Өндөр цолтой гурван бөхөөс допинг илэрсэн асуудал олны анхаарлыг татаж байна. Ялангуяа допинг илэрсэн бөхчүүдийн нэг нь үзүүр, түрүүний бөх байгаад иргэд ихэд харамсч байна. Баттай эх сурвалжийн мэдээлснээр Улсын аварга Н.Батсуурь, Улсын заан Б.Пүрэвсайхан, Улсын харцага Б.Бат-Орших нараас допинг илэрчээ.
Баянхонгор аймгийн Богд сумын харьяат, аймгийн арслан Б.Бат-Орших нь энэ жил Улсын начин Д.Орхонбаяраар зургаа давж, Улсын харцага болсон юм.
Шинжилгээний хариу уржигдар ирсэн бөгөөд допинг илэрсэн бөхчүүдийн нэрсийг тун удахгүй Баяр наадмыг зохион байгуулах комиссоос албан ёсоор зарлана гэв.
Сануулахад, Үндэсний их баяр наадмын бөхийн барилдааны шөвгийн 16-д тунан үлдсэн бөхчүүдээс сэргээш /допинг/-ийн шинжилгээ авдаг. Уг шинжилгээг Олон улсад итгэмжлэгдсэн лаборатори болох БНСУ-ын лабораторит шинжилдэг аж.