Дэлхийн гурван удаагийн аварга Ц.Раднаа эх орондоо ирлээ


Польш улсын Торун хотод гуравдугаар сарын 24-30 -нд зохион байгуулагдсан Мастеруудын Хөнгөн Атлетикийн Дэлхийн аварга шалгаруулах тэмцээнд Монгол улсын баг тамирчид Бахдам амжилт гаргасан билээ.

Уг ДАШТ-д манай улсаас 13 тамирчин оролцсон бөгөөд 4 алт, 4 мөнгөн медаль хүртсэн юм.

Өмнөговь аймгийн Баяндалай сумын уугуул Ц.Раднаа 85 насны ангилалд 400 м, саадтай 60 м, гурвын харайлтын төрөлд 3 алтан медаль авч дэлхийн 3 удаагийн аварга болж Бахдам амжилт гаргарсан байна. Мөн ОУХМ Т.Цэрэндолгор 80 насны ангилалд шидэлтийн 5 төрлөөр нэг алт, 4 мөнгөн медаль хүртэн, дэлхийн тавцанд 9 дахь удаагаа төрийн дууллаа эгшиглүүллээ. Насаараа төрөлх аймагтаа Биеийн тамирын багшаар ажилласан тэрбээр өнөөдөр эх орондоо ирсэн ба нутаг усныхан нь болон хүүхдүүд нь түүнийг угтан авлаа. 
Ц.Раднаа гуай "Монголынхоо нийт ард түмэндээ, төр засгатаа маш их баярлалаа. Намайг ингэж сайхан угтаж авсан сэтгэл минь хөөрч маш их баярлаж байна. Хөнгөн атлетикийн багшаар 30 гаруй жил хичээллэлээ. Бэлтгэл сургуулилт сайн байж энэ амжилтыг үзүүүлсэндээ баярлаж байна. 88 орны 5000 гаруй тамирчид хурд хүч авьяасаа сориж эх орныхоо нэрийг гаргасандаа маш их баярлаж байна. Манай говь нутгийнхан, Өмнөговьчууд улсдаа хөнгөн атлетикийн спортоор дээгүүр бичигддэг улсууд. Тэдэндээ бас баяр хүргэе ээ. Баярлалаа. Та бүхэндээ спортоор хичээллээрэй хэмээн хүсье ээ" хэмээсэн юм.


Энэ мэдээ таалагдаж байвал:


  • Зочин · [66.181.191.117] · 2019/04/11

    Гурван удаагийн аварга бишээ. Нэг төрлөөр 3 дахин аварга болсон хүнийг 3 удаагийн аварга гэнэ. Раднаа гуайн хувьд 1тэмцээнээс 3 өөр төрөлд аварга болсон тул 3 төрлөөр дэлхийн аварга болсон гайхамшгийн эзэн.


  • zochin · [202.21.127.132] · 2019/04/02

    Radnaa bagshdaa bayar hurgie.Uneheer gaihamshigtai.Eruul enkh sain saikhanig husie


  • Zochin · [202.72.245.122] · 2019/04/02

    Tanaar baharhaj baina, bayar hurgie.