Өнгөрсөн 2016 оны УИХ-ын сонгуулиар МАН олонх болж бүх дүүргийг гартаа оруулж Засаг дарга нарыг томилсон. Тэгвэл 2020 оны УИХ сонгууль дөхсөнтэй холбогдуулж зарим нэг дүүргийн Засаг дарга нарыг ИТХ-ын төлөөлөгчид болон бас бус хүмүүс хугацаанаа нь өмнө огцруулахаар асуудал үүсгээд эхэлжээ.
Эдгээрийн нэг нь ЧД-ийн Засаг дарга Ж.Эрдэнэбат гэх мэдээллийг эх сурвалж мэдээлж байв. Тэрбээр тус дүүргийн Засаг даргаар томилогдохын тулд УИХ-ын гишүүн Д.Ганболдын татаас, түлхээсээр энэхүү суудалд тухлах болжээ. Өөрөөр хэлбэл, Ж.Эрдэнбатыг мэдэх ойрын хүмүүс нь Д.Ганболд гишүүний “халаас”-ны хүн төдийгүй бүхий л үүрэг даалгавараа төрийн ордон хийгээд түүний өрөөний үүдийг сахиж байгаад чиглэл авдаг гэх мэдээллийг өгсөн юм. Ямартай ч томилуулсан хүнээсээ үүрэг даалгавар авч, төрийн ажлыг залгуулж буй Ж.Эрдэнбатыг Чингэлтэй дүүргийн бүх ажлыг гацааж байгаа хэмээн үзэж ИТХ-ын төлөөлөгчид ийнхүү ажлаасаа чөлөөлөгдөхийг шаардаж, сайн дураараа өргөдлөө өгч албан тушаалаасаа түдгэлзэхийг шаардах болсон аж. Д.Ганболд нь УИХ-ын гишүүн болохоосоо өмнө тус дүүргийн Засаг дарга байсан гэдгийг хүн бүр мэднэ. Тиймээс тэрбээр өөрийнхөө залгамж халаа болгож хэний ч мэдэхгүй байсан Ж.Эрдэнбатыг ногоон гэрлээр ЧД-ийн Засаг дарга болгоход гол нөлөө үзүүлж “халаас”-ныхаа хүн болгоод зогсохгүй давхар дүүргийн ажлыг ч төрийн ордноос удирдах болсон аж.
Мэдээж УИХ-ын гишүүн Д.Ганболдыг дүүргийн Засаг даргаас УИХ-ын гишүүн болгоход голлох нөлөө үзүүлсэн хүн нь УИХ-ын дарга асан М.Энхболд. Өөрөөр хэлбэл, тэрбээр М.Энхболд гишүүнтэй ойрын садан төрлийн холбоотой хүн учраас улстөрд хүчээ авсан тухайг МАН-ынхан одоо ч ярьдаг юм.
Ямартай ч намрын улстөр энэ мэтээр үргэлжилж ирэх сар гэхэд УИХ-ын гишүүн Д.Ганболдын хүн гэгддэг Ж.Эрдэнэбат Засаг даргаасаа огцорч дараагийн хүн нь хэн болох бол гэсэн хүлээлт МАН-ынханы дунд байна.
Erennews.mn