Ерөнхий сайд У.Хүрэлсүх: Буяны ундарга болсон хүмүүс бол эмч нар юм


Дэлхийн эмч нарын өдрийг тохиолдууулан эмч нартаа зориулсан Монгол Улсын Ерөнхий сайд У.Хүрэлсүхийн мэндчилгээг хүргэж байна. 

Ард түмнийхээ амь нас, эрүүл мэндийг сахин хамгаалах ариун тангарагтаа чин үнэнчээр зүтгэж буй эрхэм хүндэт эмч нар аа, Та нартаа эмч нарын өдрийн баярын мэндийг Монгол Улсын Засгийн газрын нэрийн өмнөөс болон хувиасаа өргөн дэвшүүлж аз жаргал, амжилт бүтээл, сайн сайхан бүхнийг хүсэн ерөөе.

Өвдөж зовсон хэн бүхний төлөө өөрийнхөө гэр бүлийг ч орхиод, нойр хоолыг умартан, сэтгэл зүрх, хөлс хүчээ дайчлан өдөр шөнөгүй ажилладаг буяны ундарга болсон хүмүүс бол эмч нар юм.
Дэлхий нийтийг нөмөрсөн Ковид-19 хэмээх аюулт цар тахлын эсрэг хүн төрөлхтөн даяараа тэмцэж байгаа хүнд цаг үеийг бид туулж байна.

Аюулт өвчний эсрэг амь нас эрүүл мэндээрээ дэнчин тавьж, галын шугамын тэргүүн эгнээнд бат итгэлтэй, чин зоригтой сөрөн зогсож байгаа нийт цагаан нөмрөгт баатруудаараа Монгол Улс бахархаж байна.

Эмч нар та бүхний бусдын төлөө гэсэн ариун сэтгэл, сурч мэдсэн авьяас чадвар, дундаршгүй хичээл зүтгэлийн ач гавьяагаар хилийн чанадаас авчирсан иргэдээ амжилттай эмчилж байгаад Улсын Ерөнхий сайдын хувьд туйлын их талархаж байгаагаа энэ дашрамд уламжилъя.

Хэдийгээр аюулт цар тахал өдрөөс өдөрт дэлхий даяар улам бүр хүчээ авч байгаа ч Монголын эмч нар хоёр иргэнээ эдгээсэн сайхан мэдээг дуулган ард түмнээ баярлуулж байгаад туйлын их баяртай байна. Алтан гартай, бурхан ухаантай ачлалт эмч нарынхаа хүчээр иргэдээ бүрэн эдгээн эрүүл саруул болгож чадна гэсэн итгэлийг улам сэргээлээ.

Нийт эмч нартаа дахин талархал илэрхийлж, анагаасан буян нь аадар мэт буух болтугай гэсэн өлзийтэй ерөөлийг өргөн дэвшүүлье.



Монгол Улсын Ерөнхий сайд У.Хүрэлсүх


Энэ мэдээ таалагдаж байвал:


  • зочин · [124.158.88.13] · 2020/04/01

    буяны ундарга ч гэх шиг энэ улс төрчид хогийн шүү, нэг л хүнд таалагдах гэсэн, пиардсан, хошгируулсан гарууд байхийн. ЭМЯ яахав ажиллаж л байна, нэг их мэрийгээд хичээгээд байгаа юм байхгүй, цалингаа ваад, эрх ямбыг нь эдэлж байгаа сайд, дэд сайд гээд нөхдүүд нь ажиллаг, хичээг. хэвлэлээр эд сайн ажиллаж байна гээд сонгуулийн пиар хийх хэрггүй. харин ч улиг болсон смс өдөр болгон бичиж байна. өөр улс оронд ямар ямар шинэлэг юм гарч байна, эм тариа вакцин, урьдчилан сэргийлэх чиглэлээр гээд зөндөө л юм гарч байна. тэрнээс орчуулаад ьавих, смс-р өгөх хэрэгтэй ш дээ. хэлтэй хүн байдаг л байдаг байлгүй дээ бүхэл бүтэн яаманд? дээр нь гадаад яам бас сайн мэдээлэл өгөх хэрэгтэй байна, гадны улсад суугаа элчин сайдын яамд мэдээ сайн ирүүлж байх хэрэгтэй ш дээ.


  • иргэн · [124.158.88.13] · 2020/04/01

    буяны ундарга нтр гээд хошгируулах яах вэ наад хүмүүсийнхээ цалинг нэм, өөр асуудал байхгүй


  • MOGEUH · [202.55.188.33] · 2020/03/31

    Mongolin Ontsgoi gamshgin ersdel unlegchdin holboo ard irged ta buhen gaduur baga yavaj garaa saitar ugaaj gertee agaar solij maska zuuj hevshih MOGEUH


  • baatar · [64.119.19.220] · 2020/03/30

    saidiin daraagiin gar barih hun jinhene emnelgiin ajiltan bn,eronhii saidiin gar korono 19 virustei bolov uu?ene hun ch gadaadad dotoodiin ih olon huntei gar barisan ,barih uu,yah uu gedgee shiidej ydaj baih shig bn