УИХ-ын чуулганы нэгдсэн хуралдаан эхэллээ. Чуулганы эхний хэлэлцэх асуудал Гаалийн болон НӨАТ-аас чөлөөлөх асуудлыг хэлэлцэж байна.
УИХ-ын Б.Пүрэвдорж: Миний өргөн барьсан 3 хуулийн төсөл байгаа. Тэдгээр хуулийн төслийг хэлэлцэж өгөөч.
-Нэгд, НӨАТ-ын тухай хуулийн төсөл байгаа. НӨАТ-ыг 5 хувь болгох хуулийн төсөл. Яг энэ хүнд цаг үед хүмүүст маш их хэрэгтэй.
-Хоёрт, одоо хэлэлцэж байгаа хуулийн төслөөр бол 50 орчим тэрбум төгрөгийн цоорхой гарах нь. Яг энэ цоорхойг чинь нөхөж болох хуулийн төсөл өргөн баригдсан. Хуурамч шатахуун үйлдвэрлэлд ордог керосинд онцгой албан татвар ногдуулдаг болмоор байна. Ингэж чадвар жилд 45 тэрбум төгрөг олох боломж байна.
-Гуравт, тамхинд онцгой албан татвар ногдуулдаг болъё. Ялангуяа монгол нэртэй хэрнээ хятадууд эзэмшдэг Монгол тамхи со компани байна. Хамгийн муу тамхи үйлдвэрлэдэг хэрнээ онцгой эрх авчихаад ямар ч татвар төлдөггүй. Эдгээр хуулийн төслийг хэлэлцүүлмээр байна гэв.
Эдгээр асуултын хариуд УИХ-ын Төсвийн байнгын хорооны дарга Б.Жавхлан:
-Хэлэлцэх асуудлын жагсаалтад байгаа. Хуулийн төслүүд сонирхолтой санагдсан. Төсвийн орлого талдаа нэмэртэй байж болох хуулийн төслүүд байгаа гэв.
Эх сурвалж: shuurhai.mn Г.ОЧИР