Ерөнхий сайд У.Хүрэлсүхийн XVII жарны Хотол хэмээх төмөр хулгана жилийн Цагаан сарын баярын мэндчилгээ


Монгол сайхан эх орондоо ажиллаж, амьдарч байгаа болон дэлхийн өнцөг булан бүрт тархан суугаа элэг нэгт Монголчууд та бүгддээ сар шинийн мэндийг өргөн дэвшүүлье.

Хувьтай хүн хулгана жилийг үздэг хэмээн бэлэгшээдэгчлэн олон түмний буян заяа тэгширсэн сайхан жил гарч байна. Цагаан сар бол Монголчууд бидний өв соёлоо өвлүүлэх, удам судар, ураг төрлөө мэдэлцэх, эв эеийг эрхэмлэн дээдлэх, төрт ёс, тусгаар тогтнолын дархлааг илтгэсэн уламжлалт сайхан баяр.

Энэ жил хөрш БНХАУ болон дэлхийн олон оронд Шинэ коронавирусийн өвчин дэгдэж, мянга мянган хүний амь нас, эрүүл мэнд хохирч, нийгэм, эдийн засагт асар их дарамт учруулж байна. Манай улсад энэ өвчний халдвар тархах өндөр эрсдэлтэй учир төр, засгаас болзошгүй аюулаас сэргийлэн боломжтой бүх арга хэмжээг шуурхай авч хэрэгжүүлж байна.

Гэхдээ бид тайвширч болохгүй. Аюулт өвчний халдвараас сэргийлэх, таслан зогсооход иргэн бүрийн үүрэг, хариуцлага, оролцоо хамгийн чухал байна.

Та бүхэн сар шинийн баяраараа ёс заншлаа гүйцэтгэн, азай буурлуудынхаа амар мэндийг эрж, цахимаар золголт хийхийг Монгол Улсын Ерөнхий сайдын хувьд дахин уриалж байна. Бид ямар их хариуцлагатай ард түмэн болохоо энэ цагаан сараар харуулцгаая.

Ингээд ирж буй төмөр хулгана жилдээ айл өрх бүрийн амьдрал ахуй өөдлөн дэвжиж, төр улсаараа элбэг дэлбэг, түмэн олноороо тэнүүн жаргалтай байхын өлзийтэй ерөөлийг өргөн дэвшүүлье.

Сар шинэдээ сайхан шинэлээрэй.


Энэ мэдээ таалагдаж байвал:


  • Монголын төлөө цохилох зүрх · [66.181.179.178] · 2020/03/01

    Хос морьтой хонгорын шилийг давна гэдэг шиг улс орон ард түмэнд тулгарсан түр зуурын хүндрэл бэрхшээлийг давж л таараа. Хөтөлгөө морьтой Хүрэлсүх хол явна даа, хол явна.


  • Иргэн · [66.181.165.91] · 2020/02/27

    Мундаг хїн шїї энэ їед ийм хїн Ерєнхий сайд байгаа нь яамай даа ЖИНХЭНЭ МОНГОЛ эр хїн аргагїй л цэргийн хїн гэсэн дээ зохион байгуулалт сайн байгаа шїї таниараа ард тїмэн чинь бахархах болно.


  • энг · [66.181.176.98] · 2020/02/26

    Хүүк шилийн богдод явж байна ард түмнээ даатгаж явна мундаг хийморьтой баярлалаа бид нь хотдоо байна


  • zochin · [66.181.177.62] · 2020/02/25

    irgedee hotod horichood uuruu hentiid l yavj baihgui yu daa, am ajil ni zursun surjin gariig hen medehgui baisiin


  • Зочин · [202.179.25.125] · 2020/02/25

    За энэ ерөнхий сайд чинь морь хөтлөөд хаа хүрэх нь вэ?