Томуу, томуу төст өвчний үед авч хэрэгжүүлэх арга хэмжээг эрчимжүүлж байна


Амралтын энэ өдөр Эрүүл мэндийн яам бүрэн бүрэлдэхүүнээр ажиллаж, томуу, томуу төст өвчний цаг үеийн асуудлаар хуралдаж, хэд хэдэн шийдвэрүүдийг гаргалаа.
Нийслэлийн хэмжээнд энэ сарын 10-ны өдрийн байдлаар, амбулаторийн үзлэг 7.3 хувьд хүрч, дүүргийн эрүүл мэндийн төв болон нэгдсэн эмнэлгийн нийт батлагдсан 977 хүүхдийн орон дээр нэмэлтээр 723 орыг дэлгэн зохицуулалт хийгээд байна. Гэвч томуугийн А хүрээний дэд хэв шинжийн А(H1N1), A(H3N2) вирусын идэвхжил нэмэгдэж, өвчлөл хүндрэх байдалтай байгаа тул хүүхдийн орны ачаалал цаашид ч нэмэгдэх хандлагатай юм. Тиймээс энэ асуудалд дорвитой анхаарч, хүүхдийн ор төдийгүй эм бэлдмэл, эмнэлгийн тоног төхөөрөмжийг хангалттай хэмжээнд хүргэх нь зайлшгүй чухал болохыг Эрүүл мэндийн сайд эмнэлгийн онцоллоо.

Эмнэлгүүдийн хувьд өнөөдөр нөхцөл байдалдаа тохируулан арга хэмжээ авч, эрүүл мэндийн тусламж, үйлчилгээ авахаар ирсэн иргэд, хүүхдийг буцаахгүй гэсэн үүднээс эмнэлгийн зай талбайг ашиглан нэмэлтээр ор дэлгэж, зохицуулалт хийж байна. Эмч, эмнэлгийн ажилтнууд уртасгасан цагаар ажиллаж, ачаалал ихтэй байгаа ч иргэд, үйлчлүүлэгчидтэй харилцах харьцаа хандлагаа сайжруулах нь чухал” хэмээн ярилаа.

Эрүүл мэндийн сайд Д.Сарангэрэл томуу, томуу төст өвчний хүрээнд төр, хувийн хэвшлийн эрүүл мэндийн байгууллагуудад хүүхдийн ор нэмэлтээр дэлгэх нөхцөл бололцоог судалж, хамтран ажиллах үүрэг өглөө.


Энэ мэдээ таалагдаж байвал:



  • Очир · [66.181.160.61] · 2019/01/13

    эрүүл мэндийн сайдаа. нийслэлийн БЗД-ийн 20-рхорооны нутагт хамаарах улиастай,баянголын 230 гаруй өндөр настанууд бид эмнэлэг,төр захиргааны хараа хяналтгүй хот,хөдөөгийн хооронд нийтийн тээвэрч байхгүй газар амьдарч байгаа учир манай энд зориудаар эмнэлэг үзлэгийн шуурхай баг явуулж тусламж үзүүлнэ үү. Бид хөдөө,хотын хооронд гээгдэн мартагдсан монголчууд байна. Хариуг 80660756 утсанд өгнө үү


  • зочин · [66.181.180.203] · 2019/01/13

    одоо бөөгнүүлээд юу хийдэг байна аа. өмнө нь покор тоглож байхын оронд хийхгүй. наад дарга нараа ажлыг нь хийлгээч. сэтгүүлч шиг хийх ажилгүй улсууд биш. хуралдаж суух хооронд ард нь түмний үр хүүхэд, эмч сувилагч нар хэцүүдлээ