Батж.Батбаярынханд  хууль үйлчилдэггүй


 УИХ-ын гишүүн асан “Молекул” хочит Батж.Батбаярын алтны төлөөх шуналаас болж сүүлийн жилүүдэд олон хүн амь нас, эрүүл мэндээрээ хохирч байна. Харамсалтай нь тэр огт тоохгүй, хүүтэйгээ хамтран алтаа ухсаар, хүмүүсийг хохироосоор яваа ажээ. Түүнд хэдэн килограмм алт олдож л байвал бусад нь ер хамаагүй болж.  Ийм увайгүй араншинд нь хайнагийн үхэр шиг дөрлүүлсэн хууль хяналтынхан ч бас тэдгээр хохирсон иргэдийг нь юман чинээ боддоггүй юм байна.

Саяхан Батж.Батбаярын хүү Б.Баттөрийн эзэмшлийн хуучин“Спэйшл майнз” буюу хожим нь тиймэрхүү хэл амнаас болоод “Наран Мандал Интерпрайзес” гэж нэрийг нь өөрчилсөн компанийн алт олборлож буй Баянхонгор аймгийн Баян-Овоо сумын нутаг дахь Цагаан цахиртын орд дээр газрын нуралтын улмаас 20-30 настай иргэн Б, Г нар шороонд дарагдан хүндээр гэмтжээ. Нурангид дарагдсан иргэн Б нь одоо хотод хүргэгдэж ирээд гэмтлийн эмнэлэгт эмчлүүлж байгаа бөгөөд биеийн байдал хүнд байна. Тэрээр дал, хавирга хурагсанаас гадна элэг бяцралттай, дотуур цус хуралт ихтэй байгаа аж. Харин хамтдаа нурангид дарагдаж арай хөнгөн гэмтсэн иргэн Г нь аймгийнхаа эмнэлэгт эмчлүүлж байна. Батж. Батбаярын хүүгийн энэ компанийн ажлын байранд урьд нь хүний амь үрэгдсэн гэх мэдээлэл ч бий. Гэвч тэд энэ бүхнийг нуун дарагдуулж, хариуцлагаас бултаж сурсан хүмүүс. Энэ удаа ч мөн иймэрхүү башир аргаараа нурангид дарагдаж гэмтсэн иргэдийг золиослоод өнгөрөх бололтой.

Өнгөрсөн оны намар Цагаан цахиртынх нь уурхайд хорь орчим настай иргэн Ж.Амгалан, Л.Эрболд нар цианитад хордсон байлаа. Мөн энэ үеэр өөр нэг хүн угаартсан байв. Технологийн горим алдагдсанаас болж ажлын байранд нь цианиттай бохир ус асгарахад тэд сандран хүрзээр шавхаж байгаад хордсон гэдэг. Хэрвээ Батж.Батбаярын эрх танхил хүү болон уурхайн инженерүүд нь тоног төхөөрөмжөө цаг тухайд нь шалгаж засварлаж байсан бол ийм хэрэг гарахгүй байх байжээ. Хордсон хоёр хүнийг аймгийн эмнэлэгт нэг хоногийн дараа аваачиж үзүүлсэн нь хордогсдын биед бүр хүндээр туссан байв. Ингэж хугацаа алдуулсан нь бас л уурхайн удирдлагуудын буруутай үйл ажиллагаанаас болсон байлаа. Тэдгээр хохирогчдыг тухайн үед “Та хоёр зүгээр. Гадаа гарч салхинд жаахан сууж байгаад гайгүй болно” гэх зэргээр төөрөгдүүлжээ. Харин аймгийн эмнэлэгийн эмч, дарга нар нь тэднийг цианитад хордсон болохыг тогтоогоод яаралтай Улаанбаатар хот руу хүргэж эмчлүүлжээ.  Гэтэл дараа нь Батж.Батбаярын хүү болон уурхайн бусад удирдлагууд нь хордсон хүмүүсээ увайгүйгээр гүжирдэн “Эд нар цианитад хордоогүй. Угаартсан” гэх мэтээр хуулийнхны өмнө улаан цагаан булзааруулаад өнгөрчээ.  Батж.Батбаярынханд ер нь хууль үйлчилдэггүй юм билээ. Энэ удаа ч мөн иймэрхүү байдал давтагдаж болзошгүй. Тэд башир арга залиар хэдий болтол хуулийн хариуцлагаас мултарч үлдэх юм бэ?

 

 

 

 

О.Баяр  

Шуурхай.мн 

 


Энэ мэдээ таалагдаж байвал:


  • Зочин · [66.181.182.16] · 2019/05/30

    Энэ чинь их хурал дээр газрын доорх ашигт малтмал, мал сүрэг чинь баялаг биш ш дээ гээд байсан дурак мөн байх аа. Иймэрхүү амьтдыг үгүй хийдэг "японы самурай шиг" бүрэн эрх эдэлдэг хууль ёсны бүлэгтэй болмоор юм даа.


  • Зочин · [112.72.12.9] · 2019/05/29

    БАС Л АРДЧИЛСАН НАМЫН НЭГ ХУЛГАЙЧ БАЙХЫН. АРДЧИЛСАН НАМЫН ХӨРӨНГӨЛӨГ ХУЛГАЙЧ НАРЫН ТОЛГОЙ ХАГА ЦОХИХГҮЙ БОЛ МОНГОЛ УЛС СҮЙРЛЭЭ Ш ДЭЭ. ӨНӨӨ БИЙ БОЛООД БАЙГАА ӨВЧИН ЗОВЛОН ЯДУУРАЛ БАЛАЙРАЛ БҮГД АРДЧИЛАЛ ГЭГЧ ТАРХИ УГААЛТААС ЭХТЭЙ. ТИЙМЭЭС АРДЧИЛАЛ ЭНЭЭ ТЭРЭЭ ГЭЖ ГУЦСАН БАТБАЯРТАНГУУД БАТ-ҮҮЛТЭНГҮҮДИЙГ АРЧИН ХАЯЯАА АРД ТҮМЭЭН


  • Зочин · [202.179.26.163] · 2019/05/29

    Энэ батбаяр АН-ын гишүүн гэдгээ нууж яваад л сонгуулиар дарга нарт авилгал өгөөдл гараад ирдэг. Энгийн ардыг дээрэмдээд Элбэгдоржийн бол бөгсийг нь долоогоод л гүйдэг эрдээ. Хүний хувьд бээчихсэн нөхөр. Байгалиа сүүтгүүлж өөрсдөө доромжлуулчихаад л одоо айгүй бол сонгоно доо энэ Баянхонгорчууд. Нэг хөлөөрөө МАН дээр нөгөө хөлөөрөө АН дээр гишгэчихсэн эрдээ. Эрдэнэс-Тавантолгойгоос ЁүБатболдтой нийлээд хуссандаа. Ийм юмнууд амь бөхтэй байх юм. "? гэр бүлийн нэг шүү дээ.


  • АН-ын гишүүдээс · [202.179.26.163] · 2019/05/29

    Одоогийн аймгийн засаг дарга энэ нөхөртэй МАНАНдаад удаж байна. Байгаль орчинд учруулсан хохирлыг нь энэ хоёр төлүүлэх сонирхолгүй шүүхдэж байгаа юм билээ. Одоо удахгүй сонгууль болохоор шившигийг нь дэлгэнээ. Байгаль орчны хохирол төлүүлнэ гэж 3 тэрбум аваад аймгийн дансанд хийгээгүй яасан нь мэдэгдэхгүй байгааг нь шалгахгүй байна.


  • Бат · [202.9.43.138] · 2019/05/29

    Одоо монгол улс хөгжих гарц нь Үндсэн хуулинд параламентаа 2 танхимтай болгох өөрчлөлт оруулаж төрд ард түмний хяналт хэрэгтэй боллоо


  • зочин · [124.158.73.28] · 2019/05/29

    баянхонгорын нэг том дарга энэ гарын бэтэгт тэр том ордыг зарсан гэж сонсож байсан юм байна,


  • зочин · [139.5.217.220] · 2019/05/29

    Хууль үйлчилдгүй хүнийг хувиараа чангахан чимхэчихэж байх нь зүгээр байдаг юм


  • Иргэн · [103.212.116.84] · 2019/05/29

    Юу үнэн, тэр үнэн


  • ҮНЭНИЙГ ХҮЛЭЭН ЗӨВШӨӨРЧ СУР · [103.111.68.3] · 2019/05/29

    МОНГОЛЫН ШҮҮХ НУЛЬ ХАХУУЛЬ БОЛСОН ШҮҮ ДЭЭ. ХЭН НЬ ИХ МӨНГӨ ӨГНӨ ТҮҮНИЙ ТӨЛӨӨ Л ШИЙДВЭР ГАРГАДАГ НЬ ҮНЭН ШҮҮ НУУЦ БИШ. УЛААНБААТАРЫН ХААНА ҮНЭТЭЙ БАЙР БАЙНА ТЭНД Л ШҮҮГЧ НАР АМЬДАРДАГ НЬ ҮНЭН ШҮҮ. ДЭЭ.