Улстөр / 2017/12/14 / 17

Д.Сарангэрэл сайд аа, авлигачдаасаа хэзээ салах вэ?



 

 

Авлига бол Эрүүл мэндийн салбарт үүссэн хорт хавдар. Одоогоор эмчлэх аргыг судалж, туршиж байгаа ч үр дүн тун бага. Өвдсөн, өвчилсөн хэн бүхэн эмнэлгийн хаалга татмагцаа эмчийн rap дээш харуулахгүй бол үхлийн хоногоо тоолж суухаас аргагүй нөхцөлд амьдарч суугаа нь өнөөгийн нийгмийн бодит үнэн.
 
Эмч нь албан үүргээ биелүүлснийхээ төлөө хууль бус шан харамж авах нь авлига гэдгийг хүн бүр мэднэ. Монгол Улсын хамгийн өндөр хээл хахуультай салбаруудын жагсаалтыг эрүүл мэндийн салбар тэргүүлж байна.
 
Энэ салбарын удирдлагууд авлигын хэрэгт холбогдож, “аав”-ын хаалга татсаныг нь жишээ болгон дурдаж болно. Тэгвэл тус салбарын удирдах ажилтны авлига авсан хэргийг саяхан хэрэгсэхгүй болгожээ.
 
Тодруулбал, Эрүүл мэндийн яамны Төрийн захиргаа удирдлагын хэлтсийн даргаар ажиллаж байсан Д.Оюунчимэг нь Эрүүл мэндийг дэмжих сангийн 2012-2013 оны хөрөнгөөр хэрэгжүүлсэн “Эрүүл мэндийн байгууллагын хөгжлийн хөтөлбөрийг боловсруулах”, Эрүүл мэндийн ажилтны хариуцлагын даатгалын тухай хуулийн төсөл боловсруулах, хэлэлцүүлэх үйл ажиллагаанд зарцуулах хөрөнгөөс 14,598,750 төгрөгийг хувьдаа завшиж, улсад үлэмж хэмжээний хохирол учруулсан болох нь тогтоогджээ.
 
Гол нь хөрөнгө завшсан нь ийн тодорхой атал хэргийг хэрэгсэхгүй болгосон үндэслэл нь Д.Оюунчимэг 7,694,000 төгрөгийг 2014 оны арванхоёрдугаар сарын 23-ны өдөр Эрүүл мэндийг дэмжих санд буцаан тушааж, 5,470,000 төгрөгийг 2015 оны гуравдугаар сарын 19-нд АТГ-ын дансанд нөхөн төлсөнтэй холбоотой юм байх.
 
Товчхондоо зувчуулсан нь баригдаж, хуулийн байгууллагад шалгуулмагц нөхөн төлөөд л гүйцээ гэнэ. Хэрэв хэрэг илрээгүй бол зувчуулснаараа дуусаж, улс хохирдгоороо хохироод үлдэх байж. Өдгөө энэ салбарын эрх мэдэл бүхий албан тушаалтан, мэргэжилтнүүд хээл хахуульгүй бол хуруугаа ч хөдөлгөдөггүй гэх хардлага олон нийтийн дунд байсаар байгаа.
 
Ямартаа л хамгийн том газрынх нь дарга улсын мөнгөнөөс хэдэн зуун саяар хулгайлсан нь тогтоогдсон ч яаж ийж байгаад албан тушаалдаа үлдэж, улмаар хэрэг нь хэрэгсэхгүй болсон нь гайхалтай. Баригдахгүй бол идээд, баригдчихвал буцааж төлөөд л болдог бол Төрийн албан хаагчид минь бүгд авлига авч баймаар юм биш үү. Нөгөө шударга ёс чинь хаана байна аа, Ерөнхий сайдаа.
 
Та уг нь хулгайч нартай ажиллахгүй гэдгээ улс орон даяар цуурайттал хашхирсан. Тамгаа авахдаа ч төрийн албан хаагчийн ёс зүйн хэм хэмжээг чанд сахих, авлига, хээл хахууль, хүнд суртал, шударга бус байдалтай бүх шатанд тууштай тэмцэх, төрийн албан хаагчийн ажлыг дүгнэх, хариуцлага тооцох, урамшуулах зэрэг асуудлаар гаргасан “Албан даалгавар”-ыг хэрэгжүүлэхээр төлөвлөснөө дуулгасан биш бил үү. Харамсалтай нь, үг, үйлдэл тань зөрж, хулгайчид тоонот гэрт тань орогнож байна.
 
Нөгөө шударга ёс чинь хаана байна аа, Ерөнхий сайдаа.
 
 
Авлигатай тэмцэх газраас эрүүл мэндийн яамны удирдлагаас 2015, 2016 онд гаргасан тушаал шийдвэрүүдийг нь хянаж, хэд хэдэн зөрчил илрүүлсэн. Тухайлбал, төслийн найман ажилтны цалингийн хэмжээг тогтоох, Филиппин, Япон, Бангладеш, Вьетнам улсад туршлага судлах, аялал, хуралд найман мэргэжилтэн оролцуулах, санхүүгийн ажилтны сургалтын зардалд 5.3 сая төгрөг олгох, эрүүл мэндийн байгууллагын магадлан итгэмжлэх зөвлөлийн хурлын зардалд 1.8 сая төгрөг зарцуулах зэрэг тушаалыг гаргахдаа захиргааны актад тавигдах шаардлага хангаагүй эрх зүйн актаар төсвийн мөнгийг зарцуулахаар шийдвэрлэсэн.
 
Мөн 2015 онд Үндэсний их баяр наадмыг тохиолдуулан яамны нийт алба хаагчдад хавтгайруулан 10.2 сая төгрөгийн урамшуулал олгосон. Зөвхөн хоол, унааны зориулалтаар 3.3 сая төгрөг зарцуулсан нь төсвийн хөрөнгөөр ой тэмдэглэх, арга хэмжээ зохион байгуулахгүй байхыг даалгасан Засгийн газрын тогтоолыг зөрчсөн байгаа.
 
Эрүүл мэндийн яамны харьяа Эрүүл мэндийн хөгжлийн төвийн захирлын 2015 оны А/69, 2016 оны А/2 дугаар тушаалаар тус төвийн харуул хамгаалалтын ажлыг гүйцэтгэх гүйцэтгэгчийг, мөн төвийн барилгын ажлыг хийх гүйцэтгэгчийг сонгон шалгаруулах Үнэлгээний хорооны бүрэлдэхүүнийг төрийн бус байгууллагын хяналтгүй байгуулж, иргэний хяналт тавих нөхцөлийг бүрдүүлээгүй. Түүнчлэн тус төвийн захирал 2015 оны А/01 дүгээр тушаалаар төлбөр хураамжийн хэмжээг шинэчлэн тогтоосон нь холбогдох хууль болон төвийн дүрмээр өөрт олгогдоогүй эрхийг хэрэгжүүлсэн.
 
Эмч, эмнэлгийн мэргэжилтний ёс зүйд өндөр хяналт тавих учиртай ёс зүйн хяналтын хороо нь ихэвчлэн сургалт зохион байгуулах, орон нутгаас тайлан мэдээ гаргуулах, аян зохион байгуулах, бүрэлдэхүүн батлах зэргээр ажилладаг зөрчил дутагдлыг илрүүлсэн байгаа. Гэвч энэ бүх зөрчил, дутагдлын хариуцлагыг хүлээсэн эзэн, хариуцагч өнөө хэр алга. Хэдий өмнөх Засгийн газар, өмнөх сайдын үеийн алдаа дутагдал ч гэлээ ийм ёс зүйгүй, уваагүй, луйварчин албан хаагчидтай үргэлжлүүлэн ажилласаар байх уу.
 
Д.Сарангэрэл сайд аа, Эрүүл мэндийн салбарт тулгамдсан олон асуудал бий ч гэлээ, эхлээд  хариуцлагагүй, зөрчилтэй, авлигачин албан тушаалтнаас салах нь зүй ёсны арга хэмжээ байлтай.
 
С.Уул
 
Эх сурвалж: "Өглөөний сонин"


  • Зочин · [182.160.35.182] · 2018/02/01

    өвчтөний түүх дээр хийгээгүй эмчилгээ эм бичиж идэж уудаг асуудлаа хэзээ зогсоох юм бэ Танил тал ах дүү нараа арын хаалгаар эмчилдэг улсын хөрөнгийг хувийн мэт зарцуулж идэж уудаг асуудлаа зогсоомоор байна Хөрш оронд танил талдаа үйлчилсэн тохиолдолд ажлаас нь зайлуулдаг болоод удаж байхад үүнийг таслан зогсоохын оронд зарим эмнэлэг тухайлбал төрийн албан хаагчийн эмнэлгийг өөрсдийн ах дүү ар гэрийхнийгээ эмчилж байхаар шийдвэрлэсэн нь идэж уух асуудлийг улам өөгшүүлж төрийн эмнэлгийг хувийн эм нэлэг болгосонтой адил байна Өрхийн эмнэлэг нэртэй хувийн эмнэлгийг хэдий болтол төрөөс цалинжуулж орон байр тоног төхөөрөмжөөр хангах гэсэн юм бэ Мэдлэг чадвар байхгүй хүмүүсийг тэжээж байхаар чадалтай эмч нарыг ажиллулж у"лсын эмнэлэг болгомоор байна Мэдлэг чадваргүй дамжуулагчийн байран дээр сууж байгаа хүмүүсийг хэдий болтол татвар төлөгчдийн мөнгөөр тэжээх гэсэн юм бэ Иддэг уудаг хариуцлаггүй асуудлаа зогсоогоогүй цагт эрүүл мэндийн салбар хэзээ ч өөдлөхгүй Хоосон тоо цаасаар ажлаа дүгнэхээ больж бодит байдлаар хэдэн хүнийг эмчилж эдгээсэнээр нь дүгнэж баймаар байна ЭМЯ-ны эрхтэн дархтангууд цаас үйлдвэрлэж хурал цуглаанаар ажлаа хязгаарлаж байхын оронд амьдрал дээр нь ул үндэстэй гарт баригдахаар ажил хийх цаг болсон байлтай


  • Үргэлжлэл · [202.179.27.114] · 2018/01/30

    Илүү ч үгүй дутуу ч үгүй үнэн шүү. Тэд яаж гэр бүлээ тэжээж, яаж амьдрах вээээ? Ажилдаа дуртай аав ээжтэйгээ амьдардаг нэг нь болж байгаа мэт. гэхдээ л хөөрхийс шүү.Тэглээ гээд хүний амиар дэнчин тавихгүй шүү...


  • үггэлжлэл · [202.179.27.114] · 2018/01/30

    Яг үнэндээ 1 дүгээр эмнэлгийн 5-10 жил ажиллаж байгаа эмч нар 600 000 төгрөгийн цалинтай. НДШ, ХАОАТ төлөөд гар дээрээ 500 000 хүрэхгүй цалин 2 хуваагаад авна... Цаад тооцоог нь сайд та өөрөө төсөөлөөрэй...


  • иргэн · [202.179.27.114] · 2018/01/30

    Авилгын асуудлаа цэгцлэхгүй бол цалин багатай,цаг наргүй ажилладаг ядарсан хэдэн эмч нарыг чинь хөлдөө чирч байна шүү.Сайн судлаарай.


  • Zochin · [103.10.20.62] · 2018/01/11

    Ee chaavaasaa hamgiin ihdee 14 say tug gejiisht caana chine 26 terbum zuvchuulcan hun sangiin yamand bna sht niit ajilchiddaa 10 sayiin uramshuulsan gene daatgaliin gazar bairaar shagansan bsan sht arai arai


  • zochin · [124.158.92.27] · 2018/01/11

    darga nartaa baigaan bishee. bodlogo ni bolohgui bgaa yum shdee. shineer tomilogdson said darga nar zugeer l gal untraah ajil hiigeed bgaa. eruul mendiin salbariin bodlogiig orvongoor ni uurchluhgui bol hen ch garch irsen yag adilhan. dorvitoihon uurchlult l heregtei baina daa.


  • эмч · [202.179.6.58] · 2018/01/10

    Булган аймгийн Эрүүл мэндийн газрын дарга С.Нарантуяа гэж архичин , ёс зүйгүй , салбараа дотор нь ухдаг матдаг дээрээс ирсэн шалгалтанд салбар дундаасаа нэр цоолдож захиалгаар унагаахыг захиалдаг гэх мэт шударга бус аль ч намын үед амь зулбан манай нам манай нам хэмээн дальжиганадаг шар авгайг зайлуулах цаг болсон. Шалгагдаж хоригдох дээрээ тулсан Хөгжлийн төвийн чинь захиралын үүрэг гүйцэтгэгч гэгдэх Б.Нарантуяатай чинь далд холбоотой байж болох юм шүү Д.Сарангэрэл сайд аа.


  • зочин · [202.9.41.52] · 2018/01/10

    Шархадны эмнэлэг ах дүү амраг садангийн төрийн өмчит хувийн эмнэлэг, ажлын байран дээр архиддаг улсын боловч хувийн эмнэлэг шиг өндөр төлбөртэй. үндэслэлтэй шалгаач төлөө мөнгийг нь дансандаа дарга нар нь авдаг тэгээд цааш нь яриад л бх уу... дэндүү хууль бус баг зүүсэн газар


  • зочин · [59.153.112.11] · 2018/01/04

    Шийлэгийн багтай нийлээд эхэлбэл баларна даа.


  • Зочин · [66.181.177.177] · 2017/12/22

    Эрчтэй, хүчтэй, мэдлэгтэй, чадалтай залуусаар яамны бүтцээ өөрчлөх цаг нь болсон болов уу, сайдаа.


  • Зочин · [202.179.24.131] · 2017/12/16

    Олигтойхон ч өвдөж үзээгүй байж эрүүл мэндийн сайд болчих юм гэнээ, инээдэмтэй ч юм шиг, мгэнэлтэй ч юм шиг.


  • Бат · [202.9.42.121] · 2017/12/15

    Сайдаа ЭМБ-ууд даатгалаас санхүүжилт авах гэж заавал хүн хэвтүүлэх энэ тогтолцоо хамгийн буруу шаардлагүй хэвтэлт их байна


  • Зочин · [112.72.15.66] · 2017/12/15

    авилгатай тэмцэх газраас шалгалт ирнэ дандаа цаас шалгана тэгээд л болоо кккк тэрнээс юу ч гарахгүй


  • Зочин · [124.158.92.27] · 2017/12/15

    Олон жил болсон эмнэлгийн дарга нараа солиочээ тэр бумтан болж байна шдээ


  • lol · [202.9.43.32] · 2017/12/14

    SHAR HADNIIHAA DARGIIG SOLIOCHEE ULAAN AVILAGCH AVGAI BH YUMAA


  • Зочин · [124.158.113.3] · 2017/12/14

    эмнэлгийн дарга нарыг бүгдийг солих хэрэгтэй.одоо байгаа хэдээс юу ч гарахгүй.Цаашид дарга нарыг 3 ,3 жилээр сонгон шалгаруулалт хийж сонгох хэрэгтэй.эрүүл мэндийн салбар чанартай хүртээмжтэй тусламж үзүүлэх бүрэн боломжтой боловч дарга нарт их асуудал байдаг даа


  • чимэг-очир · [202.21.98.34] · 2017/12/14

    шат шатандаа байгаа