Улстөр / 2017/12/11 / 24

Ц.Оюунбаатар: МАНАН-гийн бүлэг биднээс үхтэлээ айж байна



 
12-11-1
 

Т.БАТСАЙХАН

МАХН-ын дэд  дарга Ц.Оюунбаатартай цаг үеийн асуудлаар ярилцлаа.

 

МАХН-ыг хоёр хуваагдсан,  нэг хэсэг нь Төрийн ордонд хуралдаж намын даргаа  сонгосон гэх зэрэг мэдээлэл олон нийтэд хүрч байна.  Энэ талаар тайлбар өгөхгүй юу?

-Монголын улс төрийн  гурван том хүчний нэг болох манай намыг хагалган бутаргах үйл ажиллагаа  үргэлжилж байна. Өнгөрсөн  Ерөнхийлөгчийн сонгуулиар бид хагас сая  орчим хүний санал  авсан. Гэсэн ч эрх баригчид биднийг  луйвардсан.  Үүндээ  СЕХ, Цагдаагийн байгууллага, ТЕГ зэрэг  байгууллагыг татан оролцуулсан. Тэр ч бүү хэл манай нэр дэвшигчийн гэрт төрийн тусгай албаны хүмүүс гадаадын иргэнийг авч  орж, гэмт хэрэг зохион байгууллаа.   Энэ бүхнээс харахад МАНАН-гийн бүлэг биднээс үхтэлээ  айж байна.  Тэднийг бидний эсрэг хуйвалдаан луйвар  зохион байгуулахын хэрээр манай нам улам бэхжин, хүчирхэгжиж байна.  Монголын ард түмний итгэл найдвар болсон, тэднийг сайн сайхан амьдралд хүргэх, байгалийн баялагийг шударга хуваарилах  ийм ганцхан улс төрийн хүчин  байгаа нь МАХН юм.  Энэ бүхнийг мэдсэн, мэдэрсэн эрх баригчид  айж байна.  Тэд манай намыг хагалан бутаргахын тулд их мөнгө хаяж байна,  гар хөл бологсдод том  албан тушаал амлаж байна, хууль шүүхийн байгууллагыг худалдан авч байна. Гэхдээ тэд бидний  үнэт зүйлд  хэзээ ч халдаж чадахгүй.

Төрийн ордонд болсон хурлаар намын даргаар О.Баасанхүү сонгогдсон мэтээр ярьж байна. Үүнийг хэрхэн хүлээн авч байгаа вэ?

– 200 гаруй хүн цуглуулж олон нийтэд намын Их хурал хийсэн мэтээр ойлгуулахыг оролдож байна.  Энэ бол МАХН-тай  холбоотой хурал яагаад ч байж чадахгүй.  О.Баасанхүү нарын цөөн хэдэн хүний энд тэндээс  цуглуулсан, намын гишүүн бус хүмүүсийн уулзалт болсон.  Зарим хүнд хуурамч батлах бичиж өгсөн байна лээ.  Мөн Төрийн тусгай албаны хүмүүсийг ашиглаж өөрсдийгөө хамгаалууллаа.  Тэнд манай намын 20 орчим хүн байсан. Бусад нь намын гишүүнчлэлгүй хүмүүс байлаа.

Хуралд оролцсон хүмүүст мөнгө тараасан гэж байгаа. Энэ нь баримттай юу?

– Хүн бүрт 100 мянган төгрөг тараасан байна лээ.  Энэ нь бохир, гэмт хэргийн чанартай үйл ажиллагаа юм.  Мөнгө тараасан баримт нотолгоо нь бүгд бий. Манай нам үзэл бодол үйл хэргээрээ  нэгдсэн хүмүүс.  Харин албан тушаал эрх мэдэлд дуртай ийм хүмүүсийг МАНАН бий болгож байна.  Монголын түүхэнд Манжийн колончлолын үед Монголын шунахай, хэргэм албан тушаалд дуртай ноёдыг мөнгөөр худалдан авч байсан. Үүний үргэлжлэлийг О.Баасанхүү нар харуулж байна. Энэ хүмүүс өнөөдөр эрх мэдэл албан тушаал мөнгөний  төлөө намаа худалдаж байгаа бол маргааш Монголынхоо тусгаар тогтнолыг хэн нэгэнд зарахад бэлэн болсон байна. Цөөн үгээр хэлэхэд тэр өөрийгөө хэн бэ, юу вэ гэдгийг харууллаа.  МАХН энэ үйл явдлаас айгаад, гайхаад байх зүйл алга. 2016 оны  сонгуулиар бас л хэд хэдэн хүнийг  МАН ажил албан тушаал амлан худалдаж авсан.  Түүний дараагаас хэдэн зуун мянган хүн манай намыг дэмжиж орж ирсэн. Өнөөдөр ч гэсэн энэ үйл явдал бидний тэмцлийг улам  хурцалж, сэрээж өглөө. “Эх орныхоо төлөө үхэхгүй амь, урсахгүй цус гэж байдаггүй” гэж  нэрт жанжин Д.Сүхбаатар хэлсэн байдаг.  Шаардлагатай бол бид амиа  золиод ч гэсэн ард түмэндээ баялагийг нь авч  өгч, луйварчдын гадаадад хадгалж  монголыг  өртэй болгож байгаа тэр баялагийг буцааж авчрахыг төлөө   тууштай тэмцэнэ. Монгол хүн бүр баян, сайхан амьдрах учиртай. Үүнийг бид Шинэ дээд  Үндсэн хуульдаа зарлан тунхагласан байгаа.

МАХН-ын түмт, мянгат, зуут, аравтын анхдугаар зөвлөгөөн болж байна.  Хэлэлцэж буй гол асуудал нь юу вэ?

-Бид Шинэ дээд Үндсэн хуулиа Монгол орноо нар зөв тойрч хэлэлцүүллээ.  Сая гаруй хүнтэй уулзаж, 100 мянган хүний гарын үсгийг  авлаа.  Ард иргэд маань дэмжиж байна.  Тиймээс бид түмт, мянгат, зуут, аравтын анхдугаар зөвлөгөөнөө зохион байгуулах нь зүйтэй гэж үзлээ. Манай нам ард түмнийг сэрээж, хувьсгалт өөрчлөлтөд уриалан дуудаж байна.  Шаардлагатай бол   бид ард түмний эрх ашиг, өөрсдийн үнэт зүйлийн төлөө хатуу  тэмцэл хийх болно. Монголд хуулийн байгууллага гэж байх аа больж байна. Бүгд эрх мэдэлтнүүдэд үйлчилж байна.  Шударга  ёс ярьж гарч ирсэн хүмүүсийг хэлмэгдүүлдэг, айлган сүрдүүлдэг ийм  дарангуйллын нийгэм бий боллоо. О.Баасанхүү хууль бус ажиллагааг нь эсэргүүцэж  очсон  МАХН-ын жирийн гишүүдэд “Н.Энхбаяр даргыг чинь шоронд хийлгэнэ” гэж занасан байна лээ. Ийм байдлаар өнөөдөр Монголын улс төрийн ажил явагдаж байна.  Бохир улс төр Монголыг ангал руу явуулж байна. Дэндүү  бохир технологи ашиглах боллоо. Улсын Дээд шүүх,  Ерөнхийлөгч , Ерөнхий сайд бидний ард байгаа гээд одоогийн МАХН руу дайрч байна.  Тиймээс Хөвсгөлийн тайгаас Өмнийн говь хүртэл, Дорнын их талаас  Алтайн цэнхэр  хязгаар хүртэлх энэ уужим сайхан монгол оронд амьдарч  буй ард түмний  сэрээж, 1921 оных шиг хувьсгал хийхээс өөр гарц үлдэхгүй нь.   Эх орон  газар шороо баялагтаа эзэн байхын төлөө эрх, эрх чөлөөгөө эдэлж улс орондоо жаргалтай байхын  төлөө ард түмнээ шийдвэртэй тэмцэхийг уриалж байна.  Энэ тэмцэлд манай нам манлайлан босно. Хэрэв миний  амь, бидний цус хэрэгтэй бол түүнийгээ зориулахад ч бэлэн байна.

О.Баасанхүү нарын асуудлаар хуулийн байгууллагад хандсан уу?

-Мэдээж хууль шүүхийн байгууллагад хандана.  Гэхдээ О.Баасанхүү хуулийн байгууллагын ивээл дор энэхүү үйл ажиллагааг явуулж байна.  Бид энэ хүнээ авч, үйл ажиллагааг нь хуулийн дагуу явуулахыг шаардах болно. О.Баасанхүү олон жил Н.Энхбаяр  гэдэг хүнийг тагнаж чагнаж цаашаа алтан хошуу хүргэж, амь зогоосон хүн.  Тэр Эрдэнэтийн 49 хувийг  Монголын ард түмэнд өгөх намынхаа санаачлагыг уландаа гишгэсэн. Мөн Ерөнхийлөгчийн сон­гуулийн үеэр нэр дэвшигчээ дэмжсэн бол бид тасархай ялалт байгуулж, МАНАН-гийнханд сонгуулийнхаа үр дүнг луйвардуулахгүй байсан.  900  хүний санал  дутсан шүү дээ. Эрх мэдэл, шүүх прокурор, цагдаа бүгд МАНАН-гийн талд байгааг далимдуулж сонгуулийн бузар луйвраа тэд хийсэн. Энэ цаг үе өнөөдөр  дуусгавар болно. Монголчууд үүнийг таньж мэдэрч байна. Дахиад хэчнээн ийм зүйл хийж, зохиомол хэрэг  үүсгэж бидэнд наагаад  ч  ард түмэн  хүлээж авахгүй. Ийм зүйлийг тэсч, тэвчиж хүлээж чадахгүй болтлоо ард иргэдэд бухимдал бий болсон. Тэдэнд зөвхөн хүлээлт байна. Бид шударга ёс, эрүүл нийгмийн төлөө ард иргэдтэй хамтарч ажиллана. Эрх баригчид нийгэмд шударга ёсыг тогтоож, улс төрийн бохир хогоо цэвэрлэхгүй бол ард түмэн тэсрэх нь дамжиггүй. МАНАН-гийн удирдлагуудад хандаж хэлэхэд элдэв байдлаар МАХН-ыг хагалан бутаргах, хөрөнгө санхүүг нь гаргаж тэднийг өдөөн хатгасан үйл ажиллагаа явуулахаа таслан зогсоохыг намын  дэд даргын хувьд би шаардаж байна. Намын дүрэм,  журамд байхгүй зүйлс хийх талаар  дур зоргоороо ярьж байгаа асуудал байна. Энэ хэзээ ч бүтэхгүй. Хэн нэг  хүний  захиалгаар явж байгаа, урван тэрслэх үйл ажиллагаа явагдаж байгааг бид хүлээн авч чадахгүй гэдгээ мэдэгдье.

-2020 он хүртэл ард түмэн, сонгогч олон улс төрийн намуудыг харж,  ажиглаж,  сонгуулиар дүнгээ тавих нь ойлгомжтой.  Тэгэхээр  МАХН  цаашид ч гэсэн  ямар бодлого, чиглэл барьж ажиллах вэ ?

-МАХН жирийн иргэд,  шударга хүмүүстэй өргөн хүрээнд хамтран ажиллахыг зорьж байна. Монгол Улс энэ  байдлаар  цаашид явах юм бол нөхцөл байдал улам дордож, гадаад орнуудын золиос болж  улс орны  тусгаар тогтнол,  бие даасан байдал алдагдана. Монголчууд маань ядуу зүдүү,  гадагшаа дүрвэсэн, бухимдсан,  эрүүл мэнд амь нас нь хүртэл аюулд орох эрсдэлтэй. Тиймээс бид  Үндсэн хуулиа өөрчилж, улс орноо эрүүл төрийн тогтолцоо  руу оруулах шаардлага  байна. Ийм зорилго монгол хүн бүрт бий. Шинээр сонгогдсон Ерөнхийлөгч, Ерөнхий сайдад ард түмний зүгээс ийм хүлээлт байгаа. Тиймээс бид  нийгмийн шударга хэсэгтэй хамтран ажиллана. Мөн МАХН-ын гишүүд, дэмжигчдийн  эв нэгдэл юу юунаас чухал. МАХН “Эвтэй байхдаа хүчтэй” гэсэн өөрийн  уриатай. Энэ уриа өнөөдөр урьдынхаасаа ч хүчтэй, чанга  сонсогдох ёстой. Юу гэвэл, намыг доороос нь, дотроос нь бусниулах, энэ намыг үгүй хийх гэсэн бусад нам, улстөрийн хүчний үйл ажиллагаа илтэд явж байгаа учраас бид эвтэй байж хууль бус үйлдлийг таслан зогсоох болно.

Эх сурвалж: “Зууны мэдээ” сонин



  • сүр · [202.9.43.163] · 2018/01/02

    үхтэл нь айлгаж байгаа бол мөдхөн чи ерөнхий сайд болохнээ.баяр хүргэхүү,яахав.


  • цээгий · [150.129.143.91] · 2017/12/29

    хэн шударга байна тэрийг л ард түмэн дэмжинэ хэн хууль бус бузар ажилгаа явуулна тэрний эсрэг ард түмэн тэмцэх болно МАХН-ыг тэр тусам экс ерөнхийлөгч Н ЭНХБАЯР-ыг дэмжинэ ард түмэнтэй хүн амжилт оюунбаатар даргад шударга хүн шүү


  • Зочин · [122.201.22.60] · 2017/12/14

    АМЖИЛТ АМЖИЛТ АМЖИЛТ


  • Зочин · [122.201.22.60] · 2017/12/14

    дэмжиж байгаа манай гэр бүл бүгэд махн -ын гишүүд бий


  • махн-ыг илүү их ард иргэд дэмжиж байгаа түүнийгээч саяны сонгууль харуулсан махн -ын дарга экс н энхбаярд амжилт ялалтийг хүсэж байна оюунбаатар даргад амжилт хүсье шударга үнэн ялдаг жамтай ард түмэн хамт


  • Зочин · [122.201.22.60] · 2017/12/14

    ДЭМЖИНЭЭ УГААСАА ХҮЧТЭЙ НАМ ШҮҮ САЯНЫ СОНГУУЛИААР ЛУЙВАРХИЙГЭЭГҮЙ БАЙСАН БОЛ ШУУД ЯЛХАН ТОДОРХОЙ БАЙСАН ЮМ ДАГ ЭНХБОЛД МАНАНГИЙН ХУЛГААЧААС Л БОЛСОН ИЧИХГҮЙ ТИЙМ ЛАГ БАЙСАН ЮМ БОЛ ЕРӨНХИЙЛӨГЧ БОЛЧХОН ЯААСАН ЮМ ЯГ ЕРӨНХИЙЛӨГЧ БОЛЖ ХАРАГДААЧ ЛУЙВАР ХЭРЭГЛЭЭД ХЭРЭГЛЭЭД БОЛОХГҮЙ ШҮҮ ЛАЛАР ЭНХБОЛД МИНЬ МАНАН БАЙГАА ЦАГТ МОНГОЛЫН АРД ТҮМЭН ЯДУУ БАЙХ БОЛНО МАНАН УСТАЖ НАР ГАРВАЛ ИХ ЮМ МАЛУУД МЭДЭЖ АВ ХЭДЭН ХАЛТАР ТӨГ/БИЕЭ ҮНЭЛДЭГ ҮХЭР МОНГОЛЧУУД ОДОО СЭРЭХ ХЭРЭГТЭЙ БАТТУЛГА ЛУЙВАРДАЖ ГАРСАН ШТЭЭ ЭРИЙН САЙНААР ГАРЧ ЧАДАХГҮЙ МАНАН С ГАНБААТАР ЯЛСАН ДОР ГЭЖ Л ХОР ХИЙСЭН ТОДОРХОЙ ЭНЭ ТӨР ЗГ ДАН ЯЛТАНГУУД БАЙГАА ШҮҮ ЭРХ МЭДЛИЙН ТӨЛӨӨ НЭГДЭЖ ЗҮГЭЭР БАЙСАН НАМЫГ АЛБААР ХОРЛОЖ БАЙГААН ШУДАРГА БИШ МӨНГНИЙ ХУУЛЬ БУС ДЭЭРЭМ ШҮҮ


  • Зочин · [122.201.22.60] · 2017/12/14

    ЗУУН ХУВЬ МАХН-ЫГ ДЭМЖИЖ БАЙНА МАН АН ШАЛ ХУДЛАА ЛУЙВАРЧИН ИЙМЭЛ ХОР НАЙРУУЛЖ НАМЫГ ЗАДЛАХ САНААТАЙ ХУЦВАА САЛААВЧ МАНАН БӨӨСӨНХҮҮД БАГДАН ШҮҮ ХЭЛЧХИЙ МАТАРУУДАД


  • ЗОЧИН · [27.123.212.135] · 2017/12/11

    Манан нэрээр хичнээн ч халхавч хийх юм бэ МАХН одоо тарж бутарч байгааг бид харж байна


  • bi · [202.72.245.165] · 2017/12/11

    ta naraas aidag hen bga yum be? uls oron ard tumnee yaduurald oruulsanaa haana nuuh geev muu maluud ter chigeere sunu ashgui tegeed mongol uls hugjine,enhbayr gj mal jimhene avilgaaliin mangas shu de,odoo buur erguutej orhij bolj dald orvol taarna


  • Зочин · [103.9.89.210] · 2017/12/11

    NextStop 25жилийнОй-д дараах 4 төрөлд ХЭНИЙГ нэр дэвшүүлэх вэ? Шилжилт25Final ТопУлсТөрчЗалуу ? ТопБизнесмэн ? БүтээнБайгуулалт Нэмье 2017Start БүтээгчУлсТөрчЗалуу ? БүтээгчБизнесмэнЗалуу ?


  • zo · [66.181.191.136] · 2017/12/11

    vhetlee ain gej yu be. Helzvin talaasaaa Mongol baylag heliig zub ashiglahiig zubluj bna.


  • зочин · [103.57.95.156] · 2017/12/11

    Өршөөлийн хууль хэлэлцэх тэр үед энүүний хэн болох нь ил тод харагдсан,одоо чи тогос шиг гоёж,хөхөө шиг донгодохын хэрэг юу байна,мөрөөрөө нүднээс далд байвал олонд хүргэх тус чинь энэ болно.


  • зочин · [202.21.118.58] · 2017/12/11

    Оюунбаатар чи өөрөө амиа золж чадах уу? Инээдтэй юм битгий яриад бай. Тэрний оронд бүх гишүүдээ цуглуулаад үнэн худлыг нь ялга.


  • иргэн · [103.57.95.156] · 2017/12/11

    Би хэрэвээ энэ хүн байсан бол индэр дээр гарч,эсвэл сурвалжлагчтай уулзаж ийм юм ярихгүй,МАХН гэж нэг хүний мэдлийн ХХК-ийг манай нам гэж ярихдаа ичихгүй,нам гэдэг чинь ийм арчаагаа алдсан юм байдгүй юм шүүдээ, нүдний булай,амьтаны шившиг


  • 1234566 · [49.0.137.6] · 2017/12/11

    ХҮРЭЛСҮХ гэж нөхөр баахан мөнгө хүмүүс худалдаж авчраад, ТӨРИЙН ОРДНЫГ БААСАНХҮҮ-д өгөөд ТӨРИЙН ХАМГААЛАЛТАНД ЭНЭХҮҮ ХУЙВАЛДААНЫ ЖҮЖИГ тоглуулж байгааг жирийн захын СЭХээтнүүд ойлгоод яриад байна ш тээ.


  • зочин · [202.180.218.38] · 2017/12/11

    МАХН-ыг устгах хэрэгтэй


  • Зочин · [150.129.142.228] · 2017/12/11

    Манан устах хэрэгтэй ЗГ болон Тор ялзарсан гэдэгээ сая баасахvvгээр ооорсдийгоо харуулж чадлаа Манан нvдны булай


  • Зочин · [150.129.142.228] · 2017/12/11

    100/ ХУВЬ Н ЭНХБАЯРЫН ТАЛД АРД ИРГЭД БИД ХАМТДАА


  • Зочин · [150.129.142.228] · 2017/12/11

    ОЮУНБААТАР ДАРГА ГОЕ ХЭЛЖ Б/НА АМЖИЛТ


  • Зочин · [150.129.142.228] · 2017/12/11

    Экс хvчтэй байсан


  • Зочин · [150.129.142.228] · 2017/12/11

    МАХН ын бидний хурал циркт Сайхан болж ондорлсон МАХН мандан илvv хvчирхэг байсан баяртай байнаа МАХН - даа Амжилт бvхэн МАХН -ЫХАН


  • Зочин · [150.129.142.228] · 2017/12/11

    Мананд ард тумэн дахин хууртахгуй тэр тусам баасанхууд шуу монгоор авна гэвэл салаавч огно май лалар баасшээсээ зайл МАХН -ын нэрийг барих хэрэггуй шуу ! МАХН ыг бариж ходооноос хумуус авчирсан тэр хумуус учирийг мэдэж экс Н Энхбаяр даргад хэлсэн шуу ич Баасанхуу


  • Зочин · [150.129.142.228] · 2017/12/11

    МАХН БАЯР XVРГЭЕ ! ДЭМЖИХ БОЛНОО ЭКС ЕРОНХИЙЛОГЧ Н ЭНХБАЯРЫГ 100/ ХУВЬ ДЭМЖИНЭ МАХН -Д УЛАМ ИХ АМЖИЛТ ХVСЬЕ!!!!!!!!!


  • Зочин · [103.229.176.130] · 2017/12/11

    горьдчихсон өвгөн бэ ? танай энхбаярт чинь манангаасаа дээрдэх юм юу байгаан ? яг адилхан л цайчихсан луйварчин байж