Багануурын лицензийг хууль зөрчиж олгосон гол буруутан Лу.Болд уснаас хуурай үлдэх үү?


“Алтайн гянт” компани төрийн өмчит "Багануур" компанийн ашиглалтын лицензийг эзэмшихээр 2008 хойш үүсээд байсан маргааныг ѳнгѳрѳгч Даваа гарагт Улсын дээд шүүхээр эцэслэн шийдэж “Багануур” ХК лицэнзээ авч үлдлээ. “Алтайн гянт” компанийн нэхэмжлэлтэй Ашигт малтмал, газрын тосны газарт холбогдох захиргааны хэргийг хянан хэлэлцээд нэхэмжлэлийг бүхэлд нь хэрэгсэхгүй болгож анхан шатны шүүхийн шийдвэрийг хэвээр үлдээсэн юм.

Харин уг асуудлыг шийдэж, стратегийн хувьд чухал ач холбогдолтой уурхайгаа төрийн мэдэлд буцаан авахад Засгийн газрын оролцоо байсангүй. Шаварт унасан шарын эзэн хүчтэй гэгчээр уурхайн ажилчид Улсын дээд шүүхийн гадаа хууль бус лицэнз олгосныг эсэргүүцэн жагссан. “Мужик” хурандаа У.Хүрэлсүхийн хэвлэлийн төлөөлөгч “Багануурын уурхайн орд газрын 13 жилийн өмнөх хууль бус шийдвэр дээр Засгийн газар шүүхэд яллаа” хэмээн “хүний юмаар хүүдэгнэн” ялагчын нэрийг У.Хүрэлсүхэд наахыг oролдоод авав. 

Ерөнхий сайд та жинхэнэ ардын баатарын байр сууриндаа байхыг хүсвэл энэ асуудлыг цаашид анхаарч Лу.Болдод хариуцлага тооцох хэрэгтэй бус уу. Шударга бус үйлдлийг сэлэм эргүүлээд л хариуцлага тооцно хэмээн ярьдаг Ерөнхий сайд хууль бусаар лицэнз эзэмшүүлсэн тухайн үеийн албан тушаалтанд хариуцлага тооцох тухай дурсаачгүй нь харамсалтай.

Төрд хариуцлагын тогтолцоо үгүйлэгдэж байна

Залгамж халаагүй өнөөдрөөрөө шийдвэр гаргадаг жишиг манай улс төрд хэдийнээ тогтсон гэдгийг монголчууд мэднэ. Тухайн үеийн буруу шийдвэр гаргасан даргын үйлдэл ирээдүйд ямар том асуудал үүсгэдгийг Багануурын уурхайн маргаан харууллаа. Анхнаасаа тухайн үеийн Ашигт малтмал, газрын тосны газрын дарга Лу.Болд мэдсээр aтлаа “Алтайн гоулд” компанид ашиглалтын тусгай зөвшөөрөл олгоогүй бол ѳнѳѳдрийн Багануурын ордын маргаан үүсэхгүй байлаа.

Ашигт малтмалын тухайн хуулийн 60.4-т “Улсын төсвийн хөрөнгөөр хайгуул хийж, нөөцийг нь тогтоон улсын нэгдсэн бүртгэлд бүртгэсэн ордод хайгуулын тусгай зөвшөөрөл олгохгүй” хэмээн заасан байдаг. Гэтэл 2006 онд “Алтайн гоулд” гэх компани хайгуул хийх нэрийдлээр Багануурын ордны 53 хувийг авсан бөгөөд дараагаар нь үүнийгээ “Алтайн гянт” компанид заржээ. Тухайн үеийн АМГТГ-ын дарга Лу.Болд хуулийг үл хайхран лицэнз олгосон нь ойлгомжгүй.

2016 онд УИХ-ын гишүүн Д.Дамба-очир өөрийн эзэмшлийн “Алтан гянт” компаниа зарсан байдаг. Тус компанийн одоогийн удирдлагууд АМГТГ-ын дарга асан Лу.Болдын буруу шийдвэрээс болж хохирсон хэмээн хууль, шүүхийн байгууллагаар явхаар болжээ. “Алтайн гянт” компанийн удирдлагууд төрийн өмчийг өөртөө авах гэсэн санаа нь мэдээж буруу. Үүнийхээ горыг амсах нь ч зөв. Гэхдээ ганцаараа буруутан болж үлдэх ёсгүй. Эс бөгөөс одооны эрх баригчдын бөөрөнд наалдсан нэг нь амь гардаг тогтоцоо бий болно.

Түүнчлэн Ерөнхий сайд У.Хүрэлсүх Багануурын асуудал бүрэн шийдэгдлээ гэж баярлах нь зөв үү? Тэнд тоног төхөөрөмж нь хуучирсан, техникийн хангамж тааруу, санхүүгийн хувьд олон тэрбум төгрөгийн алдагдалтай зэрэг шийдэх асуудал хүлээгдсээр. Тэгэхээр “ардын баатар” мэт шоу хийх цагаа хараахан олсонгүй ээ, Эрхэм Ерөнхий сайд аа!

Г.Тэмүүлэн

Эх сурвалж: Өнөөдөр сонин


Энэ мэдээ таалагдаж байвал:


  • ЗОЧИН · [124.158.111.6] · 2019/04/18

    Энэ хүн буруу юм хийж явсанаа ухаарч ойлгож одоо ард түмний төлөө хоёргүй сэтгэлээр зүтгэж явна. Хүн алдаж энддэг л хорвоо харин түүнийгээ ойлгож засна гэдэг маш чухал. Амжилт хүсье.


  • иргэн · [202.9.43.25] · 2019/04/18

    Лу Болд гөлдийсөн дандаа будлиан хор найруулж явдаг дүүрчихсэн жүжгийн хулгайч шүү.ийм новшнуудаас л салах ёстой.


  • Ах · [64.119.16.18] · 2019/04/17

    Болд ийм л мөнгөний төлөө юуч хийхээс буцахгүй хүн гэдэг нь харагдаж бн ашиг малтмалын газрын дарга байхлаа олон лицензи зарж баяжсан байхаа


  • 555 · [192.82.65.89] · 2019/04/17

    БАГАНУУР БОЛ ТӨРӨӨС ТЭРБУМТАН ТӨРҮҮЛДЭГ ГАЗАР....ЭНДЭЭС АН-Н ЭРДЭНЭБАТ АНХДАГЧ ТЭРБУМТАН БОЛСОН ТҮҮХИЙГ БАГАНУУРЧУУД ОДОО БОЛТОЛ ШИВНЭН ЯРЬДАГ...


  • зочин · [66.181.181.19] · 2019/04/16

    Алдагдал өсөхөд Н.Алтанхуяг, Л.Гансүх нарын хийсэн ажил их нөлөөлсөн. Одоо хэлмэгдсэн болоод байгаа


  • irgen · [66.181.171.34] · 2019/04/16

    novsh Bold, mongolin torsos zail


  • Бат · [202.9.42.42] · 2019/04/16

    Одоо монгол улс хөгжих эсэх нь Үндсэн хуулиндаа параламентаа 2 танхимтай болгох өөрчлөлт оруулж төрд ард түмний хяналт хэрэгтэй


  • иргэн · [202.9.42.35] · 2019/04/15

    Монгол улсын төвийн эрчим хүчний системийн эх үүсвэр Багануурын асуудал бол ёстой стратегийн ач холбогдолтой нь хэнд ч ойлгомжтой. Тийм учраас Ерөнхий сайд баярлах нь ч зөв. Харин тоног төхөөрөмж хуучирсан, ил уурхайнн технолги ажиллагаа алдагдсан зэрэг асуудал бол уурхайчдын буруу огт биш. Төр нүүрсний үнийг зохицуулах нэрээр алдагдалтай ажиллуулж алдагдал нь ийнхүү үр дүнгээ харуулж байгаа юм. Үнийг чөлөөлөх ёстой. Гэтэл ард түмэн ядуу, дийлэнхи нь өрөөс өрний хооронд амьдарч байгаа Төр нь гадагшаа өртэй. Төрийн 3 өндөрлөг гадаадад айлчилхаараа мөнгө л гуйдаг ажилтай. Байгалийн баялаг байна. мал сүрэг, ан гөрөө, идэх уух юм бүхэн байна. Гэсэнч ядуу монгол. БНАСАУ-ын төрийн тэргүүн залуугаас л дор байына даа. Тэр нь ч аргагүй юм. Эолдэв сан сэмхэн байгуулчихаад өөрсдөө хөнгөлттэй зээл авч өөрсдийнхөө бизнесийг хийж хааяа сонгуулийн тойрогтоо тарх гурил хандивлан нэг их гавьяа байгуулж байгаа юм шиг цахайлцгаагаад ийм байхад яаж хөгжихвэ.