УИХ-ын чуулганы хуралдаанаар Ерөнхий сайд У.Хүрэлсүхийн Засгийн газрын огцруулах эсэх асуудлыг хэлэлцлээ. Улмаар хуралдаанд оролцсон 63 гишүүний 60 нь дэмжсэнээр 95.2 хувийн саналаар Засгийн газар бүрэлдэхүүнээрээ огцорч байна.
Шинэ Ерөнхий сайдыг томилогдтол Ерөнхий сайд У.Хүрэлсүх үүрэгт ажлаа түр гүйцэтгэх юм.
Тэрбээр чуулганы хуралдаанд "Хууль, шүүх, прокурор хараат бус байгаасай гэж хүсдэг. ҮАБЗ-ийн гишүүд хууль зөрчиж болохгүй. Ерөнхийлөгч өө. Өчигдрийн жагсаалд бид оролцоогүй гэж яриад хэрэггүй. Олон баримтаар нотлогдож байгаа. Би ажлаа өгснийхөө дараа Монгол Улсын хууль дүрэм хэрхэн яаж зөрчигдөж байсан талаар, Монголын шүүх прокурорын талаар яаж дарамт шахалт үзүүлдэг байсан талаар нотолгоо баримттай ярина. Хуулийнхан өөрсдөө ч энэ асуудлаар ярих байх гэж итгэж байна. Зарим дээр нь мөрдөн шалгах ажиллагаа хийх шаардлагатай гэж үзэж байна. Ингэж байж төр тогтвортой болно.
Би шударга ёсны төлөө тэмцэнэ. Ерөнхий сайд байхад үг хэлэхэд хэцүү. Сул гишүүн болж байгаад хэн яаж хулгай хийж байгааг ярина. Ерөнхийлөгч Х.Баттулга бол хууль зөрчиж байгаа.
Ерөнхийлөгч Х.Баттулга АН-ыг самарсан, одоо ардын засгийг самарлаа. Цаашдаа Монгол Улсыг самрах юм байна. Миний улс төр жинхэнэ утгаараа эхэлж байна. Намайг хэн ч худалдаж авч чадахгүй шүү" гэлээ.