Өмнийн говийнхний итгэлийг гишгэлэгч


Олноо “Бохь” хэмээн алдаршсан нэгэн эмэгтэй бол УИХ-ын гишүүн Н.Амарзаяа. Тэрбээр сонгогчидтойгоо уулзахдаа нэлээд дээрэнгүй өнгө аястай “Би чамайг гуйж сонгогдоогүй шүү, битгий давраад байгаарай” гэж харьцаж байсан нь сошиал ертөнцөөр түүнийг  “од” болгож байв.

Улстөрд хөл тавьсан ч  намба сууж чадаагүй  энэ бүсгүй УИХ-ын хууччуул, томчуудын хийдэг зүйлийг аль хэдийн хийгээд сурчихсан гэж байгаа. Үүнийг нь бодохоор түүнийг “Сурах юмаа сурахгүй байж, буруу замаар будаа тээгээд...” гэмээр. Хэрэв тэгж хэлбэл өөрт нь итгэл үзүүлсэн сонсгогчдоо тийнхүү загнаж байгаа хүн урдаас” дунд хуруу” гаргах биз.

Тэрбээр УИХ-ын гишүүд юу л хийнэ түүнийг нь хийнэ шүү гэсэн шиг. ЖДҮ-чдийн тоонд аль эрт багтчихсан. Түүний 200 сая төгөгийн зээл авсан “Хатан хармаг”  компани нь  хармаг жимсээр төрөл бүрийн цай, жимсний өтгөрүүлсэн жүүс зэрэг бүтээгдэхүүн  үйлдвэрлэдэг, уг нь монголдоо говийн хармаг жимсээр бүтээгдэхүүн үйлдвэрлэж байгаа анхдагч компани гэдэг. Гэхдээ энэ компанийг үүсгэн байгуулагч нь  Б.Баярчимэг гэгч бүсгүй  байдгийг дурьдах хэрэгтэй байх.

Мөн тэрбээр “Ханын энгэр” хоршоондоо 132 сая төгрөгийн зээл авсан  байдаг. Сонгогдсон иргэдийнхээ  боломжийг албан тушаалаа ашиглан боомилж нийтдээ 332 сая төгрөгийн зээлийг ЖДҮХС-гаас аваад байгаа түүнтэй холбоотой олон таагүй мэдээлэл бий. Тэдгээрийн нэг нь Тост, Тосон Бумбын нуруутай холбоотой мэдээлэл. ЭНэ асуудлыг УИХ-ын гишүүн Б.Чойжилсүрэнтэй хамааруулах нь ч бий. Ингэхдээ тэднийг “Өмнөговь аймгаас сонгогдсон Н.Амарзаяа гишүүн Б.Чойжилсүрэнгийн компанийн барьсан байранд үнэгүй шахам орчихоод байгаа нь асуудал, анхаарал татаж байна...

Н.Амарзаяа нь УИХ-ын 2016 оны сонгуулиар Өвөрхангай аймгаас сонгогдсон. Түүний хувьд Өвөрхангай аймагтаа оршин суудаг байсан. Иймээс нийслэлд оршин суух байр орон сууцны дэмжлэгийг парламент үзүүлж  УИХ-аас 50 сая төгрөг өгсөн.
Харин Н.Амарзаяа гишүүн нийслэлдээ нэлээд өндөр зэрэглэлд тооцогдох "Хурд" группын "Хүннү" хороололд байр авчээ. Энэ хорооллын байр хамгийн багадаа 300 сая төгрөг. Нэг үгээр хэлбэл УИХ-аас өгсөн 50 сая төгрөг энэ байрны 30 хувьд нь ч хүрэхгүй. Гэхдээ Н.Амарзаяа гишүүн "Хүннү" хороололд байр авч чадсан нь олны ахаарлыг  одоо ч татсан хэвээр байгаа.  Тэгэхлээр Н.Амарзаяа гишүүн юугаар хэрхэн наймаацаж 300 саяын байртай болов.  Б.Чойжилсүрэн гишүүнд юу өгөв, ямар асуудал шийдэхэд туслав” гэх зэргээр хэвлэлүүд онцолж байв.

УИХ-ын акулуудтай энэ зэрэгцэн “Нас залуу цус шингэ шүү, дутна гэж байх ч үгүй” гэсэн өнгө аястай дэнжигнэж яваа тэрбээр  өнөөдөр ийн галзуурсан ч дараагийн сонгуульд  түүнд даашч шаанс байхгүй. Яагаад гэвэл сонгогчдоо доромжилдог, дээрэлхдэг, эрхийг нь боомилдог, алан тушаалаа урвуулан ашигладаг  түүнийг өмнийн говийнхон юу гэж сонгоо аж. Өдөн дэрнээс өглөө өндийж, өнгийн шаахай өлмийдөө углаж... гэгчээр өндөр үнэтэй байран суугаа хатагтайд өмнийн говийнхон итгэл алдарсан шүү дээ.

 

Эх сурвалж: Erennews.mn


Энэ мэдээ таалагдаж байвал:


  • ард түмэн · [64.119.27.129] · 2019/11/14

    тэнэг хүүхэн


  • gh · [202.9.44.60] · 2019/11/14

    Үнэн л бичсэн байна. ард түмний төлөөлөл ийм байж болохгүй


  • ЗОЧИН · [202.180.220.172] · 2019/11/14

    БИЧИХ ЮМАА БҮР ОЛЖ ЯДЖЭЭ. ИЙМЭРХҮҮ ЗҮЙЛ БИЧИЖ ЦАГ ЗАВАА ҮРЭЭД ЯАХАВДЭЭ ЯДАРСАН ЮМ. ЦААНА ЧИНЬ БИЧИЖ ЧАДДАГ БОЛ ОЛОН ТОМ СЭДЭВ ЭЗЭНГҮЙ ХӨНДӨГДӨХГҮЙ ХЭВТЭЖ БАЙНА. МЭДЛЭГ ЧИНЬ Л ДУТАЖ БАЙГАА БАЙХДАА ХӨӨРХИЙ.