У.Хүрэлсүхийн төрсөн дүү У.Давхарбаяр малын квотын наймаанд оролцсон уу


малаар баян орон боловч төр засгийн толгойд заларсан цөөн хэдэн хүний шуналаас болоод махных нь үнэ сүүлийн үед тэнгэрт хадаж, малын гаралтай түүхий эд нь ашиглаад хаясан ноолийн цаас шиг үнэгүйдэн хог болчихоод байна. Гэтэл энэ бүхнийг хар толгойгоороо хариуцна хэмээн Хүнс, хөдөө аж ахуй, хөнгөн үйлдвэрийн сайдын суудлыг зайдагнасан Ч.Улаан болон түүний хамсаатнууд Хятад руу малыг амьдаар нь тууж гаргахаас эхлээд зүсэн бүрийн хорлонтой наймаа хийгээд салахаа больжээ. Өнгөрсөн оны намар Ч.Улааны эхнэрийн төрсөн дүү О.Даваасүрэн гэгч нь Замын-Үүдэд хятадуудтай хамтран “Бээжин интосикейшн интернейшнл трейд” компанийг байгуулж, гүйцэтгэх захирлаар нь ажиллан,  300 га газарт томоос том хашаа хатгаад малыг бөөн бөөнөөр урагш нь  гаргаж байсныг иргэд зад шүүмжилж, арай ядан болиулаад байлаа. Гэвч Ч.Улааныхны шунал бүрэн дарагдаагүй байсан юмсанж. Тус компанийн жинхэнэ эзэн Хуанг Мин гэдэг хятад нь Эрээн хотод амьдардаг бөгөөд тэндээ мах боловсруулах үйлдвэртэй том гарын наймаачин тул сүүлийн үед Монголоос Хятад руу мах экспортлох квотын арилжаа руу ханцуй шамлан оржээ.

Уг нь манай улс 140 гаруй махны  үйлдвэртэй гэж байгаа. Гэвч тэдгээрээс арав хүрэхгүй хувьд нь тэрхүү квотыг олгох журам баталсан Ч.Улааны балагаар Хуан Мин гэгч хятад эр одоо жинхэнэ туйлж байна. Тэрээр Ч.Улааны хүмүүстэй хуйвалдан уг квотыг нь хямдаар аваад  зогсохгүй Хятадынхаа арваад компанийн эздэд олгуулж амжсан байх юм. Харин манай үндэсний үйлдвэрлэгчдээс дөнгөж гуравхан компанид тэрхүү квотоос нь оногджээ. Мөн Ч.Улааны хүмүүс квотоо Хуан Мин гэгчээрээ дамжуулан авлигаар өгдөг бөгөөд мах экспортлох квот авч чадаагүй Хятад, Монголын махны үйлдвэрүүд нь тэдгээр квот авсан цөөн хэдэн компанийн нэр дээр мал, махаа арваад боомтоор хил давуулдаг зүй бус аргад шилжин, хоорондоо алалцах нь холгүй болоод байна. Тэгвэл Ч.Улааны эхнэрийн дүү О.Даваасүрэн, Хуан Мин нар нь болохоор амьдаар нь хилээр гаргах малаа зөвхөн Сүхбаатар аймгаас маш хямдаар худалдаж аваад  Замын-Үүд дэх өөрсдийнхөө компанийн уг байр руу тээвэрлэн хүргэж, тэндээ хэд хоног хашиж, бордож байгаад хилээр гаргадаг болжээ.

УИХ-ын гишүүн Б.Пүрэвдорж саяхан “Ч.Улаан Хятадын махны компаниудад мах экспортлох зөвшөөрөл олгосон. Нийтдээ махны квот авсан 12 компанийн ес нь Хятадын компаниуд юм. Дотоодын гурван компани нь манай сайд дарга нарынх бөгөөд квотын наймааанд Ерөнхий сайдын дүү оролцсон. Ингэж Хятадыг илүү их дэмжсэн Ч.Улааныг огцруулах ёстой” гэсэн юм. Тийнхүү квот гэсэн нэрээр давуу эрх эдэлж, Хятад руу мал, мах экспортолж байгаа дотоодын компаниудын нэг нь Ерөнхий сайд У.Хүрэлсүхийн төрсөн дүү У.Давхарбаярынх болж таараад байгаа аж. Эрх мэдэлтэнгүүд ингэж хуйвалдан, Хятадуудыг үхэн хатан тэтгэхийн хажуугаар өөрсдийнхөө ах дүү нарыг хөлжүүлж суудаг юм байна.

У.Давхарбаяр нь Эрдэнэт үйлдвэрт яг Ц.Нямдоржийн хүү Анхбаяр, хуурай дүү Анхбаяр нар шиг шахаа хийдэг байсан төдийгүй ахынхаа нэр сүрээр далайлган ЖДҮХС-аас зээл авч, эгэл жирийн бизнес эрхлэгчдийг хөлдөө чирэн туйлж  байжээ. Тэрбээр 2014 онд буюу анхынхаа Шадар сайд байх үед өөрийнхөө “Тэнгэр суудал” компанийн нэр дээр Эрдэнэт үйлдвэрийн Ерөнхий захирал асан Ц.Даваацэрэнтэй эрчим хүчний багаж, тоног төхөөрөмж шахах гэрээ хийж, тус үйлдвэрээс 353 мянга 250 ам.доллар авсан байв. Энэ нь тэр үед долларын ханш 1900 төгрөг байсан гээд бодвол ойролцоогоор 671 сая төгрөг юм байна. Мөн түүнчлэн “Жаргалант мах импекс” компанийн нэрээр Жижиг дунд үйлдвэрийг хөгжүүлэх сангаас 1.3 тэрбум төгрөгийн зээл аваад зогсохгүй УБЦТС төрийн өмчит компанид вакум таслуур нийлүүлэх нэрээр 78 сая төгрөгийг өөрийнхөө  “Тэнгэр суудал” компанийн данс руу шилжүүлсэн байв. Харин тэрхүү  “Жаргалант мах импекс”  компанийг үүсгэн байгуулсан Ч.Батмагнай гэгч нь У.Давхарбаярын төө зайгүй найз бөгөөд тэд Ч.Улааны дээрх Хятад компаниудыг тэтгэх квотын наймаанд идэвхтэй оролцож, тийнхүү мал, махыг бөөнөөр нь хил давуулан наймаалахаар улайрч байжээ.

О.Баяр

Шуурхай.мн 


Энэ мэдээ таалагдаж байвал:


  • Zochin · [202.55.191.194] · 2020/01/29

    ee tegeed 25 kompaniig teleelj 5 mahnii udvert avaachaad tedniig bish eer uildveruuded kvotoo egchihsen yum uu Huns hedee aj ahuin yam??? Ulaan odoo bolih heregtei , ter shine avgain duu ni yasan tsadaj hanadaggui yum


  • ЗОЧИН · [202.131.233.190] · 2020/01/27

    улаан толгойгоороо хариуцна гэсэн? одоо толгойгоо ав?? эсвэл зайл???


  • Зочин · [103.14.36.6] · 2020/01/27

    Мах экспортлох зөвшөөрлийг жил бүр олгоод байдаггүй, 2017 оны зөвшөөрөлтэй компаниуд л үргэлжлэн экспортод гаргаж байгаа юм бна лээ ш дээ. Энэ үнэн байдлыг яагаад зөвшөөрөлтэй компани эн тэр дуугардаггүй юм бол? Зөвхөн гүтгэж бичсэн сэтгүүлчийн үг үнэн байх уу? Үнэн ганцхан л баймаар юм.


  • Болор · [150.129.141.111] · 2020/01/27

    хахахахах үнэн байна


  • үнэн · [103.9.90.130] · 2020/01/27

    Хардах нэрийн дор бүх зүйлийг харлуулж , гүтгэх сэтгэлгээтэй сэтгүүлч нар дэндүү олон болжээ цаад эзэд нь иймэрхүү юм бичихгүй бол хоолны мөнгө өгдөггүй байх эсвэл ийм аргаар мөнгө олоод амташчихсан гарууд байх. Ямар кинон дээр гардаг билээ " миний сууж байсан эхнэрийн салсан нөхрийн дүү" гэх мэт гардаг иймэрхүү маягаар л Хүрэлсүхийг буруутгах гэж элдэв янзын ахан дүүс, төрөл төрөгсөд, найз нөхөд , нутгийн олон гэх мэт бүгдийн хийсэн зүйлийг энэ хүнд хамаатуулах нь дээ. Орчин цагий сэтгүүлч нэртэй хорлон үймүүлэгч нар дэндүү олон болж дээ хуулийг н жаахан чангатгахгүй бол аав ээжээ ч харлуулж бичнэ шүү


  • Болор · [150.129.141.111] · 2020/01/27

    ямар шулааач зантай новшнууд вэ Тэр Дүрэвдорж гишүүний өргөн барисан Улааныг огцруулах асуудлыг хэлэлцэээжээ


  • иргэн · [192.82.66.151] · 2020/01/27

    Үнэн төрх нь ил болоод байгаа учир саармагжуулахын тулд МАН-ханыг Номтойбаяр гишүүнрүү дайр гэж үүрэг өгч хуулийнханыг бас хамт ЖДҮ шиг өөр тийш нь анхаарлыг хандуулж чимээгүй болго гэсэн нь тодорхой байна.Учир нь өмнөх 7 хоногт болсон МАН-н бүлгийн хурал нотлож бүр дэд хороо нь баталгаажуулж өгөв хөөрхий.Одоо УИХ нь батлачихвал бүр л эд нар яаж өөрсдийнхөө хэргийг намжаадаг бэ гэдэг нь батлагдана.


  • Зочин · [66.181.161.71] · 2020/01/26

    Ингэж болохгүй биздээ...


  • zochin · [202.9.46.237] · 2020/01/26

    ahid songohgvi baigaach Tur tvmen hetsvvdlee Yasan namaas zalhdaggvi uym be????? Ireedvi bvdeg baina shvv !!!!!!!!!!!!!!


  • Зочин · [182.160.1.79] · 2020/01/25

    hoguudl baih ymdaa


  • АНын гишүүн · [103.26.193.103] · 2020/01/25

    Пүрэвдорж гишүүн Улааныг огцоруулахаа өргөн барьсан бол УИХ яагаад хэлэлцэхгүй байгаан.ЖДҮ-гээс зээл авсан эргээд төлсөн гэсэн биз дээ.Махны квот бол цэвэр Улааны ажил


  • зочин · [192.82.72.3] · 2020/01/25

    Энэ нөхөр чинь ЖДҮ-гээс зээл авсан гээл баахан шуугиад дарагдсан ш дээ. Иргэд хууртах хэрэггүй сонголтоо л зөв хий.


  • Zochin · [64.119.20.234] · 2020/01/24

    Энэ ч бага зуйл байхаа уунээс ч илуу юм байгаа шуу


  • Зочин · [64.119.20.234] · 2020/01/24

    Энэ намынхан бугд хулгайч шуу дээ энэ нохор гэхэд л ХХБАнкны 14.0 тэр бум тог оор тоглоод будаа болгосон шуу дээ джу гээс зээл авсан бас бус их юм бий 2020 онд ард тумэн сонгуулийн хувьсгал хийх байхаа


  • Зочин · [66.181.187.83] · 2020/01/24

    Ардын намаас улаанаас юм хараад хэрэггуй ядаж махны унийг буулгаад ухрийн махыг 8000 тош болгоод огвол бух хулгайн хэргийг хэрэгсэхгуй болгье


  • Ард · [202.72.245.123] · 2020/01/24

    Яасан ч ханаж цаддаггүй бирдүүд төрийн толгойд гарчихав. Зүй нь бид гаргачихав. Одоо энэ 2020 оны сонгуульд МАН АН-аас нэг ч хүн гаргахгүй байх талаар нэгдэцгээе


  • Зочин · [79.98.213.82] · 2020/01/24

    Улааны хамаатан гэж бас нэг тэнэг юм мэргэжлийн хяналтад бас дарга хийгээд явж байхийн