Улстөр / 2020/03/02 / 12

Д.Баярхүү: Монгол Улс хөх улавч, амны масканд дарагдаж дууслаа!



Өнөө өглөө СБД-ийн “Тэгш мэнд” өрхийн эмнэлэгт өрнөсөн ярианаас сэдэвлэн бичлээ. Эрүүл мэндийн сайд хуучны танил хатагтай Д.Сарангэрэлд хандаж байна. Анхааралдаа авна уу?
Шинэ төрлийн Коронавирүстэй хийж буй баатарлаг тэмцэлд тань ард түмнийхээ нэгэн адил туйлаас талархаж бахархаж байна. Амжилт хүcье!
 
 
 
Манай улс 3 сая гаранхан хүн амдаа хуваагаад үзвэл ахдахаар их эмнэлэг, эрүүл мэндийн төв, үй олон эмийн сан, мянга мянган их эмч, бага эмч, сувилагч, асрагч нараар хахаж, хүн амдаа ахдахаар тооны анагаахын их дээд сургуультай болчихоод байгаа гэдэг баримтыг Сайд Та, ЭМЯ, төрийн түшээд эрхбиш мэддэг байх. Энэ юуны үзүүлэлт болохыг ч мэдэж мэдэрдэг байх. Эрүүлийг хамгаалах салбар нь лут хөгжжээ гэгдэх байх хэмээн горьдож, олон улсаас сайн үнэлгээ авна хэмээн өөрсөддөө итгэл өгч болохгүй.
 
 
 
Бүхэлдээ Монголын ард түмэн эрүүл мэндээр ингэтлээ доройтсон юм байна гэдгийн илэрхийлэл шүү дээ. Үнэхээр ч доройтчихоод байна. Хөл хорио цээр тавьж, хөдөлгөөнийг хязгаарлаж байгаагаа далимдуулаад монгол хүний эрүүл мэндийг хөгц шиг дотроос нь идэж гэмтээж ялзруулдаг архи, архидалтын эсрэг томхон дайралт хийгээч хэмээн би мянга бичээд нэмэргүй. ЦЕГ-т дарга хийдэг хурандаа доктор найздаа хандаад архийг энэ сардаа бүхэлд нь хорьчихооч, үйлдвэрлэл, хэрэглээ, худалдааг нь зогсоолгочихооч хэмээн уриалаад ямар хариу авсан гээч. Цагдаа тийм саналтай ч улсын маань эдийн засаг, төсөв хэцүүднэ гэж дээрээс ярьсан гэх юм. Архи зарж, архидуулж байж улсын эдийн засаг оршин тогтнож байдаг хэрэг үү?
 
 
 
Хэрэв Коронавирүс нэвтрээд ороод ирвэл эхлээд энэ архаг бүлэг архичдад халдварлана, тэд тээгчид болно, дараа нь бага насны хүүхэд, гэр хорооллын уушигны өвчтэй бүх хүн рүү онилон очно гэдгийг манай УОК, хотын онцгой комисс, цагдаа, эрүүлийг хамгаалахынхан мэддэг л байх даа.
 
Үүнээс гадна гарчигт өгүүлснээ өчих гэж байна. Социализмын үед, ардчиллын эхний үед, лав 30, 40 жилийн өмнө, адаглаад 20 жилийн өмнө энэ гялгар уутан хөх улавч манай эрүүлийг хамгаалах салбарт нэвтрээгүй байлаа. Тэглээ гээд халдвар нь дэндэж байсныг би санахгүй байна. Ахмад эмч нар бүгд эргээд нэг дурсаад үзээрэй. Гутлыг нь сайн арчуулаад, хлораминтай усаар шалаа байнга угаагаад, үүдний гутлын дэвсгэрээ норгоод солиод болоод л байсан шиг санагдах юм. Улавчгүй болоод л байсан шүү дээ.
 
Одоо улавчнаас их юм алга. Улавч өмслөө гээд ариун цэвэр, халдваргүйжүүлэлт хэр өссөнийг мэдэхгүй. Эмнэлгүүд 100 төгрөгөөр борлуулдаг, ядаж тийм мөнгөтэй явдаг хүн цөөхөн. Ашиг хэр унадагийг бүү мэд. ЭМЯ-ны нэгэн төрлийн бизнес хэмээн хардах хүн байдаг юм билээ. Нүдэнд сондгой тусдаг өөр нэг юм байнаа. Эмнэлгүүдийн гадна дотно хогийн сав нуль хөх улавчаар байнга дүүрэн. Багсайж харагдана. Хэрэглэчихсэн тэр их улавчийг яадгийг олж мэдмээр санагдлаа. Шатаадаг уу, булдаг уу, хогийн цэг дээр салхинд хийсгэдэг үү? Лав дахин боловсруулалт манайд хийж чадахгүй. Ядаж хэдэн мянга биш, хэрэв хурааж нөөцөлбөл хэдэн сая ч (ширхэглэбэл) байж мэдэхээр байна. Тэр их уранхай, хэрэггүй хөх улавч хаана шингэдэгийг ЭМЯ иргэдэд хариулж тайлбарлаж өгнө үү. Агаарт хийсээд жинхэнээсээ халдвар тарааж байгаа юм биш биз? Байгальд шингэж алга болтлоо гялгар уут хичнээн зуун жилийг авдаг гэлээ дээ?
 
 
 
Амны маска мөн хардлага төрүүлнэ. Өдөртөө хоёрыг солилоо гэхэд л зөвхөн нийслэлээс хэдэн зуун мянган амны хаалт хэрэггүй болж таарч байна. ЭМЯ энэ их хуучин маскийг яаж далд оруулдаг вэ? Шатаадаг уу, булдаг уу, хогийн цэг дээр салхинд хийсгэдэг үү? Лав дахин боловсруулалт манайд хийж чадахгүй болоод л гадаадаас гуйлга түүлэгтээ тулдаг байх. Агаарт хийсээд жинхэнээсээ халдвар тарааж байгаа юм биш биз? Байгальд шингэж алга болтлоо хичнээн удаан хийсэх бол?
 
 
 
Аман хууч. Хогийн цэгүүд дээр нөгөө улавч, амны хаалт хогон дунд овоорчээ. Тэр хавьд хог барааддаг мал иддэг гэх. Бүү мэд? Үтэр түргэн устгалд оруулж чадахгүй бол энэ их улавч, амны маск хэдэн саяар нь оруулж ирэх ямар хэрэг байна вэ? 
Оновчтой зөв хариултыг ЭМЯ, Сайд Та өгнө үү? Зөв хариултаа авч чадахгүй бол би байнга бичих сэдэвтэй болох нь байна шүү! Надад сонин, хэвлэл, сайтууд бүгд нээлттэй! 
 
 
 
Олон улсын харилцааны судлаач-профессор Д.Баярхүү


  • иргэн · [66.181.179.158] · 2020/03/11

    Маш зөв асуудлыг хөнджээ. Улавч, маск ердөө ч хэрэггүй. даавуун маскаа угааж индүүдээд болох л байгаа юм. Гутал яг таны хэлснээр байж болно. Гэтэл энэ бүгдийг яамны заавар зөвөлгөө, мэргэжлийн хяналтын журам ийм болгодог, ажиллагсадад бөөн дарамт. Амьдралаас тасархай улсуудын, гадны юм хуулж хэрэгжүүлдэг журам дүрэмийн үр дүн энэ. Баярлалаа танд.


  • зочин · [192.82.74.139] · 2020/03/11

    Архи Пиво хүнд өчүүхэн төдий ч хэрэггүй зүйл. Хүмүүс өөрсдөө худалдаж аваад өөрсдөө аягалаж, хундгалан, өөрийнхээ гараар өөрийнхээ ам руу хийж согтож, хөлчүүрхэж байгааг сайн дурын солиорол гэхээс өөр юу гэх вэ? Архи ууж Сайн дураараа солиорсоны үр дагвар нь гэмт хэрэг, бэлгийн замын халдварт өвчны үндсэн шалтгаан билээ. Цаана нь эрүүл мэндийн хохирол гэж нөхөж болшгүй хохирол байдаг. Энэ бичисэн зүйл зөв зүйтэй.


  • Шилээ · [192.82.78.185] · 2020/03/06

    Зөв санаа


  • зочин · [103.194.176.124] · 2020/03/04

    Монголд Архи Пиво хязгаарлах юм бол шийд иргэний дайн дэгдэнэ . Учир нь Монголын хүүхэд залуус архи пивоор амьсгалаж байна .Тэдэнд архи пиво байхгүй бол шууд үхэх байх сүүлийн үед цагаан тахал монголын бүрэн хучаад авчихлаа харамсалтай нь төр хүч хүрэнхгүй хүчин мөхөсдөж сууна


  • зочин · [103.194.176.124] · 2020/03/04

    энэ архи пивоны үйлдвэрлэгчидэд Монголын Төр нэг жаахан Спирт хандивлаач гэхэд үйлдвэрлэгчид нэг ч хөдөлсөнгүй харамсалтай тэд жилд зөвхөн архины үйлдвэрлэгчид 300 сая литр архи нэрдэг Пивоны тухайд бол жилдээ 400 сая литр за тэгээд ганаас ипортлогдож орж ирсэн архи пивотой нийлээд хэдий хэмжээний орж ирдэг нь ойлгомжтой бараг 1 тэрбум өлхөн давах байлгүй дээ . Тэдний цэвэр ашиг хэдэн их наядаар хэмжигдэх биз


  • Зочин · [103.80.210.183] · 2020/03/04

    явсаар хэдэн дамжлага даваад нөгөө улс төрч нэгэн яамны үүдэнд ирээд гацна. төрийн ил тод шударга байдлыг нэвтрүүлж байж л энэ асуулт чинь үнэнээр тодорч харагдана. дахин болосвруулах үйлдвэрийг яаралтайгаар хурдан олноор байгуулж төрийн дэмжлэгээ өгч чадахгүй ч татварыг маш багаар авч дэмжиж болно.


  • Зочин · [66.181.165.89] · 2020/03/04

    ЭМЯам,ОБЕГ энэ асуудалд маш хурдан анхаарлаа хандуулж арга хэмжээ авах хэрэгтэй. Маш чухал сэдэв хөндлөө????


  • оюунаа · [202.21.113.146] · 2020/03/04

    маш зөв санаа байна.энэ асуудлыг хөндөж бичсэнд баярлалаа.


  • donna · [122.201.19.99] · 2020/03/04

    mash zev bijjee mongold ingej bodoj bdag xyn bgaa uamaidaa


  • miigaa · [66.181.161.71] · 2020/03/03

    yag zuv ahuin soyol hamgiin negd bna


  • Зочин · [192.82.65.120] · 2020/03/03

    Ардчилал буруу хөгжсөнийх,гажуудсан ялзарсан намуудын бодлого мөнгө ашиг олохоос өөр юм боддоггүй улс төрчид,МАН ба АН 30жил төрд эзэгнэсэний шагнал гавъяа мөн билээ


  • Энхээ · [66.181.161.53] · 2020/03/02

    эдгээр асуудлын гол буруутанг хайх юм бол төрийн тогтолцоонд ирээд зогсоно. сүүлийн 30 жилд ардчилал гэж яриад байсан ч ардчилсан тогтолцоог бий болгож чадсангүй харин хувиа хичээсэн бэртэгчингүүдийг хөгжүүлэх ажил маш амжилттай хэрэгжиж өнгөтэй өөдтэй бүгдийгээ хулгайлах явц хүчтэй явагдсанаас өнгө өнгөнд шудрага ёс үндсэндээ ялагдсаны гэрч юм боловуудаа гэж бодож байна. Төрийн тогтолцоогоо зөв болгоод зөв хүнийг зөв газар нь тавиад боловсролын системээ оновчтой болгож байж л Монгол Улс хөгжлийн зам орох байхдаа.