Өчигдөр ШӨХТГ-аас шатахууны хуурамч хомсдолын талаар хэвлэлийн бага хурал хийж хууль бус үйл ажиллагаа явуулж буй аж ахуй нэгжүүдэд хариуцлага тооцох талаар мэдэгдсэн.Түүгээр ч зогсохгүй Шадар сайд Г.Занданшатар ажлын алба байгуулж шалгуулахаар ЗТЯ-ны дэд сайд Б.Цогтгэрэлд үүрэг болгоод байгаа билээ. Эдгээрийн дараагаар Монголын татвар төлөгчдийн холбооний Ерөнрхийлөгч С.Чулуунбаатар хэвлэлийн бага хурал хийж ерөнхий сайдад шаардлага хүргүүллээ. Тэд уг хэвлэлийн бага хурлаараа шатахуун түгээх станцууд ард түмнийг дээрэмдэж байна, тэр дундаа оффшор данстай газрууд үнийн зохиомол хөөрөгдлийг үүсгэж хомсдолыг зохиомлоор бий болгож байна, гадна үнийн самбар нь өөрчлөгдөөгүй байтал худалдаалахдаа нэмж байна , тиймээс татвар төлөгчдийн холбоо Монгол улсын ерөнхий сайд У.Хүрэлсүхэд шаардлага хүргүүлж байна гэж мэдэгдлээ. Мөн татвар төлөхгүй гэвэл хууль зөрчсөн болох тул татвар төлөхөөс түтгэлзээчээ хэмээн уриаллаа. Татвар төлөгчдийн холбооноос мэдэгдэхдээ ШӨХТГ-аас хийсэн мэдээлэл худлаа биелэгдэх боломжгүй зүйл ярьж байна 2017 онд татвараа давуулан биелүүлсэн байтал ард иргэдийг шулж байгаа энэ байдалтай эвлэрч чадахгүй. Хариуцлага тооцож ажил болгохгүй бол тэмцлийн хурц байдалд шилжинэ гэдгээ мэдэгдсэн байна.
Шуурхай.мн Л.Дима