Нийгэм / 2018/04/30

ТӨРИЙН БАНКНЫ ХАМТ ОЛОН 5,237 ГА ГАЗРЫГ ЦЭВЭРЛЭЛЭЭ



Төрийн банкнаас Байгальд ээлтэй бизнесийг дэмжиж, экологид ээлтэй орчныг бий болгох зорилт тавин байгалиа хамгаалах, хойч үеэ байгальд хайртай болгохын тулд “Эко боловсрол олгох аян”-ыг 5 дахь жилдээ хэрэгжүүлж байна.

Тус аяны хүрээнд ”Хүрээлэн” амьд ертөнцийн цуврал нэвтрүүлэг, Ерөнхий боловсролын сургуулиуд дээр “Хүрээлэн” амьд ертөнцийн цуврал гэрэл зургийн үзэсгэлэн, “Эх дэлхий- Хүүхэд бидний ирээдүй” өдөрлөг, “Хөх цэрэг” танин мэдэхүйн аялал, хүүхдүүдийн дунд байгаль, эх орны сэдэвтэй гар болон гэрэл зураг, эссэ, асуулт хариултын уралдаан зэрэг олон ажлыг шат дараатай зохион байгуулахын зэрэгцээ Байгальд ээлтэй, цаас ашигладаггүй цахим технологийг эрчимтэй хөгжүүлж хамгийн хурдан, хамгийн хялбар Гялсбанк үйлчилгээг харилцагчиддаа санал болгон ажилладаг.

Төрийн банкнаас энэ жилийн “Эко боловсрол олгох аян”-аараа нийт ажиллагсад, харилцагчид, хэвлэл мэдээллийн хэрэгслүүд, ТББ-уудтай хамтран олон нийтийн анхаарлыг байгаль хамгаалах асуудалд хандуулах зорилт тавин “Байгальд ээлтэй Гялс цэвэрлэгээ” ажлыг санаачлан 2018.04.28 өдөр Монгол Улсын бүх хот сууринд байрлах Төрийн банкны 500 гаруй салбар нэгжийн 3800 ажилтан албан хаагчид өөрсдийн амьдарч буй хот, аймаг, дүүрэг, сумын ойр орчмын гол горхи, нуур цөөрмийн эрэг, сав газрыг цэвэрлэх ажлыг зохион байгуулж байна.

            Учир нь сүүлийн жилүүдэд дотоод аялал жуулчлал эрчимтэй хөгжиж эх орныхоо үзэсгэлэнт байгаль, дурсгалт газраа үзэх дотоодын жуулчдын тоо ихээр өсч байгаа нь баярлууштай хэдий ч, ил задгай хог хаяснаас гол горхи, нуур цөөрмийн эрэг, сав газар ихээр бохирдож байгаль орчинд сөргөөр нөлөөлж байна.

 

            Тиймээс байгальд үзүүлж буй дээрх сөрөг нөлөөллийг бууруулах зорилгоор аялал жуулчлалын идэвхтэй улирал эхлэхээс өмнө байгаль орчноо хамгаалах үйлсэд байгууллага, олон нийтийг уриалан дуудсан Байгальд ээлтэй Гялс цэвэрлэгээ аяныг санаачлан нийгэмд эерэг хандлага түгээхээр, Монгол Улсын  21 аймаг, 315 сум, Улаанбаатар хотын 9 дүүрэгт байрлах гол горхи, нуур цөөрмийн эрэг, сав 5,237 га газрыг цэвэрлэн 580 тонн буюу нийт 360 машин хог хаягдал цэвэрлэлээ.

 

            Тус цэвэрлэгээнд Төрийн банкны ажилтнууд өөрсдөө шуудай, маск, тармуур гэх мэт зүйлээ бэлтгэн оролцсон бөгөөд  Төв оффис, Улаанбаатар нэгжийн ажилтнууд Гачууртаас Сонсголонгийн гүүр хүртэл 26.6 километр туул голын эрэг дагуу 427 га газрыг цэвэрлэсэн бол орон нутгийн салбар, нэгжийн ажилтнууд өөрсдийн аймаг, сумын 4,810 га газар цэвэрлэлээ.

                        Үүнд:

Төрийн банк салбар

Цэвэрлэсэн талбай /га/

1

Улаанбаатар хот

427

2

Архангай салбар

54

3

Багануур салбар

100

4

Увс салбар

280

5

Өмнөговь салбар

703

6

Говь-алтай салбар

44

7

Өвөрхангай салбар

175

8

Зүүн хараа салбар

50

9

Хөвсгөл салбар

815

10

Орхон салбар

285

11

Завхан салбар

100

12

Дархан салбар

2

13

Дорноговь салбар

22

14

Баянхонгор салбар

1

15

Баян-өлгий салбар

300

16

Булган салбар

68

17

Дундговь салбар

179

18

Төв аймаг салбар

112

19

Сүхбаатар салбар

51

20

Дорнод салбар

181

21

Ховд салбар

1,202

22

Говьсүмбэр салбар

50

23

Замын-үүд салбар

6

24

Сэлэнгэ салбар

25

25

Хэнтий салбар

5

 

Нийт талбай /га/

5,237

            Төрийн банкны хамт олны санаачлагаар Монгол Улс даяар өрнөсөн Байгальд ээлтэй Гялс цэвэрлэгээ аянаараа дамжуулан аялал зугаалгаар явахдаа Гялсбанк үйлчилгээгээр байрны төлбөрөө гурван минутад төлдөг шиг гуравхан минут зарцуулаад байгальд хаясан хогоо цэвэрлээд яваарай гэж нийт иргэддээ уриалж байгаа юм.