МАН-ын бага хурлыг нээж УИХ-ын гишүүн, МАН-ын дарга У.Хүрэлсүх үг хэлэв. 

Тэрбээр "төрийн эрх барих дээд байгууллага  УИХ-ын найм дахь удаагийн сонгууль амжилттай болж өндөрлөлөө. Улсын ууган хүчин МАН-д итгэж, манай сонгуулийн мөрийн хөтөлбөрийг дэмжиж, УИХ-д МАН-аас нэр дэвшсэн 76 хүнээс 62 хүнийг сонгож өгсөн Монголын нийт ард түмэнд, МАН-ын гишүүд дэмжигчид та бүхэндээ МАН-ын нэрийн өмнөөс чинь сэтгэлээсээ талархаж байгаагаа илэрхийлье. Ард түмэндээ баярлалаа. 

Одоо бидэнд ард түмнийхээ итгэл найдварыг хариулах үлдэж байна. Маш хариуцлагатай ажиллах ёстой. Эхлүүлсэн ажлуудаа дуусгах ёстой. Ард түмний ажил амьдрал, хөгжил дэвшлийн төлөө улсын ууган нам бүхий л  боломж нөхцөлөө дайчлан ажиллах ёстой гэж хурлын эхэнд хэлэхийг хүсч байна" гэлээ.