ГОВЬ-АЛТАЙД БИЕ ДААГЧ ӨНГӨЛӨХ МАГАДЛАЛ ӨНДӨР БАЙНА


Сүүлийн 20 гаруй жилийн хугацаанд Говь-Алтай аймагт болсон УИХ-ын сонгуульд  дан ганц МАН ялалт байгуулсан түүх бий. 1992 оны сонгуульд нэрт эрдэмтэн, эмч Г.Зуунай бие даан нэр дэвшиж МАХН-аас нэр дэвшигч А.Базархүүгийн хамт алтайчуудынхаа итгэлийг хүлээн Монголын анхны байнгын ажиллагаатай парламентад сонгогдсон юм. Түүнээс хойших бүх сонгуулиар Говь-Алтайн тойрогт МАН-ынхан ялалт байгуулсаар ирсэн цор ганц “улаан” тойрог. Үр дүнд Алтайчууд хөгжлөөрөө бүх аймгуудаас сүүл мушгиж яваа. Иймээс энэ удаагийн УИХ-ын сонгуульд Алтайчууд нам гэхээсээ илүү нэр дэвшигчдээ харж байж сонголтоо хийх санаачлага гаргаад байгаа сурагтай.

УИХ-ын 2020 оны сонгуулиар Говь-Алтай аймагт МАН-аас УИХ-ын гишүүн, Зам тээврийн яамны сайд Б.Энх-Амгалан, УИХ-ын гишүүн Ш.Раднаасэд, АН-аас тус аймгийн Засаг дарга асан О.Амгаланбаатар нар нэр дэвших албажаагүй мэдээлэл байна.

УИХ-ын гишүүн Ш.Раднаасэдийн хувьд өнгөрсөн дөрвөн жилд ганц мандатыг эзэгнэсэн ч гавьтай ажил хийгээгүй. Б.Энх-Амгалангийн хувьд Говь-Алтайн гаралтай гэх ч тийм  ч танил нэгэн биш. Б.Энх-Амгалан сайдын хувьд байсхийгээд л хэл аманд өртөж, салбарынхнаасаа болон иргэдээс тааруухан үнэлгээ авдаг түүнд Алтайчууд итгэл хүлээлгэх нь юу бол...

Мөн АН-аас нэр дэвших О.Амгаланбаатар ч мөн Алтайчуудын хувьд итгэлтэй нэгэн биш. Засаг даргаар ажиллаж байхдаа тус аймагт намчирхал хуваагдлыг утгаар нь цэцэглүүлсэн нэгэн. Тэрбээр аймгийн Засаг даргаар ажиллаж байхдаа цэвэрлэгчээ хүртэл АН-ын харьяат байх шаардлага тавьдаг байсан тухай эх сурвалжууд мэдээлдэг.

Иймээс  УИХ-ын тавдугаар тойрог буюу Говь-Алтай аймагт бие даан нэр дэвшигчид олон гарч ирж байгаа бололтой. Тухайлбал, "Сонгуульд бие дааж нэр дэвшигчдийн холбоо" ТББ-аас тус аймагт хэд хэдэн хүнд нэрийг нь дэвшүүлэх санал хүргүүлсэн юм байна. Тэдний нэг "Монгол ньюс" ХХК, "Өнөөдөр" сонины Ерөнхий менежер, Балдорж сангийн Төлөөлөн удирдах зөвлөлийн дарга, Монголын өдөр тутмын сонинуудын холбооны Гүйцэтгэх захирал Б.Баярмагнай бие даан нэр дэвшихээр болсон сурагтай. Хамгийн гол нь түүнийг нэр дэвшсэн тохиолдолд Монголын сэтгүүлчид, тэр тусмаа эгнээндээ 120 сэтгүүлч гишүүнтэй "Алтайн сэтгүүлчдийн клуб" дэмжихээр болсон байна.  Салбартаа танигдсан сайн менежер, нам бүлэглэлүүдээс ангид гэх тодотголуудтай Б.Баярмагнайгийн хувьд дэмжлэг Алтайчуудын итгэлийг хүлээх магадлал өндөр байгаа аж.


О.ОНОН


Энэ мэдээ таалагдаж байвал:


  • Уншигч · [119.40.98.177] · 2020/04/24

    2020 оны сонгуульд урд нь дэвшиж байсан хүмүүс нэг нь ч гарахгүй ээ, шинэ дэвшигчдийг дэмжих төлөвтэй байна. Хуучцуул юу ч хийж чадахгүй өмнөх жилүүд шиг л болно


  • Иргэн · [66.181.185.168] · 2020/04/23

    Зуунай гэж байсан, Байхдаа байхдаа бүр их шударга аятайхан түшээ байж билээ


  • zochin · [43.242.242.165] · 2020/04/22

    Зуунай гэж гишүүн байсан, байх байхдаа жинхэнэ УИХ-ынгишүүн байсан шүү. Түүх хараа


  • Зочин · [202.126.88.197] · 2020/04/22

    Энх-амгаланг Дарханд дэвшvvлээч гуйж бна


  • зочин · [124.158.95.14] · 2020/04/22

    ЗУУНАЙ ГЭДЭГ ХҮН НЭР ДЭВШИЖ, УИХ-ЫН ГИШҮҮН БОЛСОН ГЭЖ ЁСТОЙ СОНСООГҮЙ ЮМ БАЙНА, БИЧСЭН ХҮН НЬ АНДУУРАВ УУ? БИ МЭДЭХГҮЙ ӨНГӨРӨӨВ ҮҮ ТА МИНЬ ЭЭ, МЭДЭХ ХҮН БАЙНА УУ???ЗУУНАЙ ГЭЖ АЛТАЙН ЭМЧ ХҮН БИЕ ДААЖ НЭР ДЭВШСЭН Ч ГЭХ ШИГ, ЁСТОЙ СОНИН ЮМ БОЛОХ НЬ ШИВ ДЭЭ, БАС ЭНЭ БАЯРМАГНАЙ ГЭЖ ЁСТОЙ СОНСООГҮЙ ЮМ БИЧЭЭД БАЙХ ЮМ???УЙДДАГ ЮМ УУ ЯАДАГ ЮМ О. ОНОН ГУАЙ???КККК


  • Зочин · [64.119.18.113] · 2020/04/22

    enhamgalan bol manangiin gulug


  • Иргэн · [122.201.21.15] · 2020/04/21

    Нэрт эрдэмтэн Зуунай гэж мэдэхгүй юм байна. Орон гаран ийм юм бичих нь хэнд хэрэгтэй байдаг юм бол доо.


  • bat · [202.9.46.168] · 2020/04/21

    Энэ сонгуульд ард түмэн минь намчирхал яахав нэг л удаа Шинэ нам шинэ хүмүүсийг дэмжэцгээе тэгвэл төр хяналттай ажиллаж ард түмэн хожно таньд өөр гарц байна уу эсвэл АН-МАН-МАН-АН гэсээр дуусах уу