Үе үеийн хадам ээжүүдэд ... Сэтгүүлч, Яруу найрагч Б.Дэлгэрцэцэг Нэг л өдөр би Хадам ээж болно


Үнэрлэж хайрлаж өсгөсөн

Үр үндэс минь салаалж

Нэг л өдөр би Хадам ээж болно

Нэг л сайхан охин босгыг минь давж алхаад

Нэгэн бүл болж, нэг л бурханд мөргөнө

Айлын сайхан охин миний охин болно

Амин голомтоо орхиж хүүгийн минь галыг бадраана

Хорвоогийн түмэн хүнээс миний үрийг сонгоод

Хонгор сэтгэлээ дэвсэж "ээжээ" гэж намайг дуудна.

Ижий аавынхаа энхрийхэн нь байж

Эрх танхилхан цэцэгхэн байж 

Өссөн гэртээ гүнж нь байж

Өөрийн бүхнээ үлдээн байж

Төрхөмөө орхиж галыг минь манах

Ёсыг минь дагаж, сэтгэлээ өгөх

Биеээ хувааж удмыг минь залгах

Бэрдээ ижий нь дуусашгүй өртэй.

Зан зангаа авах гэж удна

Загнаж ээж нь бэрдээ ч тунина

Гуалигхан галбираа золин байж

Ачийг минь надад үнэрлүүлэх болохоор

Гуниг жаргалаа хуваалцаж

Үрийг минь тулах хань нь болохоор

Хүй тасалсан цусан холбоогүй ч

Хадаг тавьж ёслож авсан

Хувиар учирсан ижий нь болохоор

Алаг нүдэн ялдамхан бэрээ

Алдаа оноотой нь ээж нь хайрлана.

Мөнх бусын хорвоог ээж нь түрүүлж орхино

Мөрийг чинь налж хүү минь уйлна

Эр гүндүүгүй хэнэггүйхэн үрийг минь

Ижий ухаан залгаж бэр минь түшиж үлдэнэ.

Уран бэрийн ухаантай болохоор чинь

Уужирч ижий нь тайван буцна

Б.Дэлгэрцэцэг


Энэ мэдээ таалагдаж байвал:



  • зочин · [202.131.243.186] · 2019/02/15

    энэ доор сэтгэгдэл бичсэн том "эцэг" , зөв бичиж чадахгүй байж ямар олон юм ярьдаг нөхөр вэ.


  • эцэг · [103.10.23.96] · 2019/02/13

    Бэр гэж чухам хэн орож ирэх вэ Бэр эрх үү Бэрийн нэр зээлсэн шулам эрх үү хэн ирхээс бүх зүүль хамаарна Архичин шоовуучин хэрүүлч хэдэр хормой султай дарга дагаж гүүсэн бэрээс хол явсан нь дээр Гэнэн сайлган хүүхэд зангаараа алдахдаа алдаж онохдоо онож явдаг энгийн нэг алдаа оноо хоёртой бэр жэнхэн бэр дээ , 30 хүрсэн жожог хүүхэн бол тийм ч яатайхан бэр биш дээ


  • Зочин · [202.72.244.219] · 2019/02/13

    сайхан шүлэг байна