ЖДҮ-чдийг хамгаалж үлдсэний төлөөсөнд Н.Энхболдыг УИХ-ын дарга болгохоор тохирчээ


УИХ-ын гишүүний Халдашгүй байдлын дэд хороо өчигдөр хачирхалтай шийдвэр гаргаж, ЖДҮ-дсэн дөрвөн гишүүнийг хамгаалж үлдсэн нь олон түмний бухимдлыг төрүүлээд байгаа. Дэд хорооны дарга Ц.Нямдорж 2018 оны 12 дугаар сард “ЖДҮ-чдийн хэрэг орж ирвэл хуулийн дагуу шийднэ. Өршөөхгүй” хэмээн гал цогтойгоор мэдэгдэж байснаа уландаа гишгэж, Прокурорын саналыг юман чинээ тоосонгүй. Шөнө дүлээр хуралдсан УИХ-ын чуулган дээр Ц.Нямдорж сайд “Дуудсан цагт нь мэдүүлгээ өгөөд явж байгаа учир түдгэлзүүлэх шаардлагагүй гэж үзсэн” хэмээн шийдвэрээ тайлбарлах гэж оролдоно лээ.

Энэ Засгийн газар, УИХ-ын олонх болоод байгаа 40 гишүүн ЖДҮХС-аас албан тушаалаа ашиглан, бүлэглэн зээл авсан гэмт хэрэгт хариуцлага тооцох дургүй байгаагаа ийн олонтаа харууллаа.

Үүрийн 04:30 цагт өндөрлөсөн чуулган дээр УИХ-ын гишүүн Ё.Баатарбилэгийн үг анхаарал татсан. Харамсалтай нь Хууль зүй, дотоод хэргийн сайд нөгөө л баалдаг, тавладгаараа тавлаад үгийнх нь үнэ цэнийг унагах гэж оролдоно лээ.

 

Ё.Баатарбилэг хэлэхдээ:

 

-Ц.Нямдорж дарга надад битгий бухимдлаа гарга. Би таныг мэдэх юм. Н.Энхбаярын даргын үед Ц.Нямдорж, Ч.Улаан, Ө.Энхтүвшин, Н.Энхболд нар тойрон хүрээлж байгаад оймс нь гозойход дүрвэж зугтсан. Тэгээд М.Энхболд гэж дарга дээр хүрч ирээд бүгдээрээ тойрон бүжиглээд л байсан, одоо татан буулгах гээд дараагийн даргыг тойроод явж байгаа. 20 онд сэлэмний ир нь мохсон байна, ирлэхгүй бол болохгүй нь гээд өөр юм яриад явж байх вий дээ. Ах нар аа, та нарын шир болчихсон нүүрнээс чинь залуучууд ичиж байна... гэж хэлсэн билээ.

МАН-ын бүлгийн хурал дээр нүүр нь шир болчихсон гээд байгаа Ц.Нямдорж, Ч.Улаан, Ө.Энхтүвшин, Н.Энхболд, Д.Лүндээжанцан нарын дунд хэн нь дараагийн УИХ-ын дарга болох вэ гэсэн дажин өрнөж, шинэ залуу гишүүдээ “азаргалсан” гэсэн мэдээлэл байна.

Ц.Нямдорж Хууль зүй, дотоод хэргийн сайдаараа үлдэх учир энэ сунгаанд орохгүй гэдгээ мэдэгджээ.

Ч.Улаан гишүүний хувьд Хүнс, хөдөө аж ахуй, хөнгөн үйлдвэрийн сайдаар томилогдох учир нэрээ татлаа гэдгээ хэлжээ.

Ийнхүү УИХ-ын даргын төлөө Шадар сайд Ө.Энхтүвшин, Батлан хамгаалахын сайд Н.Энхболд, ТББХ-ны дарга Д.Лүндээжанцан нар үзэлцжээ. Үзэлцэж үзэлцэж, Батлан хамгаалахын сайд Нямаагийн Энхболд дараагийн УИХ-ын дарга болох тохироо хийгдсэн байна. Энэ шийдвэрийг сонсоод Д.Лүндээжанцан, Ө.Энхтүвшин хоёр харууссандаа уйлсан гэж эх сурвалж мэдээллээ.

1992 оноос хойш сууж байгаа туршлагатай хуульчид гэж тэднийг нэрлэдэг, зарим нь шир болсон нүүртнүүд гэдэг. Парламентад олон жил сууж байгаа ахмад гишүүд ЖДҮ-г хамгаалсныхаа шагналд ийнхүү мал бүтэн, сүрэг мэнд болж байгаа ажээ. ЖДҮ-дсэн сайд, гишүүдээ хамгаална гэдгээ Халдашгүй байдлын дэд хороо болон Хууль зүйн байнгын хорооны шийдвэрээр харууллаа. Үдээс хойш 15 цагт хуралдах УИХ-ын чуулган дээр ч харуулах нь гарцаагүй юм.


Энэ мэдээ таалагдаж байвал:


  • зочин · [202.179.30.178] · 2019/01/15

    Н.Энхболд гишүүн ичиж үхмээр юмдаа нэг нутаг олон жил Мигийн хажууд хачиг наалдаж явж явж дараа нь араас нь хутга шааж өгөөд л ажлы нь авчих юмдаа ёстой ширэн нүүртүүд мөндөө урвагчид ажиллаж чадах уу


  • Zoogii · [122.201.24.198] · 2019/01/15

    Za ene l bish shuu yoooooo arai ch dee


  • зочин · [203.91.118.247] · 2019/01/14

    Миеэ зайлбал ЖДҮ зэрэг жижиг зээл ч яамай байна аа, ЖДҮ-ээс хэдэн зуу дахин том мөнгөө луйварчдад идүүлж байж,,,хэн ЖДҮ яриад байгааг бүгд мэдэж байна даа, Тиймээс л ард түмэн эхлээд М.энхболдыг гээд байГААМ ДАА


  • иргэн · [122.201.24.228] · 2019/01/14

    ЖДҮ -ийн зээлийг зувчуулсан хүмүүсийг төрөөс холдуулаарай. Эс тэгвээс ард олон бид яах болж байна аа түшээд ээ.


  • зочин · [103.229.121.223] · 2019/01/13

    ждү бол юуч биш эд нарыг сайшаах хэрэгтэй харин монгол банкнаас хулгайлсан хэдэн их наядыг бол золжаргал пүрэвтүвшин эрдэн билэг элбэгдорж эрдэнэбат сайханбилэг гэх мэт хулгайч нарын эдсэн мөнгииг эхлээд шүүчих шудрага биш байна нөхдүүд


  • АРД ИРГЭДЭЭС · [202.9.43.211] · 2019/01/13

    идсэнч тааруулж идвэл шингэлт сайтай тул энэ хэдэн хөгшин УИХын дарга болох нүүртэй хүмүүс байнаа,,,үнэний талд зогсохоор бурхан багш шагнажбгаа юм түүнээс хулгайч луйварчин этгээдүүд энхболдынхоо араас бүгд шороонд шоронд явнаа?


  • Иргэн · [202.179.31.88] · 2019/01/13

    Одоогиин нөхцөл байдлыг бодохоор тэднииг түдгэлзүүлэхгүй үлдэхээс өөр аргагүй байдалд ороод байнаЭнхболдыг хамгаалагсад энэ4ыг түдгэлзүүлсэнээр энхболдыг огцруулах хурал дээр эсрэг кноп дарах хэдэн хүн хасагдана ингэснээр энхболд ын талын МАН ын хэд дээр АН намын хэд баасанхүү гээд дэмжигчидынхээ тусламжаар энхболдын талынхан олонхи болох магадлалтай Мөн Ждү иин хэргээр далимдуулж жагсаал хииж байгаа талынханы нэр хүндииг ард түмнии өмнө унагаах башир арга хэрэглэж байна .Уг нь энхболдыг огцруулсаны дараа ЖДҮын асуудлыг ярьвал зөв болмоор Хэрэг хуучирахгүй Тэртэй тэргүй энэ байтугай асар том хэргүүд шиидэгдэхгүй өчнөөн жил болж л байна Шүүх прокурорынхан ч гэсэн өчнөөн том хэргүүдииг шиидэхгүй өчнөөн жил болж байгаа боловч саяхан илэрсэн Ждү иин хэргииг шүүрч аван тун ч шуурхай ажиллаж байгаа ньсайндаа ч биш энхболдын даалгавраар ажиллаж байгаа нь ил байна


  • Зочин · [64.119.27.197] · 2019/01/12