АТГ-аас “Улаанбаатар дулааны сүлжээ” ТӨХК-д хэрэг үүсгэн, шалгаж байна


Өнгөрсөн дөрөвдүгээр сард иргэн О.Одсүрэн болон "Улаанбаатар дулааны сүлжээ” ТӨХК-ийн хооронд дулааны шугам сүлжээний холболттой холбоотой маргаан үүсч, Зайсан дахь 15 компанийн дулаан хангамжийг хаах тухай асуудал яригдаж, багагүй шуугиан дэгдээсэн.

Тодруулбал, иргэн О.Одсүрэнгийн эзэмшлийн Зайсангийн зүүн талын дулааны шугамыг "Улаанбаатар дулааны сүлжээ” ТӨХК эзэмшигчийн зөвшөөрөлгүйгээр гуравдагч этгээдүүдэд ашиглуулж байсан нь гурван шатны шүүхээр тогтоогдож, "Улаанбаатар дулааны сүлжээ” ТӨХК -ийг зөвшөөрөлгүйгээр дулаанаар хангагдаж байгаа 15 компанийн гэрээг цуцалж, шаардлагатай бол О.Одсүрэн болон МФикскапитал ХХК-тай тохиролцон гэрээнүүдийг шинэчлэн хийх ёстой гэсэн шүүхийн шийдвэр 2018 оны 10 дугаар сард гарсан байдаг.

Гэтэл, тус асуудал өнөөдрийг хүртэл шийдэгдээгүй, "Улаанбаатар дулааны сүлжээ” ТӨХК гурван шатны шүүхийн шийдвэрийг үл тоож, иргэн О.Одсүрэнг хохироосоор байгаа юм байна.

Тиймээс О.Одсүрэн зөрчигдсөн эрхээ хамгаалуулахын тулд өнгөрсөн тавдугаар сард АТГ-т гомдол гаргасан байна. Тэрээр гомдолдоо, "Бүх шатны шүүхийн шийдвэрийг хэрэгжүүлэхэд хяналт тавьж, цаашид иргэд, аж ахуй нэгж, төрийн байгууллагуудын дунд аливаа нэгэн маргаан, зөрчил үүсэхгүй байхад анхаарч, шүүхийн шийдвэрийг биелүүлж ажиллахыг хүсье” гэжээ.

Энэ талаар АТГ-аас тодруулахад,  "Иргэн О.Одсүрэнгийн гомдлын дагуу "Улаанбаатар дулааны сүлжээ” ТӨХК-д хэрэг үүсгэн, шалгаж байна” гэв. Зөвшөөрөлгүйгээр дулааны шугам сүлжээнд холбогдсоны улмаас шүүхийн шийдвэрээр дулаан нь салгагдахад хүрээд буй 15 компанийн нэрс:

 

1.     Бөхбат ХХК-ийн Түшээ гүн хотхон

2.    Сипоко ХХК-ийн Энхжин-2 хотхон

3.    Номин холдинг ХХК-ийн Цэцээ гүн хотхон

4.    Голден вилл ХХК

5.    Далай омбо ХХК-ийн Хан түшээ хотхон

6.    Гантулга бор ХХК

7.    Хан бэлчир ХХК-ийн үйлчилгээ, АОС

8.    Зайсан максим АОС, Иргэн Л.Туяа

9.    Баатар дулаан хан ХХК Тохилог Зайсан хотхон

10. Эх газрын эрдэнэс ХХК-ийн Гэрэг вилла хотхон

11. Рома инвест ХХК

12. Ромбон газар ХХК-ийн Солар жарден хотхон

13. Жи энд Моторс ХХК /The peak residences/

14. Жинхэнэ Уянга ХХК

 

Эх сурвалж: Шуурхай.мн


Энэ мэдээ таалагдаж байвал:


  • Баатархүү · [202.9.42.246] · 2019/09/23

    мөн ч хэцүү газар даа. Хүнд суртал гаргаж гар хараад хөдөлж өгдөггүй л газар даа


  • Зочин · [103.212.116.127] · 2019/09/20

    Ер нь хэн гээгч Зайсан толгой орчмын газрыг яах гэж өгсөн юм бэ? гэсэн асуулт байгаа. Яагаад гэвэл та нарын муучлаад байдаг "Социализм" - ын үед зайсанд байсан айлуудыг нүүлгэж Баянхошуу, Тоосганы үйлдвэрийн баруун талд газар олгож суурьшуулж байсан юм. Учир нь тэр орчныг цэвэр байлгах, уулннас бугын сүүрэг бууж ирдэг учир байгалийн төрхийг хэвээр нь хадгалах гэсэн хэрэг байсан юм. Харин "капитализм" гээчийг шүтсэн "ардчилагчид" маань төрийн тэр бодлогыг хөсөр хаяад одоо баас, шээсээрээ дүүргэх болсон билээ.


  • zochin · [122.201.23.84] · 2019/09/18

    Гүнбалай эгчийнхээ хүүхдийн нэрийг барьж луйвар хийж баяжиж байна даа


  • Зочин · [202.70.37.2] · 2019/09/17

    Одсүрэн гэж Гүндалайгийн эгчийн хүүхэд хаа ашиг харагдана тэнд нэр нь яваж байхын Газрын маргаанд магнайд нь явна Өнгөрсөн өвлөөс хойш дулаантай дайн зарлаад эхэлсэн АТГ ын нэрийг бариад яваад байхын ЯДАХАД АТГ асуудал байгаа үгүйг нь хэлээд өгдөг болоосой Одсүрэн төлбөртэй мэдээ бичүүлсээр байтал хэдэн төгрөг ч дуусна нөгөө мэдээнд нь хэн чач холбогдол өгөхөө болилоо доо