Засгийн газрын хэрэг эрхлэх газрын дарга асан С.Баярцогт, Татварын ерөнхий газрын даргаар ажиллаж байсан Б.Ариунсан, "Эрдэнэс Монгол" ХХК-ийн Гүйцэтгэх захирал асан Б.Бямбасайхан нарыг АТГ-аас Оюутолгойн төсөлтэй холбогдуулж “Батлагдсан гэрээ эрх зүйн баримт бичгүүдийг батлахдаа эрх мэдэл албан тушаалаа урвуулан ашиглаж илт хууль бус шийдвэр гаргаж бусдад давуу байдал олгосон байж болзошгүй” гэх хэрэгт буруутган шалгаж байгаа.
Үүүнтэй холбогдуулж ШШГЕГ-ын харьяа цагдан хорих 461-р ангид саатуулаад байгаа. Тэгвэл тэдний хорих түр хорих хугацаа дуусч байгаатай холбогдуулан прокурорын газраас шүүхэд үргэлжлүүлэн хорих хүсэлт гаргасан байна. Шүүхээс тэдний хорих хугацааг сунгах эсэхийг өнөөдөр 09,30 цагт Чингэлтэй дүүргийн Эрүүгийн хэргийн анхан шатны шүүхээр шийдвэрлэх аж.
Харин Татварын Ерөнхий Газрын даргаар ажиллаж байсан Б.Ариунсанг үргэлжлүүлэн хорих тухай санал одоогоор гаргаагүй байгаа аж.
Эх сурвалж Шуурхай. Мн