"Цамбагарав" ууланд авиралт хийсэн гадаадын иргэн сураггүй алга болжээ. Тодруулбал, Баян-Өлгий аймгийн Алтанцөгц сумын Баянбулаг багийн “Цамбагарав” гэдэг газар /аймгийн төвөөс зүүн урд зүгт 110 км-т, сумын төвөөс зүүн урд зүгт 35 км-т/ Бүгд Найрамдах Итали улсын харьяат Л /76 настай, эрэгтэй/ аялал, жуучлалын “Казак тоур” ХХК-ийн суудлын автомашинаар 8 дугаар сарын 24-ний өдөр “Цамбагарав" ууланд авиралт хийсэн байна. Тэрээр 17:00 цагт бууж ирнэ гэж жолоочдоо хэлээд явсан боловч буцаж ирээгүй байна. Тиймээс тус аймгийн Онцгой байдлын газрын Эрэн хайх, аврах бүлгийн 8 алба хаагч, 1 автомашинтай 15:50 цагт очиж, 2 бүлэгт хуваагдан 3728 метрийн өндөрлөг хүртэл эрэн хайх ажиллагааг зохион байгуулсан боловч үр дүнд хүрээгүй тул мөн өдрийн 21:30 цагт түр зогсоожээ.
Мөн тус аймгийн Онцгой байдлын газрын орлогч, урьдчилан сэргийлэх тасгийн дарга, дэд хурандаа Б.Батбилэгээр ахлуулсан 6 алба хаагч, 1 эрэлч нохой, 1 автомашин, Алтанцөгц сумын Засаг даргын Тамгын газрын дарга А.Ерханатаар ахлуулсан 6 хүн, 1 автомашинтай, нийт 11 хүн, 1 эрэлч нохой, 2 автомашинтай хүч нэмэгдүүлэн ажиллахаар 21:10 цагт очсон. Нийт 20 хүн, 1 эрэлч нохой, 3 автомашинтай ажиллаж байна. 08.26-ны өдрийн 06:00 цагт эрэн хайх ажиллагааг дахин эхлүүлсэн. Иргэн Л нь 08.25-ны орой малчин Д-ынд хоноглоод явсан байж болзошгүй тухай мэдээлэл 08.26-ны өдрийн 07:03 цагт ирсэн тул шалгахаар ажиллаж байна.
Эх сурвалж: ОБЕГ