2020 оны анхны башёд. 2 аваргаар манлайлуулсан 23 монгол сүмоч 5 зиндаанд хүч үзнэ. 2020 оны анхны башёгийн зүүн жигүүрийг Хакүхо М.Даваажаргал тэргүүлсэн бол баруун жигүүрийг Какүрюү М.Ананд тэргүүлжээ. Мөн маэгашира цолтойгоор Тамаваши Б.Мөнх-Оргил, Азүмарү С.Тодбилэг болон шинээр Кирибаяма Б.Лхагвасүрэн нар барилдана.
Кирибаяма Б.Лхагвасүрэн сүмод орсоор 4 жилийн дараа макүүчи зиндаанд анх удаа дэвшин барилдахаар боллоо. Жюүрёо зиндаанд найман бөх хүч үзэхээр болсон бөгөөд Ичиножо А.Ичинноров, Дайшохо Ч.Шижирбаяр нар зиндаа буурчээ. Шинэ оны анхны башёд экс озеки Тэрүнофүжи Г.Ган-Эрдэнэ болон Сакигаке Я.Баттүшиг нар жюүрёо зиндаанд барилдахаар дэвшсэн байна.
Хокүтэнкай Г.Сүхбат анх удаа санданмэд барилдах бол шинээр Т.Тэмүүлэн гэж Монгол залуу “Дэваноүми” дэвжээнд Дэванорюү нэртэйгээр мэргэжлийн сүмод хүч үзнэ. 2019 оны сүүлийн башёг 4 зиндаанд түрүүлж өндөрлүүлсэн буухиагаа 2020 ондоо үргэлжлүүлээрэй. Олимпийн жил, шинэ оны анхны башё гэдэг утгаараа бүх л бөхчүүд өндөр ач холбогдол өгөх башё болох нь тодорхой. Зиндаа зиндааныхаа түрүүг хүртэхийг хүсэн ерөөе.
Шуурхай.мн
