УИХ-ын нэгдсэн хуралдаан эхэллээ. Өнөөдрийн хуралдаанаар хэлэлцэх асуудлуудтай холбоотойгоор гишүүд саналаа хэлж байна.
Хэлэлцэж буй асуудлын үеэр УИХ-ын гишүүн М.Оюунчимэг “Өвлийн морин уралдааныг хорьчихсон байхад хүүхэд мориноос унаж нас барсан хэрэг гарлаа. Энэ асуудалд анхаарч, Хүний эрхийн үндэсний комиссоос мэдээлэл сонсмоор байна” гэсэн санал гаргав.
Шадар сайд Ө.Энхтүвшин: ЗГХЭГ-ын дарга, ХНХ-ын сайд нар хүүхдийн амь нас эрсдэх аюул байгаатай холбоотойгоор албан бичиг, анхааруулга явуулж байгаа. Уг нь Засгийн газрын шийдвэр гарсан. Засгийн газраас тавдугаар сарын 1-н хүртэл 12 хүртэлх насны хүүхдийг морины уралдаанд оруулахгүй байх шийдвэр гаргасан.
Монголын уяачдын хурал өнөөдөр эхэлж байгаа. Энэ асуудлыг ярьж байгаа гэсэн. Уламжлалт зан заншлыг алдагдуулах гэлээ, гадны даалгавараар ажиллаж байсан гэж эсэргүүцдэг хүмүүс бас бий. Аймгийн Засаг дарга нарт бид үүрэг өгнө" гэв.
