Тээврийн прокурорын газрын хяналтын прокурор асан Х.Тамир, Тагнуулын ерөнхий газарт ажиллаж байсан Б.Амарбаясгалан нар хар тамхины хэргээр шалгагдаж байгаа билээ. Тэгвэл тэд шалгагдаж байх хугацаандаа дахин хар тамхины хэрэгт холбогджээ. Өөрөөр хэлбэл, Х.Тамир, Б.Амарбаясгалан нарыг хар тамхи хэрэглэж байхад нь Эрүүгийн цагдаагийн газрын Хар тамхитай тэмцэх хэлтсийн алба хаагчид саатуулжээ. Эх сурвалжийн мэдээлснээр тэд өмгөөлөгчийнхөө хамт хар тамхи хэрэглэж байгаад ийнхүү баригдсан байна. Одоогоос гурван жилийн өмнө Х.Тамир, Б.Амарбаясгалан нарын таван иргэн хар тамхи, мансууруулах бодис тээвэрлэсэн, худалдан борлуулахыг завдсан, албан тушаалын байдлаа урвуулан ашигласан гэх хэрэгт холбогдсон юм. Тэдэнд холбогдох хэргийн шүүх хурал өнгөрсөн оны нэгдүгээр сард болсон байдаг.  Шүүх бүрэлдэхүүн Х.Тамирт 5.1 жил, Б.Амарбаясгаланд 5.2 жилийн хорих ял оноосон ч тэд давж заалдсанаар холбогдох хэрэг нь прокурорын байгууллагад буцаагдсан билээ. Улмаар Х.Тамир, Б.Амарбаясгалан нар өнгөрсөн хугацаанд батлан даалтад гарч, гадуур шалгагдаж байсан юм