Өмнөговь аймгийн Номгон сумын байгаль хамгаалагч С.Амаржаргал.
Суманд нь эрх мэдэлтнүүдтэй хуйвалдан хууль бусаар ажиллаж байсан Хятадын компаний 4 машиныг ачсан баяжмалтай нь шөнө дөлөөр отолт хийж байгаад саатуулан аймгийн цагдаа,Мэргэжлийн хяналтад хүлээлгэн өгсөн. Харамсалтай нь түүний саатуулсан 4 машиныг нь уурхай руу буцаалаа гэж хуураад зорьсон зүг Улаанбаатар луу нь дарга нар явуулсныг хэзээ хойно мэджээ.
Химийн бодисоор баяжуулсан нойтон баяжмал ачсан байтал "олон жилийн өмнө олборлосон хатаасан хүдэр байжээ " гээд прокурор хэргийг нь ХЭРЭГСЭХГҮЙ болгосон. Өөрөө бараг буруутан болж БАНГА хүртлээ. Бууж өгсөнгүй.
Нотлох баримтаа устгуулсан түүнд дахиад хууль зөрчин уурхай ажиллаж буйг нотлох баримт хэрэгтэй боллоо.
Сар гаруй тагнаж байж дахиад ДУН-ЮАНЬ-ий уурхайгаас баяжмал ачсан нэг машин саатууллаа.
Саатуулагдсан жолооч түүнд: "Эхний ээлжинд САЯ төгрөг өгье! Чимээгүй дарчих,явуулчих "гэж гуйлаа.
Тэрээр өргөсөн тангарагтаа үнэнч үлдэж,машиныг мөн л холбогдох газарт нь хүлээлгэн өглөө.
Хятадын компаний Авлигалд автсан дарга нарынхаа өөдөөс зоригтой тэмцсээр ДУН-ЮАНЬ компаний хууль зөрчсөн үйдлийг ШҮҮХ-ээр тогтоолгож,Хотоос 800 км цаана,өмнөд хил дээр болсон ГЭМТ ХЭРЭГ-ийг олон нийтийн анхааралд хүргэж чадлаа.
2 хүүхдийн ээж,эмэгтэй хүн эзгүй говьд мотоцикль унаад өдөр шөнийг үл ялган хууль бус зүйлтэй тэмцэж,эх орноо хамгаална гэдэг баатарлаг үйл. Бас бахархалтай түүх. Эгэл жирийн мөртлөө энгүй гавьяатай ийм л хүмүүсийн зүтгэлээр эх орон минь бүрэн,БҮТЭН үлдэнэ.
Тиймээс би түүнийг "ИХ ГОВИЙН ЗОРИГТОН БАЙГАЛЬ ХАМГААЛАГЧ" гэж нэрлэлээ. Их үйлст нь АМЖИЛТ хүсье!
Өмнийн цэнхэр говьдоо үргэлж БАМБАР мэт гэрэлтэж яваарай!!! Бүсгүй минь!!!
Сэтгүүлч Б. Отгон 2019.03.22