Түгжрэлийг бууруулах зорилгоор автозамыг А, В, С бүсчлэлд хуваах талаар иргэдээс санал асуулга авч байна


Улаанбаатар хотын авто машин хэрэглэгчид өдөрт 1 цагийг, жилд 45 хоногийг зам дээр түгжирч өнгрөөдөг болохыг судалгаагаар тогтоосон. Түүнчлэн Замын хөдөлгөөнд өдөрт 5 цагийн турш оролцдог иргэдийн 79.2 хувь нь зорилтот ажлынхаа 3/1 буюу 37 хувийг л амжуулдаг хэмээн хариулсан байдаг. Энэ байдлаараа цаашид удаан явбал иргэд оршин суугчдын ахуй амьдралд төдийгүй улс хэмжээнд маш их мөнгө төгрөг, цаг хугацааг үргүй зарцуулсаар байх тул Улаанбаатар хотын замын хөдөлгөөний хэт их ачааллыг бууруулах ажлын хүрээнд автозамыг А, В, С бүсчлэлд  хуваахаар төлөвлөн, бэлтгэл ажлыг хангаж эхэллээ. Энэ хүрээнд нийслэл дэх зогсоолын тоог нэмэгдүүлж, бүсчлэлээс хамааран төлбөр нь харилцан адилгүй байхаар төлөвлөсөн. Түүнчлэн нийтийн тээврийн үйлчилгээг сайжруулах, Улаанбаатар хотын замын хөдөлгөөний босоо, хэвтээ тэнхлэг дагуу экспресс автобус үйлчилгээнд явуулах гэх мэт зохицуулалт хийх юм.

Бүсчлэлийн тухайд гэвэл Замын хөдөлгөөний дүрмийн зөрчлийн торгуулиа барагдуулаагүй, автомашинаа тээврийн хэрэгслийн хяналтын улсын үзлэгт хуваарийн дагуу  оруулаагүй, эсвэл тэнцээгүй жолооч нар А, В бүсэд нэвтрэхгүй байх зэрэг хэд хэдэн зохицуулалт хийхээр бэлтгэж байна. Уг ажилд иргэдийн оролцоог нэмэгдүүлэх зорилгоор олон нийтийн дунд дараах санал асуулгыг явуулж байна. Иргэн та ЭНД дарж саналаа өгнө үү гэж нийслэлийн Замын хөдөлгөөн төлөвлөлт, зохицуулалт, инженерчлэлийн газраас мэдээлэв.


Энэ мэдээ таалагдаж байвал:


  • Баатархүү · [202.9.42.78] · 2019/06/28

    Дарга нар нь автовусаар явдаг болоод ядуу ардууд нь хөл дүүлэх унаагаараа явж байсан нь дээр байх Дарга нар улс орон , ард түмнийхээ төлөө юу ч хийхгүй зөвхөн биеээ бодож хор найруулж явдаг юм чинь тэд нэр явган явж байг.


  • зочин · [124.158.111.11] · 2019/06/28

    Төр нь төр шиг, Засаг захиргаа нь засаг захиргаа шиг байх хэрэгтэй.Нийгэмд гажуудал үүсгээд байгаа асуудлуудыг нийтийн эрх ашгийн төлөө шийдэхэд санал асуух шаардлагагүй хийгээд л мөрдүүлэх ёстой. Хотын замыг 3 бүсэд хуваах нь маш зөв. бүс бүрд татвар нь өөр байх хэрэгтэй.Татвар төлсөн нь тэр бүсэд зорчих эрхтэй байх ёстой.Таксидаж мөнгө олохын тулд машин лизэнгээр авч хөдөлгөөний нягтралыг нэмэгдүүлдэг, хөдөөнөөс орж ирээд хотод таксинд явж түжрэл үүсгэдэг буруу үйлдлийг хаах гол зүйл бол бүсчилсэн татвартай болох хэрэгтэй.Нийтийн эрх ашгийн төлөө үүнийг хийхэд юуг нь асуух юм бэ. Хэн тэг гэх юм бэ. Ард түмний төсвийн мөнгийг хулгайлахдаа асуудаггүй биздээ.


  • зочин · [202.179.25.5] · 2019/06/28

    Буруу талдаа рультэй япон машиныг оруулахгуй хорих хэрэгтэй машин биш батерейны хаягдал суулд энэ их хаягдал батерейг яах юм?