ХАБЭМТӨВИЙН УДИРДЛАГУУД ХБНГУ-ЫН ФИЗИК, ТЕХНИКИЙН ХҮРЭЭЛЭНГИЙН ТӨЛӨӨЛӨГЧИДТЭЙ УУЛЗАЛТ ХИЙЛЭЭ


 

ХНХЯ-ны харъяа Хөдөлмөрийн аюулгүй байдал, эрүүл мэндийн төвийн захирал М.Даваабат, Эмнэлэг хариуцсан дэд захирал Д.Эрдэнэчимэг, ХАБЭА-н газрын дарга П.Энхтайван нар Холбооны бүгд найрамдах Герман улсын Физик, техникийн хүрээлэнгийн Ерөнхий зохицуулагч Мариам Маер, зөвлөх Алекс Инклаар нартай 2018 оны 10-р сарын 09-ны өдөр ажлын уулзалт хийлээ.

Уулзалтаар ХБНГУ-ын Засгийн газраас Физик, техникийн хүрээлэнгээр дамжуулан хэрэгжүүлж буй “Монгол улсын чанарын дэд бүтцийг бэхжүүлэх нь: Уул уурхайн салбар” төслийн хүрээнд 2018-2021 онд хийгдэх үйл ажиллагааны төлөвлөгөөг хэрэгжүүлэх ажлын талаар санал солилцлоо. Мөн ХАБЭМТөвийн мэргэжилтнүүдийг чадавхижуулах, тоосны багц стандартыг хэрэгжүүлэхэд шаардлагатай тоног төхөөрөмжөөр хангах, эксперт урьж сургалт зохион байгуулах зэрэг ажлуудыг 2018 онд хийхээр төлөвлөв.

Уг төслийн зорилго нь техникийн зохицуулалтыг хэрэгжүүлж чанарын баталгаатай үйлчилгээг үзүүлсний үр дүнд уул уурхайн салбарт ажиллагсадын хөдөлмөрийн аюулгүй байдлын чанар дээшлэх мөн мэргэжлээс шалтгаалах өвчний тоо тохиолдлыг буруулахад оршино.


Энэ мэдээ таалагдаж байвал: