Уул уурхай, хүнд үйлдвэрийн сайд Г.Ёндон хоёр хүүхдийнхээ дунд сургуулийн төлбөрийг “Монголросцветмет” нэгдлийн санхүүгээр төлүүлсэн тухай баримтыг өнгөрсөн долоо хоногт цахим орчинд дэлгэсэн. Энэ талаар сайд Г.Ёндон тайлбар өглөө.
Тэрээр "Монголросцветмет бол улсын төсөвт хамаагүй татвартай хамаагүй байгууллага. Ашгийн төлөө ажилладаг байгууллага. Монголросцветмет компанид 2000 оноос хэрэгжиж байгаа журам бий. Компанийн гүйцэтгэх удирдалга, менежментийн багийг урамшуулах заалтуудтай. Энэ заалтынхаа дагуу компани ашиггүй ажиллавал урамшуулал олгодоггүй. Би 2018 оны 4 сарын 25-нд томилогдсон. Ер нь Монголросцветмет компани Шилэн дансны хуулийг маш сайн хэрэгжүүлж байгаа. Тэр баримт бол 2019 онд тавигдсан баримт. Өнөөдөр миний албан тушаалтай холбоотой гаргаж ирж байна.
Монголросцветмет компани 2019 онд түүхэндээ машин өндөр ашигтай ажилласаэн. Тиймээс ийм урамшууллыг авсан. Би хувь хүнийхээ хувьд болохгүй юм хийсэн гэж бодохгүй байгаа” гэлээ.
Б.ЗАЯА
Эх сурвалж: shuurhai.mn
