Урьдчилан хорих ангид амиа хорлосон байдалтай нас барсан шүүгч асан Л. Бямбаагийн гэр, зуслангийн байр болон түүний ажлын байр болох “Консент” хуулийн фирмийн оффист АТГ-ын Мөрдөн шалгах хэлтээс нэгжлэг явуулж, хэрэгт холбоотой нотлох баримтуудыг хураан авсан.
Л.Бямбаад Салхитын мөнгөний ордын Эрүүгийн хэрэгт хамжигчаар оролцсон байж болзошгүй зэрэг хэдэн хэдэн үндэслэлээр Эрүүгийн хэрэг үүсгэн 48 цагийн хугацаатай хорьсон ч тэрээр амиа хорлосон. Талийгаачид хийсэн задлан шинжилгээний хариу гарсан. Дүгнэлтэд:
“Талийгаач эмэгтэйн гарын хуруунуудад гадны нөлөөтэй сорвижилт үүссэн бөгөөд энэ нь нас барахаас өмнө үүссэн нь тогтоогджээ. Тэрээр өөрийнхөө дотуур хувцасны төмрөөр хурууны өндгөө зүсч, цусаа бэх болгон ашиглаж 3 ГЭРЭЭСЛЭЛ үлдээсэн байна
Гэрээслэлд : АТГ-т гэнэт хөрөнгөжсөн хэргээр шалгагдаж байгаа шүүгч хүүгээ энэ хэрэгт буруугүй гэж бичихээс гадна хэд хэдэн шүүгчийн нэр бичсэн байжээ. Талийгаач Л.Бямбаа агсан амьд ахуйдаа Салхитын мөнгөний ордын эзэмшигч “Амин билигт” компанид хуулийн зөвлөхөөр ажиллаж байсан. Тиймээс уг хэрэгт холбогдсон хууль шүүх,цагдаа, төрийн том албан тушаалтнуудыг мэддэг, авлигын гол ЗУУЧЛАГЧ байсан байх магадлалтай. Авлигатай тэмцэх газраас явуулж буй мөрдөн шалгалтын явцад дээрх хэрэгт Л.Бямба агснаас гадна хамжигч, хамтрагчаар оролцсон албан тушаалтнууд гарч иржээ. Тодруулбал, Цагдаагийн ерөнхий газрын дэд дарга, Улаанбаатар хотын цагдаагийн газрын дарга асан Ч.Болдбаатар, Улсын Ерөнхий прокурын орлогч Г.Эрдэнэбат, талийгаач шүүгч Л.Бямбаагийн хүү С.Төмөрбат, Улсын Дээд шүүхийн шүүгч Г.Алтанчимэг, Ц.Амарсайхан, Д.Золзаяа, Г.Цагаанцоож, Д.Цолмон, Дүүргийн Иргэний хэргийн анхан шатны шүүгч Т.Энх¬жаргал нарын нэрс хамжигчдын зураглалд бий.
Салхитын мөнгөний ордыг шүүхийн шийдвэрээр авахын тулд Хятадууд асар их мөнгийг авлигалд зориулсан. Хятадуудад анх энэ ордын лицензийг зарсан Ш.Мөнгөншагайгийн компаний 40 хувийг эзэмшигч, хүргэн дүү Г.Жаргалангийн гэрээс АТГ-ынхан 1,3 сая ам доллар буюу 3 тэрбум төгрөгтэй тэнцэх хэмжээний мөнгийг олж байсан билээ.
Сэтгүүлч Б.Отгон 2019,03,25