Оны өмнө буюу 2020 оны арванхоёрдугаар сарын 21-ний өдрмйн Нийслэлийн шуурхай зөвлөгөөний үеэр Нийслэлийн засаг дарга бөгөөд Улаанбаатар хотын захирагч Д.Сумъяабазар дахин хөл хорио тогтоох эсэх дээр байр сууриа илэрхийллээ.
Нийслэлийн засаг дарга Д.Сумъяабазар: Би Улаанбаатар хотыг дахин бүх нийтийн бэлэн байдлын зэрэгт шилжүүлж бүх төрлийн үйл ажиллагаа явуулж буй бизнесийг хааж, боож зогсоомооргүй байна. Өнгөрсөн сар гаруйн хугацаанд бүх нийтийн бэлэн байдлын зэрэгт шилжээд овоо хумьж чадлаа. Тэгэхэд Эрүүл мэндийн яам Улсын Онцгой комисс руу ахин хөл хорио тогтоох, бэлэн байдлын зэрэгт шилжүүлэх санал оруулах гэж байна. Та нар өөрсдийгөө бодоод байдаг. Өмнө нь юмаа олигтой хийж байхгүй юугаа хийж байсан юм. Хот бүх ачааллын хүндийг үүрдэг. Энэ дотор амьдрал явж байгаа шүү. Ахиад хаах юм уу, ийм байдалтай үргэлжилвэл хотын эдийн засаг, ард түмний амьдрал тартагтаа тулна. Би хатуу хөл хорио тогтоохгүй гэсэн байр суурьтай байна. Зөвхөн голомт дүүргүүд дээр хяналтаа өндөржүүлэх хэрэгтэй” гэлээ.