Сэлэнгэ аймгийн Онцгой комиссын дарга Ш.Оргил цаг үеийн асуудлаар шуурхай мэдээллийг өглөө.
Тэрээр "Сэлэнгэ аймгийн Сүхбатаар сумын 4 дүгээр багийн харьяат 74 настай Ц гэх иргэн халдварын сэжигтэй тохиолдол илрээд байна. Тэрээр ам бүл 4-үүлээ байдаг. Хүү, ач хүүгийн хамт амьдардаг. Хүү нь хөдөө ажиллаж байгаа учир байгаагүй. Иргэн Ц энэ сарын 6-наас 38 хэм хүрч халуурч эхэлсэн. Анх толгой өвдөж, дотор муухайрах шинж тэмдэг илэрсэн. Тиймээс Өрхийн эмнэлэгт үзүүлсэн. 9-нд Нэгдсэн эмнэлэгт үзүүлсэн, удахгүй ханиалгаж эхэлсэн мэдүүлэгтэй байна. Тиймээс тухайн иргэнийг ойролцоо хавьтлын иргэдээс авсан шинжилгээний хамтаар Улаанбаатар хот руу ХӨСҮТ рүү илгээхэд бэлэн болоод байна.
Түүнээс гадна халдвар илэрсэн Тирийн жолооч Д-тэй хамт хавьталд орсон 25 хүний шинжилгээний хариу гарсан. Бүгд сөрөг хариу гарсан.
Одооноос эхлээд Сүхбаатар, Алтанбулаг сумын хөдөлгөөнийг бүрэн хориглоод байна" гэлээ.
Эх сурвалж: shuurhai.mn Б.ЗАЯА