"Жи Тайм" сүлжээний М.Марат мөрдөн байцаалтын явцад оргон зайлжээ


Цагдаагийн ерөнхий газрын Мөрдөн байцаах албанаас өнөөдөр хэвлэлийн хурал хийлээ. Тус алба 2018 онд гэмт хэргийн шинжтэй 23597 гомдол, мэдээлэл хүлээн авч шалгасан байна. Үүнээс 15443 нь гомдол мэдээлэлд хэрэг бүртгэлтийн хэрэг нээсэн. 7810 гомдол мэдээллийг хаах саналтай прокурорын байгууллагад шилжүүлэн нийт шалгасан гомдол мэдээллийг 99.8 хувийг хуулийн анхны хугацаанд шийдвэрлэжээ.

Тус албанд шалгагдаж байгаа томоохон хэргүүдийн нэг бол “Жи тайм” сүлжээний хэрэг аж. Уг хэрэгт нийтдээ 11734 иргэн хохирсон гэсэн байдлаар мэдүүлэг өгч шалгагдаж байгаа бөгөөд Бүгд Найрамдах Казахстан Улсын иргэн шалгагдаж байгаа ч тэрээр мөрдөн байцаалтын явцад оргон зайлж одоогоор олдоогүй байгаа. 6.9 тэрбум орчим төгрөг мөн 400-гаад сая төгрөгийн үнэтэй авто машин, 3 тэрбум орчим төгрөгийн бараа, бүтээгдэхүүнийг тус алба хохирогч нарын хохирлыг нөхөн төлүүлэх зорилгоор битүүмжилсэн. Эдгээр эд хөрөнгийг мөрдөн байцаалтын шатанд нөхөн төлүүлэх талаар нийслэлийн прокурорын газар, Улсын ерөнхий прокурорын газар, дүүргийн шүүх болон дээд шүүхэд санал хүргүүлээд ажиллаж байгаа гэв. Хэргийн холбогдогч оргон зайлсан байгаа учраас хүний гэм буруугүй нь тогтоогдохоос өмнөх шатанд яаж хохирлыг барагдуулах вэ гэдэг тал дээр хүндрэл үүсээд байгаа талаар хэллээ. Түүнчлэн уг хэрэгт Монгол Улсын нэг, Казакстан улсын нэг иргэн нийт хоёр хүн татагдсан.Монгол Улсын иргэн уг компанийн төлөөллийг хууль эрх зүйн орчинд шийдвэрлүүлж чадвал бид энэхүү битүүмжилсэн хөрөнгийг мөрдөн байцаалтын шатанд нөхөн төлүүлэх боломжтой гэж үзэж ажиллаж байгаа гэв.

"Жи Тайм" сүлжээний М.Марат мөрдөн байцаалтын явцад оргон зайлжээ

Уг хэргийн талаар эргэн сануулахад, Бүгд Найрамдах Казахстан Улсын иргэн Маженов Марат нь Монгол Улсад 100 хувийн хөрөнгө оруулалтаар “Жи Тайм” компанийг үүсгэн байгуулсан. Уг компаниар дамжуулан  Монгол Улсад олон шатлалт пирамид хэлбэрээр сүлжээний бизнес явуулж, олон мянган хүнийг элсүүлж мөнгө угаах аргаар залилан хийсэн болохыг цагдаагийн байгууллагаас тогтоосон. Улмаар М.Маратыг 2017 оны хоёрдугаар сарын 17-ны өдөр “Чингис  хаан” олон улсын нисэх буудлаас хил гарах гэж байхад нь баривчлан саатуулсан. Гэвч хэргийн холбогдогч уг этгээд мөрдөн байцаалтын явцад оргон зайлжээ.


Энэ мэдээ таалагдаж байвал:



  • ОЙЛГОСОНГҮЙ · [66.181.176.133] · 2019/03/16

    ХУУЛИЙНХАН энэ том хэргийн эзэнг зүгээр л явуулчихаж байгаа юм уу? ӨӨРӨӨР санаанд буухгүй байна. МИАТ ын АВЛИГААР шүүхдээд байсан Хоролсүрэнгийн ЗОЧИД буудлыг хуулийнхан булууж авсан тухай БНН ын Жаргалсайхан зурагтаар ярьж байсан. ХУУЛИЙНХАН хэнээс ч айхаа больжээ. ХУУЛИАР айлгаж баяждаг жишиг тогтсон байна. САЛХИТын хэрэгт хутгалдсан хуулийнхан дунд ЦЕГ ын генерал байсан нөхөр, ЕП ын орлогч эрдэнэбат нарын нэр гарч байсан. АРАЙ дэндлээ. ЯАХ ВЭ? ТӨРИЙГ залгиж дууслаа. ЗА ЦААШ нь ярих уу,,,, гэсээр


  • Зочин · [103.229.123.50] · 2019/03/16

    Монголд битүүмжилсэн юм ч байдаггүй л юм даа. Нөгөө хулгайчууд аваад аль хэдийн идээд уугаад байхгүй болсон . Өө мэдэхгүй алга болсон бна л гэнэ дээ. Машиныг одоо нэг хулгайч унаад явж бгаа . итгэх арга байргүй.


  • зочин · [66.181.160.37] · 2019/03/15

    за нэг хурандаа л авилга аваад ,явуулсан даа, ер нь том дүнтэй хэрэг, цагдаа шүүх, прокуроруудын бизнес болоод 25 ,6 жил болж бгаа нууц биш шүү дээ


  • Е · [64.119.21.20] · 2019/03/15

    Оргон зайлаагуй цагдаа менге аваад явуулсан


  • зочин · [64.119.17.206] · 2019/03/15

    2 жил өнгөрлөө,байгааг нь хуваагаад өгөмөөр юм даа