fbpx

“Алтантариа” дээд гурилаас их хэмжээний хулганы баас гарч иржээ


              Өнгөрсөн бямба гарагт нэгэн иргэн “Таван богд” группийн Алтантариа дээд гурилыг худалдан авсан ч дотроос нь их хэмжээний хулганы баас гарч иржээ. Сар шинийн баяр дөхөхөөр тус компанийн гурил эрэлттэй байдаг учир иргэдэд сануулга болгох үүднээс мөн өөрсдийнхөө хохирлыг барагдуулах хүсэлт тавьсан байна. Алтантариа гурилын чанар шалгагч өөрийн биеэр ирж хяналт шалгалт хийсэн бөгөөд үйлдвэрлэлийн явцад хулганы баас илрэх үндэслэл байхгүй харин хадгалалтын горим зөрчсөн байж болзошгүй гэсэн байр суурьтай байна. Компанийн зүгээс нэр төрд халдаж байна шүүхийн байгууллагад хандаж нэр төрөө сэргээнэ хэмээн гомдол гаргасан иргэнийг сүрдүүлжээ. Шинжилгээ, тандалтын  хариу 14 хоногийн дараа гардаг бөгөөд тухайн иргэний гомдлыг мөнгөн хэлбэрээр шууд барагдуулах боломжгүй гэдгээ хэллээ.

Шуурхай.мн 

 

 


Энэ мэдээ таалагдаж байвал: