ШИНЭ НИСЭХ БУУДАЛД НЕФТЬ БҮТЭЭГДЭХҮҮН ХАДГАЛАХ БАЙГУУЛАМЖ БАРИХ ЭРХИЙГ ДАВУУ ЭРХЭЭР “СОДМОНГОЛ”-Д ӨГЧЭЭ


УИХ-ын гишүүн Н.Номтойбаяр/ ноцтой мэдэгдэл хийлээ Тэрээр “…Би нэг баримт дэлгэх гэсэн юм. Хугацаа шаардсан ажил байсан. Сурагаар мэдээлэл хийж болохгүй. Нотлох баримт байх хэрэгтэй. Энэ юу вэ гэхээр, Шинэ нисэх онгоцны буудал гэдэг томоохон төсөл сүүлийн арваад жилд хэрэгжиж байгаа. Энэ төсөл Японы хөнгөлөлттэй зээлийн санхүүжилтээр баригдаж байгаа. Үүнийг та бүхэн мэднэ. Энэ зээлийн хүрээнд 5.3 сая иень буюу монголоор 125 тэрбум төгрөгийн Нефть бүтээгдэхүүн хадгалах байгууламжийг барьж ашиглалтад оруулахад бэлэн болсон байна. Японы талаас энэ байгууламжийг ашиглах, менежмэнтийг хийх сонирхолгүй байгаагаа албан ёсоор илэрхийлсэн. Гэтэл энийг Концессын тухай хуулийн дагуу сонгон шалгаруулалт зарлаж, шаардлага хангасан компаниуд хэрэглэх ёстой байтал “Содмонгол” компанитай шууд гэрээлэх эрхийг 2018 оны долдугаар сарын 9-ний өдрийн Засгийн газрын хуралдаанаар шийдвэрлэсэн. Үүнийг ЗТХЯ-наас зохих хууль, тогтоомжийн дагуу саналыг боловсруулж хүргүүлнэ үү гэсэн бичигҮндэсний хөгжлийн газарт ирсэн байдаг юм байна лээ.

Үндэсний хөгжлийн газар уралдаант шалгаруулалтаар хуулийн дагуу явуулах ёстой гэсэн хатуу зарчмын байр суурь илэрхийлээд холбогдох тогтоолын төслийг боловсруулж явуулсан байдаг юм байна лээ.

Мөн ЗГХЭГ-ын Ажлын алба хууль тогтоомжийг үндэслэл болгоод уралдаант шалгаруулалт явуулах ёстой гэсэн тогтоолын төслийг зохих албан тушаалтны цохолттойгоор Засгийн газрын хуралдаанд оруулсан боловч Ерөнхий сайд Ухнаагийн Хүрэлсүх шууд гэрээ байгуулах шийдвэрийг гаргасан.

Үүнийг хууль хяналтын байгууллагад өгнө. Шалгуулна. Нотлох баримтууд бүгд энд байгаа” гэлээ.

Б.Очир /ЗУУНЫ МЭДЭЭ/


Энэ мэдээ таалагдаж байвал:



  • зочин · [202.179.26.60] · 2019/01/14

    но той баяр эхлээд ард түмний өмч болох цагаан суврагаа саа ард түмэнд хувь эзэмшүүлчихээд дараа нь хуцаачээ яасан их шунал вэ шунал ихдвэл шулам болнодоо бүдүүн боов оо


  • Зочин · [64.119.18.249] · 2019/01/12


  • иргэн · [202.9.42.11] · 2019/01/12

    Шудрага ёсыг үг хэлээр биш үйл хэргээрээ үлгэрлэн харуулахыг л сануулаад байгаа юм биш үү. Хэн нэгнийг ийм маягаар хамгаалах гэж оролдвол шудраг ёс тогтоох тухай яриад ч хэрэггүйээ. Номтойбаяр муу хүн байж болно. Тэр бас зөв зүйл яагаад ярьж болохгүй гэж. Хүнийг зөв буруу бүх зүйлээр харлуулах оролдлог чинь нөгөө хэлмэгдүүлэлтийн үнэр ханхлуулж байгаа юм бишүү.


  • ebi · [122.201.23.226] · 2019/01/11

    энэ нотой хүүхэд дандаа бөгс ухдаг болжээ. өөр юм хийж чадахгүйдээ, ха ха ха