Авлигачидтай тэмцэхээ хойш тавьж, авгайтай тэмцэлдэх АТГ


АТГ-ын нэр хүнд шаланд унаж, шавхайнд хутгалдлаа, Г.Баасангийн мэдээллээс улбаатайгаар. Үүнд тус газрынхан тун их эгдүүцэж байх шиг. Ялангуяа авлигын акулуудтай тэмцэх ажиллагааг удирдагч. Тиймээс ч мэдээлэл түгээсний араас шууд л мэдэгдэл гаргаж, шүүхэд хандаж, хэвлэл мэдээллийнхнийг цуглуулан Г.Баасантай тэмцэлдэнэ гэдгээ зарлалаа.

Авлигын акулуудтай тэмцэх газар ингэж ч жижгэрэх гэж. Хэн хүний нүднээс далд хэтэвчээ түнтийлгэдэг нөхдүүдийг мөрдөж, илрүүлэн шийтгэх ёстой газар нэг эмэгтэйн хэлсэн үгтэй тэмцэхээр яарч байх гэж гэсэн яриа нийгэмд үүсэв. Тус газрын зүгээс нэр хүндийг нь унагалаа гэх үндэслэл тавьж байгаа гэнэ. Агуу их, гараг ертөнц даяар нэр хүндтэй л байгууллага байсан бололтой. Тиймээс Г.Баасан гэдэг эмэгтэйдээ тэмцэлдэж, нэр хүндээ эргүүлэн олж авч, дэлхийд дуурсгах шинжтэй. Шүүхэд өгөөд амжсан энэ асуудалд олон нийт тийм ч таатай хандахгүй байгааг энд дуулгах нь зүйн хэрэг биз.

АТГ гэж нэрийдсэн байгууллагын үйл ажиллагаа өнөөг хүртэл хэр амжилттай яваа билээ. Монгол Улсад үүссэн авлигын зуд өнөөдөр арилсан уу гэж юун түрүүн асуух хэрэгтэй. Мөн олон нийтэд ил болсон авлигачдыг барьж, шийтгэл хүртээв үү, хэд вэ гэсэн асуулт ч бий. Саяхныг эргэн дурсахад сонгуулийн дараахан үүссэн 60 тэрбумын асуудал хаачив. Оффшорчдыг зарлахгүй суугаа гээд л асуудлууд бий. Энэ мэтчилэн дурдвал авлигачидтай тэмцэх ажил чамгүй их. Гэтэл авлигачидтай биш авгай хүүхний хэлсэн үгтэй тэмцэлдэж суугаа нь инээдтэй. Өнөөдөр Монгол Улс авлигын индексээр тийм таатай байр суурьт байгаа билүү. АТГ ямар хэмжээнд ажиллаж байгаа нь үүнээс харагдана.

Тухайн байгууллагатай холбоотой асуудлыг Г.Баасан маш зоригтой гарган тавьж, ажлаа хий хэмээн ташуур өгсөнд баяр хүргэх хэрэгтэй мэт. Яагаад гэвэл асуудлыг бодиттойгоор хэлчих тийм зоригтон өнөөдрийг хүртэл байсангүй. Улаанбаатар төмөр замын асуудлаас авахуулаад чамгүй олон зүйл ил болоогүй явсныг дэлгэчихлээ. Энэ нь л газрын нэр хүндэд халдсан болчихов уу даа. Ер нь, төрийн байгууллагын нэр хүнд гэж юу байдаг юм бол. Иргэдийн төлөө, эх орны төлөө гэсэн ганц уриа л байдаг санагдана. Ийм атал нэр хүнд гэх юм. Эсвэл Х.Энхжаргал даргын нэр хүндийн асуудал үүнд хамаатай болж байна уу.

За ямартай ч АТГ авлигын акулуудтай тэмцэхээ больж, Г.Баасан гэдэг эмэгтэйдээ л тэмцэлдэж оны ажлаа эхэлж байгаа юм уу даа. Амжилт хүсье АТГ-т. 


Энэ мэдээ таалагдаж байвал:


  • сайн ээж · [103.10.22.83] · 2018/01/12

    Ичмээр юмаа.Одоо болтол бид нэгч авилгаачийг нэрлэж чадахгүй байгаа биздээ.тэгсэн мөртөө дэлхий дээр толгой цохиж яваашдээ.АТГ-г юу хийсэн болоод төсвийн мөнгөнөөс хороодог юм бэ.ийм байгууллага хэрэгтэй юмуу


  • жүвэй · [103.229.120.147] · 2018/01/12

    ЭНЭ жудаггүй энхжаргалыг солиоч.. Шүүмж сонсож чаддаггүй хүн ийм өндөр албад байх эрхгүй ...Г.Баасанг өмөөрнө...Үнэн үг хэлсэн хүн ... Баасанг дэвшүүлнэ ажиллуулж болно шүү дээ... Шударга хүний хийх ажил бол АТГ мөн..


  • зочин · [202.179.11.10] · 2018/01/11

    энэ энхжаргалыг хурдан солиоч ,энэ 60-н тэрбумын хамгаалагч шүү дээ


  • зочин · [49.0.219.141] · 2018/01/11

    ямар өрөвдөлтэй газар вэ. Ямар хөгийн амьтан удирддаг газар вэ. хүмүүсээс өчнөөн авилгал авчихаад хөдөлж чадахаа боличихсон юм байна. наад эмэгтэй чинь ямарч гэсэн чамаас дээр юм банйа. Өөрийг чинь бодвол авилгалтай тэмцэх юм банйа. Ажлаа наад хүндээ өхчих ядаж таныг бодвол нэр нь цэвэр юм.


  • dorj · [202.179.24.145] · 2018/01/11

    Enkhjargal unsuuldeg dargaasaa aigaad Baasand hutga gargah yum.Jijig baina.Mongoliin huuliin baiguulalgiin niitleg dur turh iim baina.


  • зочин · [202.21.105.110] · 2018/01/11

    АТГ-хан минь дээ та нарыг Баасан авгайтай ясаа гартал заргалдана гэж зурагтаар ярьсан гээд хүн амьтан солонгост ярьцгаагаад байх юм.Үнэн бол та нарын өмнөөс ичиж үхлээ.Та нар чинь тийм хариугүй жаахан тулга тойрсон бодолтой улсууд юм уу. Ингэж төрийн мөнгө үрэн таран хийж байхын оронд тарцгаагаад гэртээ харьцгаа