар хатуу хориотой. Гэхдээ энэ нь С.Нямдаваад падлийгүй бололтой.

60 метр өргөнтэй далангийн 40-ийг нь барилга барих гэж байгаа газартаа оруулж, үлдсэн 20-хон метрийн өргөнтэй үерийн даланг ногоон байгууламжаар хучих бодлоготой байсан юм даг уу. Ингэснээр мэргэжлийнхний хэлж байгаагаар 100 жилд нэг тохиох үерийн гамшгаас хамгаалах ямар ч чадваргүй болгож байна. Өөрөөр хэлбэл, С.Нямдаваагийн шуналын уршгаар Хан-Уул дүүргийн 15-р хороо, Баянмонгол хороолол, Саруул хорооллын оршин суугчид болзошгүй үерийн гамшигт шууд хохирол амсана гэсэн үг.

Dorgio.mn


Энэ мэдээ таалагдаж байвал:


  • Зочин · [122.201.22.4] · 2018/09/16

    nugeln nudeeree tun udaxgui xaragdana


  • Zochin · [103.57.95.149] · 2018/09/16

    Gazriig n tsutsal !!!!!!!!


  • Зочин · [103.10.23.96] · 2018/09/16

    хулгайч,,нар,үүрэлсэн,төр


  • Ха хаха ха · [107.77.206.170] · 2018/09/16

    Хулгайлхаа шунахаа л болчихоосоо


  • irgen · [66.181.170.215] · 2018/09/14

    altan taria hh[-nii tsenguunii tom hurgen tsenguun tom bna aa


  • Зочин · [66.181.170.229] · 2018/09/14

    ene haltar jolooch huuli durem gej medehgui ee huuli baidaggiig medruuleh heregtei


  • AGUU IH · [107.77.207.85] · 2018/09/14

    Bas neg hulgaich s. nyamdavaa gedeg hun nyamdorjiin adil hulgaich hudalch luivarchin aalz shig hovdog hun n medegddeg. Barilguud n mash chanar muutai. Neg odor nurj olon huniig alah baih. !!!!!!!!!!!!!!!