Дөнгөж төрсөн эмэгтэйг Өргөө амаржих газраас ХӨСҮТ рүү шилжүүлэх явцдаа ноцтой алдаа гаргасан асуудлаар Эрүүл мэндийн сайд Т.Мөнхсайхан албан тушаалаасаа огцорч байгаагаа мэдэгдлээ.
Тэрээр “Бид ард иргэдээ цар тахлаас сэргийлэхийн тулд бүхий л хүчээ дайчлан ажиллалаа. Эрүүл мэндийн салбарт олон жил явж ирсэн буруу тогтолцоог өөрчлөхийн тулд бүхий л хүчээ ажиллаж тодорхой үр дүнд хүрч өөрчлөлт гарсан.
Эрүүл мэндийн салбарт 57000 хүн ажиллаж байгаа. Хэдэн хүний хариуцлагагүй үйлдлээс болж энэ олон хүний үйл ажиллагааг үгүйсгэж болохгүй гэдгийг хэлье.
Эрүүл мэндийн сайдын албан үүргээсээ чөлөөлөгдөх хүсэлтийг Ерөнхий сайдад уламжлах болно” гэлээ.
Эх сурвалж: shuurhai.mn Г.ОЧИР