Л.Энх-Амгалан: Ерөнхий сайд У.Хүрэлсүхэд шаардлага хүргүүллээ


УИХ-ын дэд дарга Л.Энх-Амгалан болон бусад гишүүд Засгийн газарт шаардлага хүргүүлж байгаа талаар мэдэгдлээ.   

Тэрбээр “Засгийн газрын зүгээс УИХ-ын чуулганы хуралдааныг хоёр өдөр хуралдуулсангүй. Хоёр хоногийн өмнө Монгол Улсын Засгийн газраас ХХААХҮ-ийн сайдыг яаралтай горимоор хэлэлцүүлэх шаардлага тавьсан. Мөн Засгийн газраас Ашигт малтмалын тухай хуулийн өөрчлөлттэй холбоотой асуудлыг яаралтай горимоор хэлэлцүүлэх шаардлага тавьсан. Үүний дагуу яаралтай горимоор сайдыг томилох асуудлыг чуулганаар хэлэлцэх байтал Засгийн газар нь УИХ-аа гацааж, энэ асуудал хойшлогдож байгаад харамсаж байна.

Үүнтэй холбоотойгоор УИХ-ын гишүүд горимын санал гаргаж, сүүлийн үед Засгийн газрын тэргүүн, нэр бүхий 13 сайд УИХ-ын тасралтгүй ажиллах ажиллагаанд Үндсэн хууль, Дэгийн тухай хууль зөрчиж тасалдуулах ажиллагаа явуулж байгаа учраас Засгийн газар, Ерөнхий сайд У.Хүрэлсүх, “давхар дээл” өмсөж байгаа Засгийн газрын гишүүдэд шаардлага хүргүүлэх горимын санал гаргасан.

Тиймээс  Ерөнхий сайд У.Хүрэлсүхэд дараах шаардлагыг хүргүүлж байна

УИХ-ын даргын дэргэдэх зөвлөлийн 2018.12.03-ны өдрийн хурлаар баталсан хуваарийн дагуу УИХ-ын чуулганы 2018.12.06-ны өдөр ХХААХҮ-ийн сайдыг томилуулах санал Засгийн газраас нэн яаралтай хэлэлцүүлж өгөх таны хүсэлт зэрэг улс орны өмнө тулгамдаж байгаа нэн чухал асуудлуудыг хэлэлцэхээр төлөвлөсөн байсан. Гэтэл Ерөнхий сайд та Засгийн газрын гишүүн ХХААХҮ-ийн сайдыг томилуулах саналаа танилцуулаагүйгээс уг асуудлыг гишүүдийн олонхийн саналаар хойшлуулсан. Засгийн газраас нэн яаралтай хэлэлцүүлэхээр өргөн мэдүүлсэн улс орны эдийн засаг төсөв санхүүтэй холбоотой хэлэлцэж байгаа асуудлуудыг Засгийн газрын хэд хэдэн гишүүн орхиж гарсны улмаас хэлэлцэх боломжгүй болсон. Та болон таны Засгийн газрын 13 гишүүн чуулганы нэгдсэн хуралдаанд зориуд оролцохгүй байгаагаас валютын ханш болон нефть шатахууны үнийн өсөлт, агаарын бохирдол, утааны асуудал зэрэг иргэдийн өмнө тулгамдаж байгаа даруй шийдвэрлэвэл зохих мэдээллээр хийгддэг Ерөнхий сайдын мэдээлэл дөрвөн удаа хойшилсоор өнөөдрийг хүрлээ.

Монгол Улсын Ерөнхий сайд та УИХ-ын чуулганы өнөөдрийн /2018.12.07/ үдээс хойшхи хуралдаанд оролцож, мал аж ахуйн талаар төрөөс баримталж буй бодлогын хэрэгжилт, өвөлжилтийн бэлтгэл ажлын талаар мэдээлэл хийх ёстой.

Ерөнхий сайд Үндсэн хуулийн дагуу танхимаа бүрдүүлэх байтал өөрөө өргөн мэдүүлсэн сайдаа томилуулах асуудлыг гурван долоо хоногийн турш хэлэлцүүлэхгүй байгаа нь хууль бус үйлдэл бөгөөд өнөөдөр Монгол Улс анх удаа ХХААХҮ-ийн сайдгүйгээр мал тооллогын ажлыг эхлүүлж, мөн өвөлжилт хүндэрч байгаа цаг үед салбар нь эзгүйрч, улаан буудайн нөөц бүрдүүлэх ажил тодорхойгүй болж ЖДҮ-ийн салбарт гарсан алдаа завхралыг нэн даруй засаж залруулах хэрэгтэй байна.

Өмнө нь Монгол улсын Ерөнхийлөгчийн зүгээс 2019 оны төсвийн тухай хуульд бүхэлд нь тавьсан хоригийг хэлэлцүүлэхээр зарласан Хууль зүйн байнгын хорооны хуралдааныг гурван удаа тасалдуулсан. Байнгын хороо хуралдаагүй тул Ерөнхийлөгчийн хоригийг чуулганы хуралдаанаар хэлэлцэж чадаагүй. 2018.11.22-ны өдөр хэлэлцэхээр төлөвлөсөн боловч та болон Шадар сайд Ө.Энхтүвшин, ЗГХЭГ-ын дарга Г.Занданшатар, Сангийн сайд Ч.Хүрэлбаатар нарын аль аль нь орж ирэхгүй зохион байгуулалттайгаар чуулганы үйл ажиллагааг тасалдуулсан.

УИХ-ын гишүүд болон олон нийтийн зүгээс тавьсан шаардлага, нийгэмд шударга ёс, хуулийн өмнө эрх тэгш байх зарчмыг хангаж, ЖДҮХС-аас өөрийн болон өөрийн хамаарал бүхий компаниудад зээл авсан асуудалд холбогдсон Засгийн газрын нэр бүхий гишүүдэд ёс зүйн хариуцлага тооцох асуудлыг 2018.11.29-ний өдөр хэлэлцүүлэхээр зарласан боловч тус хороонд харьяалагддаг Х.Баделхан, Д.Сарангэрэл, Д.Тогтохсүрэн нар санаатайгаар ирц бүрдүүлээгүй. ЖДҮХС-аас зээл авсан асуудалд холбогдсон Засгийн газрын гишүүдэд хариуцлага тооцох асуудлыг өнөөдрийг хүртэл хэлэлцэж чадахгүй байна.

Мөн танай Засгийн газар УИХ-ын ирцийг бүрдүүлэхгүй, хуралдаанд оролцохгүй байгаагаас ЖДҮХС-тай холбоотой үүссэн асуудлыг шалгаж, санал дүгнэлт гаргах түр хороо байгуулах асуудлыг хэлэлцэх боломжгүй болж, хойшилж байна.

Иймд Ерөнхий сайд таныг болон Засгийн газрын гишүүдийг Үндсэн хууль, Их хурлын хууль, Дэгийн тухай хуулиар хүлээсэн үүргээ биелүүлж, төрийн эрх барих ,хууль тогтоох дээд байгууллагын үйл ажиллагааг тасалдуулах гэсэн үйл ажиллагаагаа 2018.12.07-ны өдөр зогсоож, УИХ-ын хуралдаанд оролцохыг шаардаж байна гэсэн шаардлагыг  МУ-ын Их хурлаас хүргүүлж байна” гэв. 


Энэ мэдээ таалагдаж байвал:


  • Зочин · [103.229.120.86] · 2018/12/10

    Чадамжгүй УИХ-энд тэнд бичиг шаардлага өгөөд хэрэг байгаа юм уу даа цаг хожих юм уу даа УИХ-тарсан дээр дээ Ерөн-чийн засаглал монгол хэрэгтэй бна


  • зочин · [203.91.118.247] · 2018/12/10

    60 тэрбумынхан+30 гэр бүлийн мафи яг боож үхлээ, Бүх хууль бус зүйлийг нь хийдэг, нуудаг М.Энхболд нь ажлаа өгнө гэхээр үхэн хатан тэмцэж байна даа, Многл улсад маань шударга ёс ялж та хэдээс салах байгаа, Хүрэлсүх сайдаа ард түмэн бүгд л дэмжиж байна уул нь,,, Энэ хэдэн бузарууд бас хууль ярьчихжээ бас


  • Зочин · [115.171.244.61] · 2018/12/09

    Toriin tolgoid hulgaich Battulga baigaa ni unen. Hulgaichid huuli yarsnaaraa Enhbold buruutan bolj ovog deedseeree doromjluulj baih esgui bizdee. Gazriin naimaachin ,60 terbum gej heden jil shoudaj niigmiin har masst naimaachin gej uhaan bodol ni tsegtsreegui,hudal uneniig denselehiin orond sohroor dagagch nart itguullee ch uneniig densleh hun goltoi gishuud bii.Zasag zadarlaach tor baina daa zadarsan huuligui nohdiig tsegtsleh bizdee. Shudraga huuli ch Nyamdorjiin huviin erh ashigt ni Hurelsuh taaruulj haritsaad baigaa yum baigui dee.Chimeegui baihiig bodohod. Zasgiig davargah gej orondoo huuli zassan uu?!Nyamdorj oo


  • Бат · [202.9.43.210] · 2018/12/09

    Нэн яаралтай Үндсэн хуулиндаа өөрчлөлт оруулж параламентаа 2 танхимтай болгож төрдөө ард түмэн хяналт тавихгүй бол одоогийн төр мухардалд орлоо


  • Иргэн · [103.212.117.207] · 2018/12/08

    Дандаа давхар дээлтэй сайд сонгосны гай гарч бна даа


  • Зочин · [202.9.42.114] · 2018/12/08

    Ih hurliin Ded darga ta gishuudee herald ni suulgah uuregtei bish gejuu?Eyronhii said oroondoo tsoojilchihood bgaa yum gejuu.


  • Иргэн · [59.153.114.106] · 2018/12/08

    ЗГ бол үнэндээ хэрэг алгаа?!


  • Иргэн · [103.212.117.207] · 2018/12/08

    Төрийн дээр гарсан ЗГ-ыг огцруул


  • зочин · [66.181.160.45] · 2018/12/07

    монголд төр байхгүй хулгайчид эзлээд 29 жил болж бна шудрага гишүүдээ ,хулгайчидын толгойлогчыг зайлтал ,чуулганд бүү суу ,30 жил тэссэн ардууд 30 сар тэснэ ,хулгайчид бгаа цагт ,юун төсөв ,хууль ,төсөл хэрэггүй


  • Зочин · [66.181.190.139] · 2018/12/07

    Tyr gej baidar bol cyxd canyyl