Хөдөлмөр хөнгөвчилсөн, урьд өмнө хэзээ ч толгойд орж ирж байгаагүй мэргэн санаа олон байдаг ч цагаа тулахаар олддоггүй нь харамсалтай. Амьдралд хэрэг болохуйц эдгээр зөвлөгөөг та нэг хэрэгжүүлээд үзээрэй.
Хүний эрүүл мэндэд хамгийн тустай хүнсний бүтээгдэхүүнүүдийн нэг гэдэг хушгыг яснаас салгахад тун бэрх байдаг. Харин давстай усанд сойгоод нэг хонуулчихад яс амархан салчихдаг байна.
Дарсыг тусгай онгойлгогчгүй бол бөглөөг нь авахад хэцүү байдаг. Дарсны бөглөөг авахын тулд харин гутлаа тайлах хэрэг гарна. Тэгээд өсгий хэсэгт нь лонхтой дарсны ёроол хэсгийг тааруулж, сайн дараад хананд цохих хэрэгтэй. 7-10 удаа цохиход л бөглөө нь аажим сугараад ирнэ. Хамгийн гол нь хананд цохихдоо лонхны ёроолыг гутлын өсгийнөөс салгахгүй байх хэрэгтэй.
Нимбэгний шүүс нь эрүүл мэндэд маш олон талаар тустай. Харин шүүс шахагчгүй үед нимбэгнээс шүүс авна гэдэг тун төвөгтэй.Ийм үед та нимбэгийг ширээн дээр тавьж алгаараа сайн дарж өнхрүүлсээр байгаад дараа нь зүсэж шахвал шүүс нь илүү сайн гарах болно.
Шилэн сав суулгыг амар хагарахгүй сайн бэхжүүлэх арга байдаг байна. Ингэж бэхжүүлэхийн тулд савтай хүйтэн усанд шилэн эдлэлийг хийж аажмаар буцалгах хэрэгтэй. Харин буцалсан хойно нь савтай нь орхиж хөргөвөл сайн бэхэжсэн байдаг аж.
Хушгыг яснаас нь салгах амархан аргыг та мэдэх үү?
Энэ мэдээ хуучирсан буюу 2018/06/07-нд нийтлэгдсэн мэдээ болно.