Манай улсад амиа хорлолтын тохиолдол сүүлийн жилүүдэд эрс нэмэгдэж байгаа нь хууль хяналтынхан, судлаачдын анхаарлыг ихээр татаж буй. Ялангуяа эрчүүд мөн өсвөр насны хүүхдүүд ийм шийдвэр гаргаж байгаа нь бүр ч их анхаарал татах болсон билээ.
Харамсалтай нь өнгөрсөн баярын өдрүүдээр өөрийнхөө амь насыг хөнөөсөн хэд хэдэн харамсалтай хэрэг гарчээ. Тодруулбал, өнгөрсөн сарын 31-ний орой 02:00 цагийн үед Булган аймагт орших суух 15 настай эрэгтэй Д нь өөрийгөө боомилж нас баржээ. Талийгаач хүү өвөлжөөний дээврийн дамнуургаас мяндсан утсаар хоолойгоо боомилж нас барсан байдалтай олджээ.
30-ны орой нийслэлийн Хан-Уул дүүргийн 20 дугаар хороо 103 дугаар байранд орших суух хаягтай 28 настай А нь боомилсон байдалтай нас баржээ. Талийгаач угаалтуурын өрөөний шүршүүрийн тогтоогч төмрөөс хүзүүний ороолтоор боомилж нас барсан байна.
Мөн энэ өдөр Говь-Алтай аймгийн Цогт суманд оршин суух 30 настай эмэгтэй У хадан цохионоос өөрийгөө боомилж нас баржээ.
Харин 31-ний орой 00:00 цагийн үед БГД-ийн 25 дугаар хороо Голден парк хотхоны 103 дугаар байрны 11 давхраас тус тоотод оршин суух 22 настай Т согтуурсан үедээ унаж нас баржээ.
Баярын өдрүүдээр өөрийнхөө амь насыг егүүтгэсэн нэг бус тохиолдол бүртгэгдсэн нь харамсалтай. Гэр бүл ойр дотны хүмүүс, өсвөр насны хүүхдүүддээ анхаарал тавих цагаа битгий сулруураалай.
Эх сурвалж: shuurhai.mn Г.ОЧИР
